DOMINIKA 18 - TAU NOA - B

TAIORAA MATAMUA
                                                    « Na’u ïa e haamairi mai mai te ua te huru, i te faraoa no nia mai i te rai na outou »
A taio tatou i te puta Exodo               16, 2-4.12-15
I taua mau mahana ra, ua amuamu ihora te amuiraa taatoa o te tamarii a Iseraela ia Mose raua o Aarona i taua medebara ra. I naô maira te tamarii a Iseraela ia raua : Ahiri matou i pohe i te rima o te Fatu i te fenua Aiphiti ra, a parahi ai matou i pihai iho i te mau pani puaâ ra, e a amu ai i te faraoa e paia roa, e aha orua i aratai mai ai ia matou i teienei medebara, ia pohe teienei amuiraa’toa i te poia. Ua parau maira te Fatu ia Mose : Inaha, na’u ïa e haamairi mai mai te ua te huru, i te faraoa no nia mai i te rai na outou ; e haere noa te taata i rapae e ohi i te mea e au ia amu i te mahana hoe, ei tamataraa’tu na’u ia ratou, i ta ratou haapaoraa i ta’u nei ture, e aore ra aita.
Ua faaroo au i te amuamu a te mau tamarii a Iseraela, e parau iho na oe ia ratou : Ia ahiahi outou e amu ai i te io, e ia poipoi ae outou e paia’i i te pane, e e ite outou e, o vau te Fatu ra to outou Atua. E ahiahi ihora, o te tiaa salu maira, e tapoipoi hia ihora taua tiahapa ra, e poipoi aera te vai maira te hau e ati noa’e taua pueraa tiahapa ra. A tapoi ai oia i te aroa o te fenua, inaha, e mea rii haihai te itea hia maira i te medebara ra, i nia i te repo, e au i te ua paari, mai te mea e ua papa hia i te penu. E ite aera te tamarii a Iseraela i taua mea ra, ua naô aera ratou ratou iho : Manhu ? Oia hoi, e aha teie ? Aore hoi ratou i ite, e aha ïa. Ua naô aera Mose ia ratou : O te pane ïa ta te Fatu i horoa mai na outou e amu.

       - O te Parau ïa a te Atua.

SALAMO                                     77 (78.), 3.4ac, 23-24, 25.52a.54a
R/ E ua horoa mai te Fatu i te pâne no te rai mai !

Ua faaroo e ua ite tatou i te reira,
ta to tatou huimetua i faaite mai ia tatou nei ;
e ore te reira e huna hia i ta ratou mau tamarii,
tona hanahana, e tona mana a te Fatu.

Ua faaue hoi oia i te mau ata i nia ra,
e ua iriti hia e ana te mau opani o te rai ;
ua haamairi mai oia i te mâna ei maâ,
e ua horoa mai na ratou i te pâne no te rai mai.

Amu ihora te taata i te pâne a te merahi ra,
e ua navai roa te maâ i tuu hia mai e ana ra.
Ua hopoi è ra oia i tona mau taata mai te mamoe ra.
Ua aratai oia ia ratou i tona ra vahi moâ.

TAIORAA PITI
                                                            « ’E ia ahu outou i te taata api, o tei poietehia ia au i te Atua ra »
A taio tatou i te epitore a Paulo peata i to Ephesia     4, 17.20-24
E au mau taeae e, ’e teie t?’u parau : te faaara atu nei au ia outou i roto i te Fatu : atira outou i te ora mai ta te etene ra, e maramarama faufaa ore hoi to ratou.
Area outou, e ere mai te reira to outou haapiiraahia i te parau no te Kirito. Mai te peu e, nona mau te parau ta outou i faaroo ’e o oia tei haapiihia ia outou mai te au i te parau mau i roto ia Iesu ra. Teie hoi tei haapiihia ia outou : ia haapae outou i to outou oraraa tahito e ti’a ai ’e i te taata tahito hoi, o te tahuti haere ra i t?na mau nounou haavare. Ia faaapihia outou e te Varua, na roto i te faahuru-’e-raa-hia o to outou maramarama. ’E ia ahu outou i te taata api, o tei poietehia ia au i te Atua ra ma te parautia ’e te mo’a no roto mai i te parau mau.

     - O te Parau ïa a te Atua.

ALLELUIA
Alleluia. Alleluia.
E ore te taata e ora i te faraoa anae ra,                    Mat 4, 4b
i te mau parau atoa r? no ? mai i te vaha o te Atua.
Alleluia.

† A taio tatou i te Evanelia a Ioane peata   6, 24-35
I taua anotau ra, ia ite a’era taua tiaa rahi taata ra e, aita Iesu i reira ’e aita atoa tana mau pipi, haere atura ratou i nia i taua mau poti ra ’e ua fano atura i Kaperena, i te imiraa atu ia Iesu. ’E itea atura oia ia ratou i te tahi pae miti ra, ua na ? atura iana : « E Rabi, inahea oe i te taeraa mai io nei ? » Ua pahono maira Iesu ia ratou : « Amene, amene, te parau atu nei au ia outou : te imi nei outou ia’u, e ere r? no te mau tapao ta outou i ite a’enei, no te mea r? ua paia outou i te faraoa. Ia ohipa outou e ti’a ai, eiaha r? no te imi i te m?a tahuti noa, no te imi r? i te m?a e vai maite e tae noa atu i te ora mure ore ; o te m?a ïa ta te Tamaiti a te taata e horoa na outou, oia i tapaohia e te Metua i t?na titiro. » Ua ui atura ratou iana : « E nafea matou ia rave i te ohipa a te Atua ? » Ua pahono maira Iesu, na ? maira ia ratou : « Teie te ohipa a te Atua : ia faaroo outou iana t?na i tono mai. » Ua parau maira ratou iana : « E aha ta oe tapao e rave, ia ite matou ’e ia faaroo matou ia oe ? E aha ta oe ohipa ? I amu na to matou hui metua i te m?na i te medebara ra, mai tei papaihia ra : i horoa mai oia i te p?ne no nia mai i te ra’i ei m?a na ratou. » Ua parau maira Iesu ia ratou : « E ere na Mose i horoa mai na outou i te p?ne no te ra’i, na t?’u r? Metua e horoa mai ia outou i te p?ne mau no te ra’i mai. No te mea te p?ne a te Atua, o te p?ne ïa e pou mai mai te ra’i mai ’e e horoa i te ora no to te ao nei. » Ua parau atura ratou : « E te Fatu, eiaha oe e faaea i te horoa mai i taua p?ne ra na matou. » Ua parau maira Iesu ia ratou : « O vau te p?ne o te ora. O te haere mai ia’u nei, e ore oia e poia, ’e o te faaroo mai ia’u, e ore ïa e poiha noa a’e. »

- Haapopou tatou i te Parau a te Atua.