Dominika 3 - 40raa B

DOMINIKA 3 - 40RAA - B

TAIORAA MATAMUA
Ua horoahia mai te Ture na roto ia Mose
A taio tatou i te puta Exodo 20, 1-17 (Taioraa haapotohia : 20, 1-3.7-8.12-17)
I ni’a i te mou’a Sinaï, ua parau maira te Fatu i teie atoa nei mau parau : « O vau te Fatu ra to Atua o tei aratai mai ia oe mai te fenua Aiphiti maira, mai te utuafare i tavini ai oe. Eiaha roa’tu to oe ei Atua è ia’u nei. [Faaearaa o te taioraa haapotohia]
Eiaha roa oa e hamani i te tii tarai hia no oe e te hohoa no te hoe mea i nia i te rai ra, e no te hoe mea i raro i te fenua nei, e no te hoe mea i roto i te pape i raro ae i te fenua ra. Eiaha roa oe e haamori atu, e e tavini atu ; o vau te Fatu, o to Atua puai ïa e te tahoo, e te faautua hoi i te hara a te feia metua i nia i te mau tamarii e tae noa’tu i te toru e te maha o te ui, o ratou tei au ore mai ia’u nei. E te aroha’tu, e tauatini noa’tu te ui, i te feia i here mai ia’u e i haapao i ta’u ra parau.
[Tuatiraa o te taioraa haapotohia :]
Eiaha oe e faahiti faufaa ore noa i te ioa o te Fatu ra to Atua, e ore hoi te Fatu e faatiama iana i tei faahiti faufaa ore noa i te ioa o te Fatu ra, tona Atua. E haamanao oe i te haamoâ i te mahana tapati. [Faaearaa o te taioraa haapotohia]
E ono mahana to oe ia rave e ia haa i ta oe mau ohipa’toa ra. O te mahana hitu râ, o te tapati ïa no to Fatu ra to Atua, eiaha roa oe e rave i te ohipa i tei reira mahana, o oe, e to tamaiti, e to tamahine, e to tavini tane, e to tavini vahine, e to puaâ, e te taata è io oe ra. E ono hoi mahana to te Fatu i te hamani i te rai e te fenua, e te tai, e te mau mea’toa i roto ra, area faaea ihora oia i te mahana hitu : no reira i haamaitai ai te Fatu i te mahana tapati e haamoâ’tu ai.
[Tuatiraa o te taioraa haapotohia :]
E faatura’tu i to metua tane e to metua vahine ia maoro to oe pue mahana i te fenua nei, ta te Fatu ra te Atua e horoa mai no oe ra. Eiaha roa oe e taparahi. Eiaha roa oe e moiheuo. Eiaha roa oe e eîa. Eiaha roa oe ei ite haavare i to taata tupu ra. Eiaha roa oe e nounou i te fare no to taata tupu ; eiaha e nounou i tana vahine, e tona tavini tane, e tona tavini vahine, e tana puaatoro, e tana asini, eiaha atoa te mau mea’toa nana ra. »

- O te Parau ïa a te Atua.

SALAMO 19, 8, 9, 10, 11
R/ E te Fatu e, tei ia oe na hoi te mau parau
o te ora mure ore.

E hapa ore roa te ture a te Fatu,
e tamahanahanaraa na te mau varua ;
te parau-faaiteraa a te Fatu, e parau mau ïa,
o te paari ïa a te feira riirii.

E mea tia anae ïa te mau faaueraa a te Fatu,
e oâoâ ïa no te mafatu ;
te faaueraa a te Fatu, e mea maramarama ïa,
e maramarama ïa na te mata nei.

Te mataû i te Fatu, e mea mo’a ïa,
e tia i te vai maiteraa i tera tau e i tera tau ;
te faataaraa a te Fatu e parau mau ïa,
e te tia anae ïa.

Hae hae tona hinaaro hia i te auro,
i te auro maitai roa ae.
E tana mau parau, e monamona rahi ae ïa i te meri,
i te meri i ofati api hia.

TAIORAA PITI
« Te a’o nei r? matou i te hoe kirito i faatataurohia, e turoriraa ïa na te mau taata, no tei nominohia r?, ’e te paari o te Atua »
A taio tatou i te epitore matamua a Paulo peata i to Korinetia 1, 22-25
E au mau taeae e, te ani maira te Ati-Iuda i te semeio, ’e te titau ra te Heleni i te paari. Te a’o nei r? matou i te hoe kirito i faatataurohia, e turoriraa ïa na te Ati-Iuda, ’e e parau maamaa na te etene. No tei nominohia r?, e Ati-Iuda ratou, o te reira ïa, e Heleni, o te reira ïa, o te Kirito ïa, o te mana o te Atua ’e te paari o te Atua. E hau a’e hoi te paari o te parau maamaa a te Atua i te paari o te taata nei, ’e te paruparu o te Atua, e puai a’e ïa i te taata nei.

- O te Parau ïa a te Atua.

IRAVA I MUA I TE EVANELIA

Ei hanahana i te Kirito,
te paari etereno o te Atua ora.
Ei hanahana ia oe, e te Fatu e.
I here mai hoi te Atua i to te ao nei Ioa 3, 16
e tae roa atu i te horoa mai i tana Tamaiti fanau tahi,
ia ore ia pohe te hoe a’e taata e faaroo iana, ia roaa rä iana te ora mure ore.
Ei hanahana i te Kirito,
te paari etereno o te Atua ora.
Ei hanahana ia oe, e te Fatu e.

EVANELIA
« A vavahi na i teie nei nao, ’e ua mairi anae e toru mahana, ua faatia-faahou-hia e au »
† A taio tatou i te Evanelia a Ioane peata 2, 13-25
Te fatata maira te P?sa a te Ati-Iuda. Haere atura Iesu i Ierusalema. Ua ite atura oia, i roto i te hiero, i te taata e hoo ra i te puaatoro, te mamoe ’e te ’?’?’aira’o, ’e te feia taui moni i te parahiraa i ta ratou mau hooraa. Hamani ihora oia i te taura ei tairi, ’e ua tiahi atura oia ia ratou i rapae i te hiero ’e ta ratou mau mamoe ’e ta ratou mau puaatoro. Ua hue atura oia i te moni a te feia taui moni, faat?’opa atura i ta ratou mau iri. ’E ua parau atura oia i te feia hoo ’?’?’aira’o : « A hopoi ’? atu i tena mau mea : eiaha e faariro i te fare o ta’u Metua ei fare hooraa. » Haamanao ihora tana mau pipi i tei papaihia ra : « Ua ’? vau i te itoito i t? fare. » Ua parau maira r? te Ati-Iuda, na ? maira iana : « E aha ta oe tapao e rave ei faaiteraa mai ia matou e, e ti’a ia oe ia na reira ? » Ua pahono atura Iesu, na ? atura : « A vavahi na i teie nei nao, ’e ua mairi anae e toru mahana, ua faatia-faahou-hia e au. » Ua parau maira te Ati-Iuda : « E maha ahuru ma ono matahiti i te faatiaraa i teie nei nao, ’e ua mairi anae e toru mahana, ua oti ïa nao i te faatia-faahou-hia e oe ? » Area oia, o t?na iho tino te nao t?na e parau ra. No reira, ia tiafaahou a’era oia no roto mai i te feia pohe, haamanao ihora tana mau pipi e, ua na reira oia i te parau, ’e ua faaroo atura ratou i te papairaa mo’a ’e te parau hoi i parauhia e Iesu. Te parahi ra Iesu i Ierusalema i te oroa P?sa ra, e rave rahi tei faaroo i t?na i’oa, i to ratou iteraa i te mau tapao i ravehia e ana. Aita r? Iesu i tiaturi ia ratou, no te mea ua hope ratou i te itehia e ana. E ore hoi oia e tiai i te faaiteraa a vetahi ’? ia ite i te huru o te taata, ua ite hoi oia i to roto i te taata.

- Haapopou tatou i te Parau a te Atua.