Dominika 2 - 40raa B

DOMINIKA 2 - 40RAA - B

TAIORAA MATAMUA
Te faatutiaraahia o to tatou metua Aberahama
A taio tatou i te puta Genese 22, 1-2.9-13.15-18
I te mau mahana ra, ua tamata te Atua ia Aberahama, e ua parau maira iana : « E Abrahama, e Abrahama e. » Ua pahono atura oia e : « Teie au. » Ua naô maira oia : « A rave i to tamaiti otahi, ta oe e here na, ia Isaaka, e haere oe i te fenua o te orama ; ei reira oe e pupu ai iana ei tutia taauahi i nia i te hoe moua ta’u e faaite atu ia oe na. » E tae atura raua i te vahi i faaite hia mai e te Atua ra, ua faatia oia i te hoe fata,tuu atura i te vahie i nia iho ; ia ruuruu hia tana tamaiti ra o Isaaka, hopoi atura iana i nia i te fata I nia iho i te vahie ra. Ua faatoro atura oia i te rima, haru atura i te tipi e taparahi i te tamaiti nona ra. E inaha te tiaoro maira te merahi a te Fatu no te rai mai i te naôraa e : « E Aberahama, e Aberahama e ! » Ua parau atura oia e : « Teie au ! » Ua parau maira iana : « Eiaha oe e faatoro i te rima i nia i te tamaiti ra, eiaha oe e rave noa’e iana ; ua ite papu au i teienei e, e taata mataù oe i te Atua ra, e aore oe i faaherehere i to tamaiti otahi no’u nei. » Ua nânâ aera Aberahama i te mata i nia, e ite atura oia i muri mai iana i te hoe mamoe oni te i roto i te raau taratara, ua fifi te tara, rave ihora iana e pupu atura ei tutia taauahi ei mono i te tamaiti ra. Ua tiaoro faahou maira te merahi a te Fatu no te rai mai ia Aberahama, i te naôraa e : « Ua tapu au ia’u iho, te parau nei te Fatu ; no te mea ua na reira mai oe, e aore oe i faaherehere i to oe na tamaiti hoe no’u nei, e haamaitai atu au ia oe, e e faarahi au i to huaai, mai te fetia o te rai ra, e mai te one i tahatai ra, e te mau uputa oire o to mau enemi e rito ïa i to oe ra huaai. E e haamaitai hia te mau nunaa’toa o te fenua nei i to oe ra huaai, no te mea ua auraro oe i to’u reo ra. »

- O te Parau ïa a te Atua.

SALAMO 115, 1.6, 7ac-8, 10-11
R/ E hahaere â vau i mua i te aro o te Fatu
i te fenua o te feia ora ra.

Ua tiaturi au ! Parau noa atu ai au :
« ua rahi roa ino to’u ati ».
E mea taoa i te aro o te Fatu,
te poheraa o tona ra feia moâ.

Aue ! e te Fatu e, o vau nei hoi to tavini,
^.te tatara nei oe i ta’u mau taai.
E pupu atu vau i te tutia haamaitai ia oe,
ma te tiaoro i te ioa o te Fatu.

^.E faatupu vau i ta’u mau euhe i te Fatu,
e ia tia mai tona nunaa,
^.i roto i te mau aumoa o te fare o te Fatu,
i rotopu ia oe na, e Ierusalema e !

TAIORAA PITI
« Aita te Atua i faaherehere i tana iho Tamaiti »
A taio tatou i te epitore a Paulo peata i to Roma 8, 31b-34
E au mau taeae e, no tatou te Atua ra, o vai ïa te m?r? mai ia tatou ? Oia i ore i faaherehere i t?na iho Tamaiti, ’e ua tuu noa mai iana ra no tatou atoa nei, e aha oia e ore e horoa mai ai i te mau mea atoa no tatou ? Na vai e pari mai i te feia i maitihia e te Atua ? Te faatia mai nei te Atua, o vai ïa te faahapa mai ? O Jesu-Kirito anei, oia i pohe ’e i tiafaahou, oia e ti’a nei i te rima atau o te Atua, ’e e pure nei no tatou ?

- O te Parau ïa a te Atua.

IRAVA I MUA I TE EVANELIA
Ei hanahana i te Kirito,
te parau Etereno o te Atua ora.
Ei hanahana ia oe, e te Fatu e.
Mai roto mai i te ata anaana ra,
faaroohia ihora te reo o te Metua i te na’oraa e :
"O ta’u Tamaiti here teie, a faaroo iana !"
Ei hanahana i te Kirito,
te parau Etereno o te Atua ora.
Ei hanahana ia oe, e te Fatu e.

EVANELIA
« O ta’u Tamaiti here teie »
† A taio tatou i te Evanelia a Mareko peata 9, 2b-10
I taua anotau ra, ua rave atura Iesu ia Petero ’e ia Iakobo ’e ia Ioane, ’e ua aratai atura ia ratou i nia i te hoe mou’a teitei ; o ratou anae to reira. ’E ua faahuru-’?-hia ihora oia i mua ia ratou. Anaana roa a’era t?na ahu, ’e teatea roa a’era, aore e tahupe i te ao nei e roaa ai teie huru teatea. F? maira Elia raua o Mose, ’e ua aparau a’era raua ’e o Iesu atoa hoi. Ua parau maira Petero ia Iesu, na ? maira : « E Rabi, e mea maitai ia parahi tatou i ? nei, e faatia matou i na fare autaa e toru a’e : no oe te tahi, no Mose te tahi e no Elia te tahi. » Aita hoi oia i ite e aha t?na e parau, ua hauriri’a hoi ratou. ’E e ata maira i te tamar?raa ia ratou, ’e te hoe reo maira, no roto mai i taua ata ra, i te na ?raa mai e : « O ta’u Tamaiti here teie, a faaroo iana. » I reira ihora, hio a’era te mau pipi e ati noa a’e, aore roa e taata i itea e ratou, maori ra o Iesu ’e o ratou iho hoi. ’E, tei pouraa ratou i raro, mai nia mai i taua mou’a ra, ua a’o atura Iesu ia ratou : eiaha e faaite noa a’e i ta ratou i ite ra e tiafaahou noa mai te Tamaiti a te taata, mai roto mai i tei pohe ra. Haapao maite ihora ratou i taua faaueraa nei, ua paraparau a’era r? ratou ratou iho i te auraa o te parau : tiafaahou mai roto mai i tei pohe.

- Haapopou tatou i te Parau a te Atua.