DOMINIKA 32 - TAU NOA - B

TAIORAA MATAMUA
                                                          « Ua haere atura oia te vahine, e ua rave i ta Elia i parau ra »
A taio tatou i te puta toru no te mau Arii   17, 10b-16
I te mau mahana ra, reva atura te peropheta Elia i te fenua Sarepheta. A tae ai oia i te uputa o te oire ra,itea hia ihora i reira ra te hoe vahine ivi i te ohiraa i te vahie, ua pii atura oia iana, naô atura : A hopoi mai na i te hoe maa pape i roto i te farii ia inu au. E te haere ra oia e afai mai, pii atura oia i muri iana, i te naôraa e : Te ani atu nei au ia afai atoa mai oe i te maa pane rii i to rima ra. Naô maira oia : Te ora ra te Fatu to Atua ra, aita ta’u e pane maori ra te hoe maa faraoa ota, hoe ae apu rima e î, te i roto i te hue, e te hoe maa olive i roto i te farii ; inaha te ohi nei au i e piti raau vahie a haere ai au e tunu na mâua e ta’u tamaiti ia amu, e pohe atu ai. Ua parau Elia iana : Eiaha e mataû, a haere, e na reira, mai ta oe i parau ra ; area râ a hamani na mua na’u ra i te hoe maa pane iti no te reira faraoa ota i raro ae i te rehu auahi, a afai mai ia’u nei, e i muri ae e hamani atu ai na oe e na to tamaiti ra. Teie hoi te parau a te Fatu ra te Atua o Iseraela : e ore te hue faraoa e pau, e ore hoi e iti mai te farii olive, e tae noa’tu i te mahana e tuu mai ai te Fatu i te ua i te fenua nei. Ua haere atura oia, e ua rave i ta Elia i parau ra, amu ihora oia, e oia’toa, e tona utuafare atoa, e mai te reira mahana mai â. Aore i pau te hue faraoa, aore hoi i iti te farii olive, mai te au i te parau a te Fatu ra tana i parau na roto i te vaha o Elia.

     - O te Parau ïa a te Atua.

SALAMO 145, 6c-7, 8abc-9a, 9bc-10
R/ A haamaitai i te Fatu,
e ta’u varua e !

Na’na te parau tia e a muri noa’tu,
na’na e faatiama mai i tei hamani ino hia ,
nana e horoa i te pane na tei poia,
e tatara tre Fatu i tei taamu hia i te fifi.

E faaaraara te Fatu i te mata o tei matapo hia,
e faatia te Fatu i tei haapio hia i raro,
e au te Fatu i te taata parau tia,
e paruru te Fatu i te taata ee.

E tauturu oia i te otare e i te vahine ivi,
e taoi ra oia i te haerea a te feia paieti ore,
E vai Ariiâ te Fatu i te mau anotau atoa
to Atua, e Siona e, e mai tera ui e tera ui !

TAIORAA PITI
                                                  « Oia atoa te Kirito, hoe anae ?na p?p?raahia ei taraehara no na taata e rave rahi »
A taio tatou i te epitore i te mau Hebera      9, 24-28
E ere hoi te vahi mo’a i hamanihia e te rima taata, e ere hoi te hohoa o te vahi mo’a mau tei tomohia e te Kirito, o re ra’i mau r?, ia itehia oia i mua i te aro o te Atua ei ti’a no tatou. Tei reira oia, e ere r? ia p?p? pinepine oia iana iho, mai te tahu’a rahi e tomo i te mau matahiti atoa i roto i te vahi mo’a, ma te toto ’? i t?na iho ra. Ahiri hoi e mea na reira, e rave rahi a’enei ïa t?na mauiuiraa, mai te faatumuraahia mai ? o teie nei ao. Hoe roa r? ?na faaiteraahia, i te tau hopea nei, ia faaorehia te hara i t?na iho tutia. ’E mai te taata nei i haapaohia, ia hoe a’e ?na poheraa - i muri mai o te haavaraa ïa - oia atoa te Kirito, hoe anae ?na p?p?raahia ei taraehara no na taata e rave rahi. E f? mai ? oia, o te piti ïa o te f?raa mai, e ere r? ei taraehara, ei faaora r? i te feia e tiai iana ra.

      - O te Parau ïa a te Atua.

ALLELUIA
Alleluia. Alleluia.
E ao to tei veve te mafatu :                Mat 5, 3
no ratou hoi te Basileia o te ra’i !
Alleluia.

EVANELIA
                                               « E rahi a’e te ? a teie nei vahine ’ivi ’e te veve i ta ratou atoa ra »
† A taio tatou i te Evanelia a Mareko peata        12, 38-44 (Taioraa haapotohia : 12, 41-44)
I taua anotau ra, ua parau atura Iesu ia ratou, i roto i t?na haapiiraa : « E ara i te mau papai parau. E mea au hoi na ratou e hahaere ma te ahu roroa ; e mea au na ratou e parahi i nia i te mau parahiraa matamua i te mau sunago ’e i roto hoi i te mau amuraa m?a ; e rave haapau ratou i te faufaa a te mau vahine ’ivi, e faahua paieti ratou i te pureraa i te pure roroa. E teimaha roa ta ratou utua. »
[E haamata te taioraa haapotohia i o nei :]
Te parahi ra Iesu i mua mai i te afata vairaa taoa, ’e te mataitai ra i te tiaa rahi taata i te tuuraa mai i te moni i roto i te afata. E rave rahi te feia taoa i tuu i te moni rahi i roto. Tae maira te hoe vahine ’ivi ’e te veve, tuu maira i na pene rii e piti i roto i te afata. Ua parau atura Iesu i tana mau pipi e haere mai, ’e ua na o atura : « Oia mau t?’u e parau atu nei ia outou : e rahi a’e te ? a teie nei vahine ’ivi ’e te veve i ta ratou atoa ra. Ua rave hoi ratou atoa ra no roto mai i ta ratou taoa rahi ; area oia, ua rave ïa no roto mai i t?na veve rahi : ua tuu mai hoi oia i t?na moni taatoa e ora ai oia. »

- Haapopou tatou i te Parau a te Atua.