Te Utuafare Mo'a B

TE UTUAFARE MO’A o Iesu, Maria e Iosepha - B

Oro’a

TAIORAA MATAMUA
« Te taata rà no roto mai i to opu, o te riro ïa ei taata aia no oe na »
A taio tatou i te puta Genese 15, 1-6 ; 21, 1-3
I taua mau mahana ra, o te reo maira o te Fatu ia Aberama i te orama ra i te naô raa e : Eiaha e mataû, e Aberama e, o vau to oe paruru, e to oe taime rahi. Ua parau atura Aberama e : e te Fatu, e te Atua e, e aha ta oe e ho mai ia’u ? Inaha, e pohe hoi au ma te tamarii ore, e e riro ta’u mau taoa i tera Damaseko, te tamaiti a Eliezera, te tiaau o to’u nei utuafare. Ua parau faahou o Aberama e : aore oe i ho mai i te huaai no’u, e inaha, to’u nei tavini e riro ïa ei taata aia no’u nei. Aore i mahia, tae faahou maira te reo o te Fatu iana i te naôraa e : e ore teie e riro ei taata aia no oe ; te taata rà no roto mai i to opu, o te riro ïa ei taata aia no oe na. Aratai ihora oia iana i rapae, naô aera iana : a nânâ i to mata i nia i te rai, a taio oe i te mau fetia, mai te mea ra e, e tia ia oe. E ua naô â iana e : mai te reira’toa to oe na huaai. Faaroo atura Aberama i te Atua, e ua haapao hia te reira ei parautia nana ra. Ua aroha mai te Fatu ia Sara, mai tana i parau fafau maira, e ua faatupu i tana i faaite maira. Ua tô hoi oia e ua fanau aera i te tamaiti i tona ra ruhiruhiaraa, e i te tau mau iho â i faaite atea hia mai e te Atua iana ra. Mairi ihora Aberahama i te ioa i tana tamaiti ta Sara i fanau nana ra, ia Isaaka.

- O te Parau ïa a te Atua.

SALAMO 104, 1-2, 3-4, 5-6, 8-9
R/ O oia te Fatu to tatou Atua ra :
ua manao tamau mai oia i tana ra Faufaa.

E haamaitai i te Fatu, a tiaoro i tona ra ioa,
e faaite i tana mau ohipa tuiroo i rotopu i te mau nunaa !
A himene iana, a faaoto i te mau pu,
e faaite haere i tana ra mau ohipa maere !

E faahaha outou iô te taata i tona ra ioa moâ,
oâoâ to te mau mafatu o tei imi atu i te Fatu !
A imi i te Fatu e tona ra puai,
a imi ma te tuutuu ore i tona ra mata !

A haamanao i te mau ohipa faahiahia tana i rave
tana mau semeio e te mau ture no roto mai i tana ra vaha !
E te huaai o Abrahama e o tana ra tavini,
e te tamarii a Iakoba e i maiti hia e ana ra.

Ua manao tamau mai oia i tana ra Faufaa,
i te parau tana i tuu mai no te tauatini raa o te mau ui,
e parau faaau tana i fafau ia Aberahama,
e tapu tana i tapu ia Isaaka.

TAIORAA PITI
Te faaroo o Aberahama, o Sara e o Isaaka
A taio tatou i te epitore i te mau Hebera 11, 8.11-12.17-19
E au mau taeae e, no te faaroo i faarii ai Aberahama i te nominoraa a te Atua o tei faaue mai iana e haere i te hoe fenua, o te noaa mai iana ei ’?i’a, ’e ua reva atura oia, ma te taa ore i te vahi e haerehia e ana ra.
No te faaroo, rahi noa ai t?na paari, t? ihora Sara ’e ua fanau maira i te huaai, ua manao hoi oia e, e parau mau ta tei parau fafau mai iana ra. ’E no reira, no ? mai i te taata hoe ra - ’e oi pohe roa hoi taua taata ra - fanauhia maira te huaai, mai te fetia o te ra’i ra te rahi ’e mai te one tahatai, eita e hope ia taio…
No te faaroo i p?p? ai Aberahama ia Isaaka, iana i tamatahia e te Atua. Ua horoa oia i t?na tamaiti fanau tahi ei tutia, oia te taata i roto iana te parau i fafauhia mai ra. Nona hoi te parau i parauhia mai ra : Na roto ia Isaaka e noaa ai to oe huaai, o te topahia i to oe iho i’oa. Manao ihora oia e, e mana to te Atua ia faatiafaahou i tei pohe ra ; o te tumu ïa i noaa faahou mai ai iana t?na tamaiti, ’e ua riro atura tei reira ei taipe.

- O te Parau ïa a te Atua.

ALLELUIA
Alleluia. Alleluia.
I mutaa iho ra, ua parau mai te Atua cf. Heb 1, 1-2
i to tatou hui metua na roto i te mau peropheta ;
i teie r? mau mahana hopea nei,
ua parau mai oia ia tatou na roto i tana iho Tamaiti.
Alleluia.

EVANELIA
« Tupu a’era taua tamaiti ra, itoito atura ; ua ? oia i te paari »
† A taio tatou i te Evanelia a Luka peata 2, 22-40 (Taioraa haapotohia : 2, 22.39-40)
E tae a’era i te mahana e tam?hia ai raua, mai tei au i tei faauehia mai e te ture a Mose ra, hopoi atura Maria raua o Iosepha i te tamaiti iti i Ierusalema no te p?p? iana i mua i te aro o te Fatu. [Faaearaa o te taioraa haapotohia]
Ua papaihia hoi, i roto i te ture a te Fatu : « Te mau tamaroa matahiapo atoa, ua mo’a ïa i te Fatu. » ’E no te hopoi atoa i e piti uupa, e aore r?, e piti fanau ’?’?’aira’o ei tutia, mai tei parauhia i roto i te ture a te Fatu.
’E inaha, tei Ierusalema te hoe taata, o Simeona te i’oa ; e taata parautia oia ’e te paieti hoi, te tiai ra oia i te haamahanahanaraa no Iseraela ’e tei nia iana te Varua-Maitai. Ua heheu mai te Varua-Maitai iana e, e ore oia e pohe hou a ite ai i te Kirito a te Fatu ra. Ua arataihia maira oia e te Varua-Maitai i te hiero. Ia hopoi mai na metua i te tamaiti, ia Iesu, e rave i tei titauhia nona e te ture ra, ua rave ihora Simeona i te tamaiti iti, tapea a’era i roto i tana rima, ’e ua haamaitai atura i te Atua, i te na ?raa e : « I teienei, e te Fatu e, e tuu noa oe i t? tavini nei, ia reva ma te hau ; inaha hoi, mai ta oe i parau fafau mai ra, ua ite ta’u mata i te ora na oe, o ta oe i faaineine i mua i te mata o te mau nunaa atoa. O te tiarama ïa e heheuhia ai oe i te mau nunaa etene ra, ’e o te hanahana hoi no to oe nunaa o Iseraela. » Maere ihora te metua tane ’e te metua vahine o te tamaiti i tei parauhia n?na. Ua haamaitai atura Simeona ia ratou ’e ua parau atura i t?na metua vahine ia Maria : « Ua haapaohia teie tamaiti iti ei hi’araa no to Iseraela e rave rahi ’e ei tia-faahou-raa-hoi no to Iseraela e rave rahi. E riro oia ei tapao e m?r?hia e te taata. O oe r?, e putap? to oe varua i te ’o’e. ’E e na reira e itehia ai te mau manao huna o na mafatu e rave rahi. »
Te vai atoa ra te hoe peropheta vahine, o Ana, e tamahine na Phanuela, no te opu o Asera. Ua paari roa oia. E hitu ?na matahiti i te parahiraa i te tane t?na i faaipoipo i t?na vai-api-raa, i te poheraa t?na tane, ua parahi vahine ’ivi noa oia ’e ua rae’a iana te va’u ahuru ma maha o te matahiti. E ore oia e faarue i te hiero, e haamori noa r? oia i te Atua, ma te pure ’e te neseteia, i te p? ’e te ao. Tae maira oia, i reira ra, haamaitai atura i te Fatu, ’e ua haamata ihora i te ta’o i te parau no taua tamaiti iti ra i te feia atoa e tiai i te faaoraraahia o Ierusalema.
[Tuatiraa o te taioraa haapotohia :]
Hope a’era ia raua te mau mea atoa i faauehia mai e te ture a te Fatu ra, h?ho’i atura raua i Galilea i to raua iho oire mau, i Nazareta. Tupu a’era taua tamaiti ra, itoito atura ; ua ? oia i te paari ’e tei nia iana te here o te Atua.

- Haapopou tatou i te Parau a te Atua.