DOMINIKA 24 - TAU NOA - B

TAIORAA MATAMUA
                                                                   « Ua tuu noa vau i ta’u tino i te feia i tairi mai »
A taio tatou i te puta a Isaia peropheta      50, 5-9a
Ua haafatafata te Fatu te Atua i ta’u taria, e aore hoi au e patoi : aore hoi au i ora’i tia i muri. Ua tuu noa vau i ta’u tino i te feia i tairi mai, e ta’u paparia i te feia huhuti i te umiumi : aore hoi au i fariu è atu i ta’u mata i te feia vahavaha e te tufatufa i te huare i nia ia’u. O te Fatu ra te Atua, ta’u ïa tauturu, i ore au i haama’i, i faariro ai au i ta’u mata mai te ofai paari roa ra, e ua ite hoi au e, e ore au e faahaama hia. O tei faatiama mai ia’u, te i pihaiiho ïa ia’u, o vai te mâro mai ia’u nei ? Tia atoa mai oia maua’toa, o vai te patoi mai ia’u ? Ia haafatata mai oia ia’u nei. Inaha, o te Fatu ra te Atua, ta’u ïa tauturu, o vai te faahapa mai ia’u nei ?

     - O te Parau ïa a te Atua.

SALAMO                             114, 1-2, 3-4, 5-6, 8-9
R/ E hahaere â vau i mua i te aro o te Fatu
i te fenua o te feia ora ra.

E aore râ : Alleluia !

Te here nei au ! No te mea te faaroo mai nei te Fatu.
I te piiraa o ta’u nei pure ;
ua fariu mai oia i tona taria,
i te mahana e tiaoro atu ai au iana.

Ua haapuni hia vau e te marei o te pohe, te mau upea o Hade,
ua roohia vau e te ahoaho e te au ore.
Tiaoro atura vau i te ioa o te Fatu,
Aue ! E te Fatu e, a faaora mai i ta’u varua !

E parau-tia e te aroha te Fatu,
e maru anae to tatou Atua.
E paruru te Fatu i te feia riirii,
i paruparu na vau, ua faaora mai oia ia’u.

Ua faaora hoi oia i ta’u varua i te pohe,
ta’u mata i te roimata e ta’u avae, eiaha ia hià.
E hahaere â vau i mua i te aro o te Fatu
i te fenua o te feia ora ra.

TAIORAA PITI
                                                  « Te faaroo aore e ohipa, o te vai ona anae hoe, e mea pohe ïa »
A taio tatou i te epitore a Iakobo peata         2, 14-18
E aha te faufaa, e au mau taeae e, ia parau te hoe taata e : « E faaroo t?’u » ’e aita ?na e ohipa ? E ora anei oia i te faaroo ? Ia ere te hoe taeae, ’e aore r? te hoe tuahine, i te ahu ’e i te m?a hoi i te mau mahana atoa, ’e ia parau te hoe o outou ia raua e : « Haere ma te hau, ia mahanahana orua ’e ia paia », aita atura r? oia i horoa i te mau mea e titauhia no to raua tino, e aha ïa te faufaa ? Mai te reira atoa te faaroo, te faaroo aore e ohipa, o te vai ona anae hoe, e mea pohe ïa. E riro r? te tahi i te parau e : « E faaroo to oe, e ohipa t?’u ; a faaite mai na oe i to oe faaroo aore e ohipa ra, a faaite atoa atu ai au ia oe i t?’u faaroo, na roto i t?’u ohipa. »

     - O te Parau ïa a te Atua.

ALLELUIA
Alleluia. Alleluia.
Eiaha vau ia teoteo, maori ra i te tautoro o to tatou Fatu o Iesu-Kirito !          Ga 6, 14
E mea faatataurohia teie nei ao ia’u ;
’e o vau hoi, e mea faatataurohia ïa i teie nei ao.
Alleluia.

EVANELIA
                                               « O te Kirito oe … ia mauiui rahi roa te Tamaiti a te taata e ti’a ai »
† A taio tatou i te Evanelia a Mareko peata    8, 27-35
I taua anotau ra, haere atura Iesu ’e tana mau pipi i te mau oire rii i piri mai i Kaisarea o Philipa. ’E te haere noa ra ratou na nia i te ea, ua ui atura oia ia ratou : « O vai au i ta te taata parauraa ? » Ua parau maira ratou : « O Ioane-Papetito ; i ta te tahi r? mau taata, o Elia ïa oe ; ’e i ta te tahi ? mau taata, o te hoe ïa o te mau peropheta. » ’E ua ui atura oia ia ratou : « O vai r? vau i ta outou na parauraa ? » Ua parau maira Petero, na ? maira : « O te Kirito oe. » Ua a’o atura Iesu ia ratou : eiaha roa atu e faaite i te taata i taua parau nona ra. Haamata ihora oia i te haapii ia ratou e : ia mauiui rahi roa te Tamaiti a te taata e ti’a ai, ia faaruehia oia e te taata paari, te tahu’a rarahi ’e te haapii ture e ti’a ai, ia taparahi-pohe-roa-hia ; ’e, ia tae i te toru o te mahana, e tiafaahou ai oia. Ua faaite hua atura oia i taua mau parau nei. Ua rave maira Petero iana, ’?pa’i a’era i te hiti, ’e ua a’o maira iana. Area Iesu, ua fariu atura i muri, ’e, ite a’era oia i t?na mau pipi, ua ’avau atura oia ia Petero, na ? atura : « Haere oe na muri ia’u, e Satane, e ere hoi to oe manao i to te Atua, no te taata r?. » Titau atura oia i te tiaa rahi taata ’e i t?na mau pipi, ia tapiri mai, ’e ua na ? atura : « I hinaaro te tahi taata i te pee mai ia’u, e faarue oia iana iho, a rave ai i tana tatauro, a pee mai ai ia’u. O tei hinaaro hoi i te tapea i t?na ora ra, e ere oia i te ora ; o te tuu r? i t?na ora no’u nei ’e no te Evanelia, e ora mau ? ïa. »

- Haapopou tatou i te Parau a te Atua.