Dominika 4 - 40raa B

DOMINIKA 4 - 40RAA - B (Laetare)

TAIORAA MATAMUA
                                                         Ua faaite mai te Fatu i tona riri na roto i te afairaahia i Babulonia e ua faaite mai oia i tona aroha i tona faaoraraa i tona nunaa
A taio tatou i te puta piti no te mau Paralipomeno     36, 14-16.19-23
I te mau mahana ra, ua taiva è hoi i reira te mau tavana o te mau tahua atoa, e ua haaviivii ratou i te fare o te Fatu tana i haamoâ nona iho i Ierusalema. Ua tono râ te Fatu, te Atua o to ratou mau metua, i tana ra mau vea, ma te tia i nia i te po, e ma te aô atu ia ratou i te mau mahana’toa, ia tia iana e faaherehere i tona ra nunaa, e tona ra fare. O ratou râ ua vahavaha ïa i te mau vea a te Atua, e aita i haapao i tana ra mau parau ; ua tahitohito ratou i te mau peropheta, a tupu i te rahi te riri o te Fatu i nia i tona ra nunaa, ma te ravea ore e ora’i. Ua tutui te mau enemi i te fare o te Atua i te auahi, ma te haaparari i te aua o Ierusalema ; ua haapau anae ratou i te mau pare i te auahi, e ua haamou hoi i te mau mea taoa rahi. E o tei ore i pohe i te ôê, ua aratai hia i Babulonia e tavini i te arii e i tana tamarii atoa, e ia tae noa mai te hau o te arii o Peresia, e a tupu roa’i te parau a te Fatu, na roto i te vaha o Ieremia : e a haapao ai te fenua i tona ra mau tapati ; ua haapao hoi i te tapati ma te tuutuu ore i te mau mahana’toa a ati ai oia, a hope ai na matahiti e hitu ahuru.
I te matahiti matamua o Kuro, te arii o Peresia, ei faatupu i te parau a te Fatu, tana i parau na roto i te vaha o Ieremia, ua faaaraara te Fatu i te varua o Kuro, te arii o to Peresia ; o tei faaue ia poro hia i tona basileia’toa ra, na roto i te papairaa iho, i te naôraa e : « Teie ïa te parau a Kuro, te arii o Peresia : ua horoa mai te Fatu ra, te Atua o te rai, i te mau basileia’toa o te fenua ia’u nei ; e ua poroi mai oia ia’u ia faatia vau i te hoe fare nona i Ierusalema i Iudea ra. O vai to outou na i tona ra nunaa ? Ei iana ra te Fatu, tona ra Atua ; e ia haere oia. »

      - O te Parau ïa a te Atua.

SALAMO 36, 1-2, 3, 4-5, 6
R/ Ia piri to’u arero i to’u arapoa nei
Ia piri to’u arero i to’u arapoa nei.

I te hiti o te mau anavai i Babulonia ra,
       te parahi noa ra matou, e te oto ra matou,
a haamanao ai matou ia Siona ;
i nia i te mau arobe te faa tautau raa
ta matou kinura.

I reira ra te feia i afai titi ia matou,
       i ani mai ai i te mau himene ;
e te feia i haru ia matou i ani mai ai i te oâoâ, naô maira ratou e :
« A himene mai na outou
i te hoe o te mau himene o Siona. »

E aha e tia’i ia matou ia himene i te hoe himene a Jehova
i te fenua è nei ?
Ia moe oa ia’u, e Ierusalema,
ia marô ia ta’u rima atau.

Ia piri to’u arero i to’u arapoa nei,
ia ore au ia haamanao ia oe,
ia ore au ia faateitei ia Ierusalema
ei mea oâoâ rahi na’u.

TAIORAA PITI
                                                                « Pohe noa ai ? tatou no te mau hara, no te karatia hoi i faaorahia ai outou »
A taio tatou i te epitore a Paulo peata i to Ephesia        2, 4-10
E au mau taeae e, e rahi r? to te Atua aroha, no te rahi o t?na here ia tatou. Pohe noa ai ? tatou no ta tatou mau hara, ua faaora mai oia ia tatou ’e o te Kirito atoa. - No te karatia hoi i faaorahia ai outou - Ua faatiafaahou oia ia tatou ’e te Kirito atoa ’e, i roto ia Iesu-Kirito, ua haaparahi oia ia tatou i nia i te ra’i. Ua na reira oia ei faaiteraa i te mau u’i a muri atu i te rahi hau a’e o t?na karatia, o tei itehia i roto i t?na here ia tatou i roto ia Iesu-Kirito. No te karatia hoi outou i faaorahia ai na roto i te faaroo. E ere taua ora ra i te ? mai ia outou iho, e mea horoahia mai r? e te Atua. E ere i te ohipa outou e ora ai, ’e no reira aita atura e taata e ti’a ia faateitei iana iho. Na te Atua tatou i haa, ua poietehia tatou na roto ia Iesu-Kirito, ia rave tatou i te ohipa maitatai i faaineine-atea-hia e te Atua ia haapaohia e tatou.

  - O te Parau ïa a te Atua.

IRAVA I MUA I TE EVANELIA

Ei hanahana e ia aruehia oe, e te Fatu e Iesu e !
I here mai hoi te Atua i to te ao nei e tae roa atu i te horoa mai i tana Tamaiti fanau tahi,
ia ore ia pohe te hoe a’e taata e faaroo iana,
ia roaa r? iana te ora mure ore.
Ei hanahana e ia aruehia oe, e te Fatu e Iesu e !

EVANELIA
                                                      « I tono mai te Atua i tana Tamaiti ia faaorahia mai r? to te ao nei na roto iana ra »
† A taio tatou i te Evanelia a Ioane peata    3, 14-21
I taua anotau ra, ua parau atura Iesu i Nocodema : « Mai ia Mose i faateitei i te ophi i te medebara ra, oia atoa te Tamaiti a te taata, ia faateitei-atoa-hia oia e ti’a ai, ia roaa te ore mure, na roto iana, i te taata atoa e faaroo ra. I here mai hoi te Atua i to te ao nei e tae roa atu i te horoa mai i tana Tamaiti fanau tahi, ia ore ia pohe te hoe a’e taata e faaroo iana, ia roaa r? iana te ora mure ore. Aore hoi te Atua i tono mai i tana Tamaiti i te ao nei ei faahapa mai i to te ao nei, ia faaorahia mai r? to te ao nei na roto iana ra. O tei faaroo iana ra, e ore ïa e faahapahia, o tei ore i faaroo, ua faahapa-’?-hia na ïa, oia aore i faaroo i te i’oa o te Tamaiti fanau tahi a te Atua. ’E teie hoi te haavaraa : i haere mai te maramarama i te ao nei, o te pouri r? ta te taata i au atu, eiaha te maramarama, no te mea te ino ra ta ratou mau ohipa. O te rave hoi i te ino, ua riri ïa i te maramarama, ’e e ore oia e haere mai i te maramarama. O te rave r? i te parau mau, e haere mai ïa i te maramarama, ia faaite-papu-hia e, te au mau ra t?na ohipa i te Atua. »

- Haapopou tatou i te Parau a te Atua.