DOMINIKA 2 no PAKATE - B

Oro’a no te Aroha a te Atua

TAIORAA MATAMUA
                                                                             « E varua hoe ’e e mafatu hoe »
A taio tatou i te Ohipa a te mau Apotoro      4, 32-35
E varua hoe ’e e mafatu hoe to taua feia rahi e faaroo ra, ’e aore roa te hoe e parau i t?na taoa, nana anae iho, e amui r? ratou i ta ratou atoa ra. E faaite te mau apotoro i te tiafaahouraa o te Fatu ra o Iesu ma te mana rahi, ’e tei roto ia ratou atoa te hoe karatia rahi. I roto ia ratou, aita e taata e ere ra : te feia atoa hoi e fenua to ratou, ’e aore r?, e fare, e hoo atu ïa, a afai mai ai i te moni o te mau mea i hoohia ra, ’e a tuu mai ai i raro, i te pae avae o te mau apotoro ra. ’E e operehia na ratou atoa, mai te au i te veve o te taata tataitahi.

     - O te Parau ïa a te Atua.

SALAMO 117, 2-4, 16-18, 22- 24
R/ E haamatai i te Fatu e maitai hoi oia,
E mea mure ore hoi tona ra aroha.

E aore râ : Alleluia !

Ia parau â te utuafare o Iseraela :
E mea mure ore tona ra aroha !
Ia parau a te utuafare o Aarona,
e mea mure ore tona ra aroha !
Ia parau â hoi te feia mataû i te Fatu :
E mea mure ore tona ra aroha !

Ua upootia te rima atau o te Fatu,
e ravea puai tei oti i te rima atau o te Fatu !
Eita, e ore vau e pohe, e ora ra vau.
E poro haere vau i te mau ohipa a te Fatu.
Ua tairi, e ua tairi faahou â te Fatu ia’u
aore ra i faautua ia’u i te utua pohe.

Te ofai i faarue hia e te feia patu ra,
o tei riro iho nei ïa ei ofai poro.
O ta te Fatu teie i rave,
e mea maere ïa i to tatou nei pue mata.
O te mahana teie i haapao hia e te Fatu,
e oâoâ ïa e te poupou no tatou nei.

TAIORAA PITI
                                                                « Te mau taata atoa i fanauhia e te Atua ra e upootia ïa ratou i te ao nei »
A taio tatou i te epitore matamua a Ioane           5, 1-6
O tei faaroo e, o Iesu te Kirito, au fanauhia ïa e te Atua, ’e o tei here i te Atua, o tei faafanau ra, te here atoa nei ïa i te taata i fanauhia e te atua. Teie te mea e ite ai tatou e, te here nei tatou i te mau tamarii a te Atua : ia here tatou i te Atua ’e ia rave tatou i t?na mau faaueraa. Teie hoi te here i te Atua : ia tapea maite tatou i t?na mau faaueraa. E ere t?na mau faaueraa i te hopoia teimaha. No te mea te mau taata atoa i fanauhia e te Atua ra, e upootia ïa ratou i te ao nei. ’E te r? i v? ai te ao nei, o to tatou ïa faaroo. O vai te upootia i teie nei ao, maori ra o te taata e faaroo ra e, o Iesu te Tamaiti a te Atua. O Iesu-Kirito tei haere mai ma te pape ’e te toto, eiaha ma te pape anae, ma te pape r? ’e te toto atoa ra. O te Varua te ite e faaite mai e, e parau mau te reira, no te mea o te Varua te parau mau.

     - O te Parau ïa a te Atua.

ALLELUIA
Alleluia. Alleluia.
E Toma e, no te mea au ite mata mai oe ia’u i faaroo ai oe,
te na ô maira te Fatu.
E ao to te feia aore i ite mata, ua faaroo r? !
Alleluia.

EVANELIA
                                                                  « ’E, mairi a’era e va’u mahana, ua haere maira Iesu »
† A taio tatou i te Evanelia a Ioane peata       20, 19-31
Ua tupu te reira i muri a’e i to Iesu poheraa,’e ahiahi ihora, i taua mahana matamua iho o te hebedoma ra, ua tamauhia te mau opani o te vahi i putuputu ai te mau pipi, no te mata’u i te Ati-Iuda, ua haere maira Iesu, ’e ua ti’a noa ihora i ropu, ’e ua parau maira ia ratou : « Ei ia outou na te hau. » ’E, oti a’era taua parau ra i te faahitihia e ana, ua faaite maira oia ia ratou i t?na pu’e rima ’e i t?na aoao. Oaoa a’era te mau pipi i te iteraa atu i te Fatu. ’E ua parau faahou maira Iesu ia ratou : « Ei ia outou na te hau ; mai ta’u Metua i tono mai ia’u nei, oia atoa vau, te tono atu nei au ia outou. » ’E mure a’era taua parau ra, ua ha’ap?a’i maira oia i te aho i nia ia ratou ra, na ? maira ia ratou : « A faarii i te Varua-Maitai. Ta outou e faaore i ta ratou hara ra, e faaorehia ïa ; ta outou e vaiiho i ta ratou hara ra, e vaiihohia ïa. » I to Iesu haereraa mai, aita te hoe o te tino ahuru ma piti ia ratou ra, o Toma ïa, o tei parauhia ra e, o Maehaa. Ua parau atura te mau pipi iana ra : « I ite a’enei matou i te Fatu. » Area oia, ua parau maira ïa : « Ia ore au ia ite i te puta auri i roto i t?na pu’e rima, ia ore au e tuu i ta’u rima i roto i t?na aoao, e ore roa ïa vau e faaroo. » ’E, mairi a’era e va’u mahana, tei roto faahou ? tana mau pipi i taua fare ra, tei reira atoa hoi o Toma. ’E, a vai-tamau-noa-hia ai te mau opani, ua haere maira Iesu, ua ti’a noa ihora i ropu, ’e ua parau maira : « Ei ia outou na te hau. » ’E, muri a’era, ua parau maira oia ia Toma : « A faatoro mai na t? rimarima i ? nei, ’e a hio mai oe i ta’u pu’e rima. A faatoro mai t? rima, ’e a tuu mai oe i roto i ta’u aoao. Eiaha to oe ei faaroo ’at?, ei faaroo papu r?. » Ua pahono atura Toma, na ? atura : « E ta’u Fatu, e ta’u Atua e. » Ua parau maira Iesu iana : « No te mea au ite mata mai oe ia’u i faaroo ai oe. E ao to te feia aore i ite mata, ua faaroo r?. » E rave rahi atu ? te tapao i ravehia e Iesu i mua i te aro o tana mau pipi, aita r? i papaihia i roto i teie nei puta. O tei papaihia i roto i teie nei puta, ua papaihia ïa ia faaroo outou e, o Iesu te Kirito, te Tamaiti a te Atua, ’e ua faaroo anae outou, ia noaa ia outou te ora na roto i t?na i’oa.

- Haapopou tatou i te Parau a te Atua.