DOMINIKA 20 - TAU NOA - B

TAIORAA MATAMUA
                                                          « E haere mai e amu i ta’u nei pane, e e inu hoi i te vine i anoi hia e au no outou na »
A taio tatou i te puta Maseli    9, 1-6
Ua faatia te paari i tona ra fare, e ua tarai i na pou nehenehe e hitu ra. Ua pupu oia i tana mau tutia, ua anoi i te vine, e ua faanahonaho oia i tana amuraa. Ua tono atu i tana mau tavini vahine e tii i te feia i parau hia i te pare ra, e i te mau aua o te oire ra, i te naôraa e : E te taata haapao ore atoa, ia haere mai ia’u nei. I te feia maamaa râ, te parau atura oia e : E haere mai e amu i ta’u nei pane, e e inu hoi i te vine i anoi hia e au no outou na. E faarue i te huru tamarii, e a ora, e a haere tamau na te mau êâ o te manao paari.

      - O te Parau ïa a te Atua.

SALAMO                               33, 2-3, 10-11, 12-13, 14-15
R/ A tamata na, e ia ite i te outou
mai te aha te maitai o te Fatu !

E haamaitai â vau i te Fatu i te mau tau atoa,
e vai tuutuu-ore â te arueraa iana i roto i to’u nei vaha ;
e arue atu to’u varua iana iho i roto i te Fatu,
ia faaroo mai te feia haehaa, e ia oâoâ !

A mataû i te Fatu, outou tona feia mo’a ;
aore hoi e ereraa to te taata e mataû iana ra.
Te poia noa nei te fanaua manu-oviri e teere nei oia i te mau mea’toa ;
aita râ e ereraa to te taata a imi i te Fatu.

A haere mai, e te mau tamarii na, a faaroo mai ia’u,
e haapii au ia outou i te mataû i te Fatu.
O vai te taata i hinaaro i te ora,
o te hinaaro e ia roaa mai iana te pue mahana maitai roa ra ?

A tapea i to arero i te ino,
e to pue utu eiaha e parau i te parau haavare ;
a haapae i te ino, a rave i te maitai,
a imi i te hau, e a aruaru atu.

TAIORAA PITI
                                                                       « Ia taa r? ia outou te hinaaro o te Fatu »
A taio tatou i te epitore a Paulo peata i to Ephesia    5, 15-20
E au mau taeae e, e ara outou i to outou haerea : eiaha to outou ei haerea taata manao ore, ei haerea taata paari r?, i te faaherehere-maite-raa i te taime, e anotau ino hoi teie. Eiaha to outou ei manao ore, ia taa r? ia outou te hinaaro o te Fatu. Eiaha outou ia taero i te uaina : e aratai te reira i te pohe ; ia ? r? outou i te Varua-Maitai. A himene amui outou i te salamo, te himene ’e te sire na te Varua. A himene ’e a arue i te Fatu ra ma to outou mafatu atoa. I te mau taime atoa ’e no te mau tumu atoa, e haamaitai outou i te Atua, te Metua ra, i te i’oa o to tatou Fatu o Iesu-Kirito.

      - O te Parau ïa a te Atua.

ALLELUIA
Alleluia. Alleluia.
O te amu i t?’u tino ’e e inu i t?’u toto,                        Ioa 6, 56
e parahi oia i roto ia’u, ’e o vau hoi i roto iana, te na ô maira te Fatu.
Alleluia.

EVANELIA
                                         « E m?a mau hoi t?’u tino, ’e e inu mau t?’u toto »
† A taio tatou i te Evanelia a Ioane peata      6, 51-58
I taua anotau ra,ua parau atura Iesu i te naho’a rahi taata : O vau te p?ne ora e pou mai mai te ra’i mai. O te amu i taua p?ne ra, e ora ïa e a muri noa atu. ’E te p?ne t?’u e horoa, o t?’u ïa tino, o te horoahia ia noaa te ora i to te ao nei. Ua m?r? hua ihora te Ati-Iuda ratou ratou iho : « E aha e ti’a ai i teie nei taata ia horoa mai i t?na tino ei m?a na tatou ? » Ua parau atura Iesu ia ratou : « Amene, amene, te parau atu nei au ia outou : ia ore outou ia amu i te tino o te Tamaiti a te taata ’e ia ore outou ia inu i t?na toto, e ore ïa te ora e vai mai i roto ia outou ; o te amu i t?’u tino ’e e inu i t?’u toto, ua noaa ïa iana te ora mure ore, ’e e faatia faahou vau iana, ia tae i te mahana hopea ra. E m?a mau hoi t?’u tino ’e e inu mau t?’u toto. O te amu i t?’u tino ’e e inu i t?’u toto, e parahi oia i roto ia’u ’e o vau hoi i roto iana. ’E mai te Metua e ora ra, oia i tono mai ia’u, ’e mai ia’u e ora nei i te Metua, oia atoa te taata e amu ia’u nei : e ora oia ia’u. O te p?ne ïa i pou mai mai te ra’i mai, e ere taua p?ne nei mai te p?ne i amuhia e to outou hui metua ; ua pohe hoi ratou, area te amu i teie nei p?ne, e ore oia e pohe e a muri noa atu. »

- Haapopou tatou i te Parau a te Atua.