DOMINIKA 19 - TAU NOA - B

TAIORAA MATAMUA
                                                        « E no tona itoito i te reira maâ, haere atura oia e tae noa’tura i te moua o te Atua ra »
A taio tatou i te puta toru no te mau Arii    19, 4-8
I te mau mahana ra, ua horo te peropheta Elia i mua i te enemiraa a te arii vahine Jerabela, haere atura oia na te medebara, e hoe aera mahana i te haereraa. E te i te taeraa oia i te hoe raau iunipero, parahi ihora oia i reira ma te ani atu ia pohe roa oia, naô aera oia : Atira vau, e te Fatu e, a rave oe i ta’u ora ; aita vau i hau i te maitai i to’u mau metua ra. Ua tarava ihora oia i raro, e ua varea i te taoto i te maru o te iunipero ; e ihana, e merahi a te Fatu tei rave iana, ma te parau iana : A tia, e a amu. Ua hio ihora oia, e inaha, te vai ra i pihaiiho i tona pae upoo te maa pane i tunu hia i raro i te rehu auahi, e te farii pape hoi ; ua amu aera oia e ua inu e ua taoto faahou. Ua hoi faahou mai te merahi a te Fatu, o te piti ïa, ma te rave iana, e te parau iana e : A tia, e a amu, no te mea e êâ maoro hoi to oe e toe nei. Ua tia aera oia i nia, ua amu e ua inu, e no tona itoito i te reira maâ, haere atura oia e maha ahuru mahana, e e maha ahuru hoi rui, e tae noa’tura i te moua o te Atua ra o Horeba.

     - O te Parau ïa a te Atua.

SALAMO                                  33, 2-3, 4-5, 6-7, 8-9
R/ A tamata na, e ia ite i te outou
mai te aha te maitai o te Fatu !

E haamaitai â vau i te Fatu i te mau tau atoa,
e vai tuutuu-ore â te arueraa iana i roto i to’u nei vaha ;
e arue atu to’u varua iana iho i roto i te Fatu,
ia faaroo mai te feia haehaa, e ia oâoâ !

E faateitei outou i te Fatu e o vau atoa,
tatou atoa i te faateiteiraa’tu i tona ra i’oa.
Ua imi au i te Fatu, e ua pahono maira oia,
e ua faaora oia ia’u i to’u atoa nei mau riariaraa.

E anaana atoa mai te taata i hio tia’tu i te Fatu ;
e aore hoi e haama i nia i tona ra mata.
Ua pii hua’tura te hoe taata veve ra, e ua faaroo mai te Fatu,
e ua faaora oia i tona’toa ra mau ahoahoraa.

Ua puhapa mai te melahi a te Fatu
e ati noa a’e tona feia haapao maitai atoa nona ra, e e haamatara oia ia ratou.
A tamata na, e ia ite i te outou mai te aha te maitai o te Fatu,
e ao to te taata i tiaturi iana ra.

TAIORAA PITI
                                                                                      « E parahi outou i roto i te here, mai te Kirito »
A taio tatou i te epitore a Paulo peata i to Ephesia       4, 30 - 5, 2
E au mau taeae e, eiaha outou e faaoto i te Varua Mo’a o te Atua, o tei tapao ia outou i t?na titiro no te mahana e faaorahia ai outou. Ia haapae-roa-hia te inoino, te iria, te riri, te ’aue rahi, te faaino ’e te mau huru atoa o te t?iroiro. E hamani maitai outou ia outou iho, ei aau aroha to outou. A faaore outou i te hara, te tahi i ta te tahi, mai te Atua i faaore i ta outou hara na roto i te Kirito ra. Ei pee outou i te Atua mai te tamarii here te huru. E parahi outou i roto i te here mai te Kirito, o tei here mai ia tatou, ’e ua p?p? iana iho i te Atua no tatou ei tapena ’e ei tutia hau’a noanoa.

     - O te Parau ïa a te Atua.

ALLELUIA
Alleluia. Alleluia.
O vau te päne ora e pou mai mai te ra’i mai,      Ioa 6, 51
te na ô maira te Fatu ;
o te amu i taua päne ra, e ora ïa e a muri noa atu.
Alleluia.

EVANELIA
                                                « O vau  te p?ne ora e pou mai mai te ra’i mai »
† A taio tatou i te Evanelia a Ioane peata    6, 41-51
I taua anotau ra, ua ohumu ihora te Ati-Iuda iana, oia i parau mai e, o vau  te p?ne e pou mai mai te ra’i mai. Na ? a’era : « E ere anei teie ia Iesu, te tamaiti a Iosepha ? E ere anei ua ite tatou i t?na metua tane ’e t?na metua vahine ? E aha ihora e ti’a ai iana ia parau mai, i teienei e : ua pou mai au mai te ra’i mai ? » Ua pahono maira Iesu, na ? maira : « Eiaha na outou e ohumu noa i roto ia outou iho : aore taata e ti’a ia haere mai ia’u nei, maori ra ia umehia mai oia e ta’u Metua, ’e na’u oia e faatiafaahou, ia tae i te mahana hopea ra. Ua papaihia i roto i te mau peropheta : e hope ratou i te haapiihia e te Atua. O tei faaroo i te parau a te Metua ’e ua faarii i t?na haapiiraa, e haere mai ïa ia’u. Aore taata i ite i te Metua, maori r? oia tei haere mai no ? mai i te Metua. O oia tei ite i te Metua. Amene, amene, te parau atu nei au ia outou : o te faaroo ra, ua noaa iana te ora mure ore. O vau te p?ne o te ora. I amu na to outou hui metua i te m?na i te medebara ra, ’e ua pohe atura. O te p?ne r? e pou mai mai te ra’i mai, e ore ïa te amu i te reira e pohe noa a’e. O vau te p?ne ora e pou mai mai te ra’i mai. O te amu i taua p?ne ra, e ora ïa e a muri noa atu. ’E te p?ne t?’u e horoa, o t?’u ïa tino, o te horoahia ia noaa te ora i to te ao nei.

- Haapopou tatou i te Parau a te Atua.