DOMINIKA 2 - AVENETE - B

TAIORAA MATAMUA
                                                                     «  E faanehenehe na outou i te èâ o te Fatu »
A taio tatou i te puta a Isaia peropheta         40, 1-5.9-11
Ia mahanahana oe, ia mahanahana oe, e ta’u nunaa e, te na reira maira to outou Atua. A parau i te mafatu no Ierusalema, e a faaitoito iana ; no te mea ua oti tona ati, ua faaore hia tana hara ; ua noaa hoi iana, no ô mai i te rima o te Fatu, te utua, e taipiti noa’tu, e au i tana ra hara. Te pii maira te reo a te hoe i te medebara : e faanehenehe na outou i te èâ o te Fatu ; e faaafaro na, i te fenua moemoe, i te haerea o to tatou Atua. E faaî hia te mau peho, e faahaehaa hia te moua e te mau aivi, e faaafaro hia te èâ pio, e te mau vahi puupuu e haapapu hia ïa. E e faaite hia mai te hanahana o te Fatu, e ite paatoa te taata e, na te vaha o te Fatu i parau. A paiuma i nia i te moua teitei, o oe tei hopoi i te parau maitai ia Siona ; a faateitei na i to reo ma te uana, o oe tei hopoi i te parau maitai ia Ierusalema nei ; a faateitei na, eiaha e mataû ; a parau atu i te mau oire no Iuda : A hio na i to outou Atua. Inaha te haere maira te Fatu, te Atua ma te puai ; e e mana te i tona rima ; inaha te iana iho tona utua ; e te hoo o tana ohipa te i mua ïa iana. E faaamu oia i tana nana mai te tiai mamoe ra ; e haaputu oia i te mau arenio i tona rima, e e hopoi i nia i tona ouma ; nana iho e hopoi i te mau maiaa i hapu.

     - O te Parau ïa a te Atua.

SALAMO                                                                        84 (85), 9ab.10, 11-12, 13-14
R/ A faaite mai, e te Fatu e, i to oe na aroha ia matou,
e a ho mai i te ora na oe na ia matou nei !

E faaroo vau ! E aha ta te Fatu ra parau ?
O te hau hoi tana e faaite mai i tona ra nunaa, e tona ra feia moâ.
Te fatata maira tona ora i te feia e mataû iana ra,
e e tupu â te Hanahana i to tatou nei fenua.

O te aroha e te parau mau,
ua farerei ïa raua, o te Parautia e te Hau ua hohoi ïa ;
e tupu mai te Parau mau no roto i te fenua, e,
e hio mai te Parautia mai te rai mai.

Na te Fatu hoi e horoa mai i te maitai,
e e hotu mai â to tatou nei fenua i te maâ.
E haere â te Parautia na mua iana,
e e haere hoi te Hau na muri iana.

TAIORAA PITI
                                                               « Te tatari nei tatou i te ra’i api ’e i te fenua api »
A taio tatou i te epitore piti a Petero peata             3, 8-14
E au mau here e, eiaha r? ia mo’e ia outou teie nei parau : no te Fatu, hoe ? huru te mahana hoe ’e te matahiti hoe tauatini ra ; ’e te matahiti hoe tauatini ra, hoe ? ïa here ’e te mahana hoe. Aore hoi te Fatu i haamaoro i te faatupu i te parau t?na i fafau mai ra, mai tei parauhia e te tahi pae ra i te na ?raa e : « Te haamaoro ra te Fatu. » E faaoroma’i rahi r? t?na ia outou, aore hoi oia i hinaaro ia pohe atu te tahi pae taata, ia noaa r? te tatarahapa i te taata atoa. E tae mai r? te mahana o te Fatu, mai te eia ra te huru. I taua mahana ra, e mou teie nei ra’i ma te haruru rahi, e ’ama te mau ’? tumu o te ao nei, a ore roa atu ai ; ’e te fenua ’e te mau mea atoa i nia iho, e pau ïa i te auahi. ’E teie nei, e hope roa taua mau mea atoa nei i te mou, e aha r? ïa te huru e au ia outou ! I te haapaoraa mo’a ! I te paieti hoi ! Inaha hoi, te tiai nei outou ’e te faar? nei outou i te taeraa mai o te mahana o te Atua, ei taua mahana ra hoi e ura ai te mau ra’i, a mou roa atu ai, ’e e ’ama te mau ’? tumu o te ao nei, a ore roa atu ai ! No te mea ua oti te reira i te parau-fafau-hia mai, te tatari nei tatou i te ra’i api ’e i te fenua api, o te parahihia e te parautia ra. No reira, e au mau here e, a tiai noa ai outou i taua mahana ra, e faaitoito, ia roohia outou e ana i roto i te hau, ma te viivii ore ’e te hapa ore.

     - O te Parau ïa a te Atua.

ALLELUIA

Alleluia. Alleluia.
A faaineine i te ea no te Fatu,
afaaafaro i tona ra mau haerea :
e ite te mau tino atoa i te ora a te Atua.
Alleluia.

EVANELIA
                                                                         A faatitiaifaro i te mau ara o te Fatu
† A taio tatou i te Evanelia a Mareko peata       1, 1-8
Te haamataraa o te Evanelia o Iesu-Kirito, te Tamaiti a te Atua ra. Ua papaihia i roto i te puta a te peropheta ra a Isaïa : « Inaha, e tono vau i t?’u ve’a i mua ia oe, ia faanehenehe oia i to oe ea. E reo i te tiaororaa i te medebara ra : a haamaitai outou i te ea no te Fatu, a faatitiaifaro i t?na mau ara. » Mai tei papaihia ra, ua ti’a maira Ioane-Papetito i te medebara ra, ’e ua poro haere maira i te papetitoraa tatarahapa no te matararaa o te hara. Haere paatoa maira iana ra to te fenua Iudea ’e to Ierusalema atoa hoi, ’e ua papetitohia ihora e ana i roto i te anavai ra, o Ioridana, ma te f?’i i ta ratou hara. E ahu huruhuru kamela to Ioane, ’e e tatuahia t?na tau’upu i te tatua iri puaa. E akaride t?na m?a ’e te meli no te fenua aihere. E poro haere oia e : « Oia e rahi a’e t?na mana i t?’u, te haere mai ra ïa i muri iho ia’u, ’e eita vau e au i te pi’o i raro e tatara i te tapea o tana t?ma’a. I papetito noa na vau ia outou i te pape, area oia, e papetito ïa ia outou i te Varua-Maitai. »

     - Haapopou tatou i te Parau a te Atua.