DOMINIKA 3 - AVENETE - B (Gaudete)

TAIORAA MATAMUA
                                                                    « E oâoâ vau ma te umere i te Fatu » 
A taio tatou i te puta a Isaia peropheta       61, 1-2a.10-11
Te i nia ia’u te Varua o te Fatu ra, no te mea ua faatahinu mai te Fatu ia’u, ua tono mai oia ia’u ia faaite i tana parau i te feia maru, ua faaora vau i tei tatarahapa te mafatu, ia aô vau i te aroha i te mau tîtî, e te tiamaraa i tei tapea hia ra. Ia aô vau i te matahiti au hia e te Fatu.
E oâoâ vau ma te umere i te Fatu ; e ouaua noa ta’u varua i te oâoâ i ta’u Atua, no te mea ua faaahu oia ia’u i te ahu o te ora, e ua tapoi oia ia’u i te ahu o te parautia, mai te tane faaipoipo i faaunauna hia i te korona, e mai te vahine faaipoipo i faanehenehe hia i te poe ra. Mai te fenua e faaoteu i tana raau rii ra, e mai te ô e faatupu i tona huero ; mai te reira’toa, na te Fatu, na te Atua e faaoteu mai i te parautia e te haamaitai i te aro o te mau nunaa’toa ra.

     - O te Parau ïa a te Atua.

HIMENE                                                                       Luk 1, 46b-48, 49-50, 53-54
R/ E oâoâ vau ma te umere i te Fatu.

Te faateitei nei ta’u varua i te Fatu,
’e ua oaoa ta’u mafatu i te Atua, i t?’u Faaora.
O oia i hio aroha mai i te haehaa o tana tavini nei.
Oia mau, mai teie atu nei, e parau mai te mau u’i atoa e, e ao rahi t?’u.

No te mea e mau ohipa maere ta te Mana hope i rave no’u.
E mo’a t?na i’oa.
E vai maite t?na aroha i te feia e mata’u iana ra,
i tera u’i ’e i tera u’i.

Ua faaï oia i tei poia i te mea maitatai,
’e tei taoahia ra, ua faahoi ïa oia ma te ere.
Ua tauturu mai oia i tana tavini ia Iseraela,
ua haamanao hoi oia i t?na aroha.

TAIORAA PITI
                                                                        « E ia to outou manao, to outou varua ’e to outou tino ia vai hapa ore i te haereraa mai o to tatou Fatu » 
A taio tatou i te epitore matamua a Paulo peata i to Tesalonia       5, 16-24
E au mau taeae, e oaoa ma te faaea ore. E pure ma te tuutuu ore. E haamaitai i te Atua no te mau mea atoa ra. Te hinaaro nei hoi te Atua ia na reira outou i roto i te Kirito ia Iesu. Eiaha e tinai i te Varua ra. Eiaha e tahitohito i te tohu. A hiopoa maite i te mau mea atoa ma te faataa i te mau varua, a tapea i tei maitai ; a haapae atu i te mau huru atoa o te ino. Ia haamo’a mai te Atua hau ia outou i te mau mea atoa. E ia tiai-maitai-hia to outou manao, to outou varua ’e to outou tino, ia vai hapa ore noa e tae noa atu i te haereraa mai o to tatou Fatu o Iesu-Kirito. O tei nomino mai ia outou, e haapao ïa i t?na parau, e no reira nana ? e tiai mai ia outou.

     - O te Parau ïa a te Atua.

ALLELUIA

Alleluia. Alleluia.
Te i nia ia’u te Varua o te Fatu ra
ua tono mai oia ia’u ia faaite i tana parau i te feia veve.
Alleluia.

EVANELIA
                                                        « Te ti’a nei r? te hoe i rotopu ia outou ta outou i ore i ite »
† A taio tatou i te Evanelia a Ioane peata      1, 6-8.19-28
Ti’a maira te hoe taata i tonohia mai e te Atua, o Ioane t?na i’oa. I haere mai oia ei ite, ei faaite i te maramarama, ia arataihia te taata atoa e ana i te faaroo. E ere oia i te maramarama, ua tae mai r? oia ei ite no te maramarama.
Teie te parau faaiteraa a Ioane, i te tonoraa mai te Ati-Iuda i te tahu’a ’e te Ati-Levi , mai Ierusalema mai, e ui mai ia Ioane e : « O vai oe ? » Ua f?’i oia, aore oia i huna a’e. Ua f?’i oia : « E ere au i te Kirito. » Ua ui maira ratou iana : « O vai ïa oe, o Elia anei oe ? » Ua parau atura oia : « E ere. » « O te peropheta anei oe ? » Ua pahono atura oia : « E ere. » Ua parau maira ratou iana : « O vai ïa oe, ia parau matou i te feia i tono mai ia matou ? E aha ta oe parau no oe iho ? » Ua parau atura oia : « E reo vau i te tiaororaa i roto i te medebara : a faatitiaifaro i te ea o te Fatu, mai tei parauhia e te peropheta ra, e Isaia. » Taua mau taata i tonohia mai ra, e pharisea ïa. Ua ui maira ratou iana, na ? maira : « E aha ïa oe e papetito ai, inaha hoi, e ere oe i te Kirito, e ere hoi o Elia, ’e e ere atoa i te peropheta ? » Ua pahono atura Ioane ia ratou : « Te papetito nei au ia outou i te pape, te ti’a nei r? te hoe i rotopu ia outou, ta outou i ore i ite. Te haere mai nei oia i muri iho ia’u, ’e eita vau e au i te tatara i te tapea o tana t?ma’a. »
Ua tupu te reira i Betania i tera pae i Ioridana, i reira hoi Ioane i te papetitoraa.

     - Haapopou tatou i te Parau a te Atua.