DOMINIKA 27 - TAU NOA - B

TAIORAA MATAMUA
                                                            « E riro raua ei tino hoe »
A taio tatou i te puta Genese        2, 18-24
Ua parau atoa te Fatu : E ere i te mea maitai ia parahi te taata oia anae ra, e hamani tatou i te hoe tauturu e au iana ra. Oti aera te mau puaa’toa o te fenua i te hamani hia i te repo fenua, e te mau manu atoa o te rai, ua aratai te Fatu ra te Atua ia ratou ia Adamu ra ia hio oia i te ioa tana e mairi ia ratou ra ; e te ioa ta Adamu i mairi i taua mau mea ora ra, o to ratou iho ioa ïa. Mairi ihora o Adamu i te ioa o te mau mea ora’toa ra, to te mau manu o te rai, e to te mau puaa’toa o te fenua. Area rà aore roa i itea ia Adamu te hoe tauturu e au iana ra. Haamairi ihora te Fatu ra te Atua i te varea taoto ia Adamu, e a taoto ai oia, rave ihora te Fatu i te hoe ivi aoao nona ra, taati aera i te io i taua vahi ra. Faariro ihora te Fatu ra te Atua i taua ivi aoao ra, tana i rave no ô mai ia Adamu ra, ei vahine ; aratai atura iana ia Adamu ra. Ua parau maira o Adamu : E teienei, e ivi teie no tou nei ivi, e io hoi no tou nei io, ia parau hia oia : e Virago, no te mea no ô mai oia i te taata te noaa raa mai. No reira, e faarue ai te taata i tana metua tane e tana metua vahine, a ati atu ai i te vahine ; e riro raua ei tino hoe.

     - O te Parau ïa a te Atua.

SALAMO                               127, 1-2, 3, 4-6
R/ Ia haamaitai mai te Fatu ia tatou
’e to tatou na pue mahana 

E ao to te feia e mataû i te Fatu ra,
e tei haere na nia i tona mau èà.
E amu hoi oe i ta to rima i ohipa ra ;
e ao to oe e te oâoâ atoa hoi !

E riro to vahine
mai te ô vine hotu i to fare na,
to mau tamarii mai te ohi olive ïa
i te atiraa i ta oe na iri amuraa maa ra.

Inaha, e na reira te haamaitairaa hia o te taata tei matau i te Fatu ra.
Ia haamaitai mai te Fatu ia oe mai ô mai i Siona ra
E hope noa’e to oe na pue mahana ! Ia ite ae oe ia Ierusalema i roto i te oâoâ ra.
E ia ite atoa oe i te tamarii a ta oe na mau tamarii ! Ei hau i nia ia Iseraela !

TAIORAA PITI
                                             « No ? mai hoi te haamo’a, ’e te feia e haamo’ahia e ana, i te tumu hoe roa »
A taio tatou i te epitore i te mau Hebera      2, 9-11
E au mau taeae e, teie r?, oia i faahaehaahia i raro iti a’e i te mau melahi, oia hoi o Iesu, te ite nei tatou iana, ua faaheihia i te hanahana ’e te tura, i te mea e, ua faaoroma’i oia i te pohe. ’E no reira, no te aroha o te Atua, ua pohe oia ei mono i te taata atoa. Inaha, oia nona te mau mea atoa nei ’e nana te mau mea atoa nei i hamani, ua hinaaro i te aratai i na tamarii e rave rahi i te hanahana ra ; e mea ti’a roa ïa ia faahope roa oia i te maitai o te omua e aratai ia ratou i te ora, na roto i t?na mau pohe. No ? mai hoi te haamo’a, ’e te feia e haamo’ahia e ana, i te tumu hoe roa. ’E no reira, e ore oia e haama i te parau ia ratou e, taeae.

     - O te Parau ïa a te Atua.

ALLELUIA
Alleluia. Alleluia.
Ia here r? tatou tatou iho,                               1 Ioa 4, 12
e parahi mai ïa te Atua i roto ia tatou nei,
’e tei roto ïa ia tatou te ? o t?na here.
Alleluia.

EVANELIA
                                                                      « O ta te Atua i taati ra, eiaha te taata e faataa ’? »
† A taio tatou i te Evanelia a Mareko peata    10, 2-16 (Taioraa haapotohia : 10, 2-12)
I taua anotau ra, ua haere maira te tahi mau pharisea, ’e ua ui maira iana : « E ti’a anei i te hoe taata ia haapae i t?na vahine ? » Te r?m? maira ratou iana ra. Ua pahono atura oia : « E aha ta Mose i faaue mai ia outou ? » Ua parau maira ratou : « Ua ti’a ia Mose ia papaihia te hoe parau haapaeraa, a tuu atu ai i te vahine. » Ua parau atura Iesu : « No te etaeta o to outou mafatu i papai ai Mose i taua faaueraa ra no outou. Area i te matamua ra, i te poieteraahia o te mau mea atoa, ua hamani te Atua ia raua ei tane ’e ei vahine. No reira, e faarue te taata i tana metua tane ’e i tana metua vahine, a ati atu ai i t?na ra vahine. ’E e riro raua ei tino hoe ; e ere atura raua i te toopiti, hoe roa r? tino. No reira, o ta te Atua i taati ra, eiaha te taata e faataa ’?. » ’E, tae atura i te fare, ua ui faahou maira te mau pipi iana i taua parau ra. Ua parau atura oia : « O tei haapae i t?na vahine, a faaipoipo atu ai i te tahi, ua moiheuo ïa i t?na vahine matamua. ’E ia haapae te vahine i t?na ra tane, e faaipoipo atu ai i te tahi, ua moiheuo atoa ïa. »
[E faaea te taioraa haapotohia i onei]
Ua aratai maira te tahi mau taata i te tamarii ia Iesu ra, ia fa’ati’a’ia oia ia ratou. Ua ’avau atura r? te mau pipi i taua mau taata ra. I t?na iteraa atu, inoino roa a’era Iesu, ’e ua na ? atura oia : « E tuu noa mai i te tamarii rii, ia haere mai ia’u nei, eiaha e tapea atu. No te feia hoi i au ia ratou te Basileia o te Atua. Oia mau t?’u e parau atu nei ia outou : o te ore e faarii i te Basileia o te Atua mai te hoe tamaiti iti ra, e ore roa atu oia e ? i reira. » ’E ua tauahi atura oia ia ratou, ’e ua haamaitai atura ma te tuu i tana rima i nia iho ia ratou.

- Haapopou tatou i te Parau a te Atua.