DOMINIKA 16 - TAU NOA - B

TAIORAA MATAMUA
                                                           « E faahoi mai au ia ratou i to ratou mau aua, e faatupu au i nia ia ratou i te mau tiai »
A taio tatou i te puta a Ieremia peropheta   23, 1-6
Aue, te mau tiai tei taparahi e tei hahae i te nana o ta’u aua matie, te na reira maira te Fatu. No reira teie ïa te parau a te Fatu, te Atua no Iseraela, i te mau tiai tei faaamu i ta’u nunaa : ua haapurara outou i ta’u nana, e ua faarue ia ratou, e aore outou i haapao ia ratou ; inaha, e tahoo vau i nia ia outou i te ino a to outou mau ohipa, te na reira maira te Fatu. E na’u e haaputuputu i te mau toea o ta’u nana mai te mau fenua atea mai, ta’u i faarue ia ratou ; e faahoi mai au ia ratou i to ratou mau aua, e e rahi ratou, e e faarahi roa hia. E faatupu au i nia ia ratou i te mau tiai, e e faaamu ia ratou : e ore ratou e mataû faahou, e ore e mehameha ; e ore te tahi o ratou e moe, te na reira maira te Fatu. Inaha, te haere maira te mau mahana, te naô maira te Fatu ; e e faatupu au ia Davida i te ohi parautia, e faatere oia ei arii, e e paari oia, e e haapao oia i te parau au e te parautia i te fenua nei. I te reira mau mahana e faaora hia o Iuda, e parahi na hoi o Iseraela ma te peapea ore, e teie te ioa ta ratou e mairi iana : Te Fatu, to tatou ra Parautia.

      - O te Parau ïa a te Atua.

SALAMO                         22 (2), 1-2ab, 2c-3, 4, 5, 6-7a
R/ O te Fatu to’u tiai :
E e ore roa vau e ere.

O te Fatu to’u tiai,
e e ore roa vau e ere.
I roto i te mau vahi matie api oia
i aua mai ai ia’u.

Ua aratai mai ia’u i te pape e maha ai to’u rohirohi.
Ua faaapi faahou mai oia i to’u varua.
Ua aratai oia ia’u na te êâ o te parautia,
no te here i tona ra ioa.

E ia hahaere noa vau na ropu i te maru pohe ra,
e ore â vau e mataû i te ino ;
Tei pihaiiho hoi ia’u to raau
e to turutootoo ei haamahanahana mai ia’u.

Ua faanahonaho oe i te tahi amuraa maa i mua ia’u,
i mua i te aro o to’u mau enemi ;
ua faanoanoa mai oe i to’u nei upoo i te hoe faatahinuraa,
manii noa aera ta’u aua i rapae.

Oia mau, e haati mai te karatia e te oâoâ ia’u
i te mau mahana’toa o to’u nei oraraa ;
e ia parahi au i roto i te fare o te Fatu,
e maoro noa’tu te mahana.

TAIORAA PITI
                                                        « O te Kirito hoi to tatou hau : oia i faariro i na nunaa e piti ra ei nunaa hoe »
A taio tatou i te epitore piti a Paulo peata i to Ephesia   2, 13-18
E au mau taeae e, i teienei r?, na roto ia Iesu-Kirito, outou i ti’a i te atea ’? i mutaa iho ra, ua haafatatahia mai ïa i te mana o te toto o te Kirito. O te Kirito hoi to tatou hau, oia i faariro i na nunaa e piti ra ei nunaa hoe, ’e i vavahi, i t?na iho ra tino, i te patu o te au ore, i taa ’? ai taua na nunaa ra. Ua faaore oia i te ture ’e t?na mau faaueraa ’e t?na mau haapaoraa, ia faariro i na taata toopiti ra, i te Ati-Iuda e te etene, ei taata api hoe roa i roto iana iho, ’e ua faatupu oia i te hau. Ua fa’af?ite oia ia raua toopiti atoa i te Atua, na roto i te tatauro, ma te taati ia raua ei tino hoe. I reira t?na haamouraa i te au ore. Ua haere mai oia e faaite haere i te parau o te hau ia outou i tei atea ’? ra ’e ia ratou hoi tei fatata. ’E nona hoi tatou atoa e ti’a ai ia haere i te Metua ra, na roto i te Varua hoe.

      - O te Parau ïa a te Atua.

ALLELUIA
Alleluia. Alleluia.
E faaroo mai t?’u mau mamoe i ta’u reo, 
te na ô maira te Fatu ;                                Ioa 10, 27
’e ua ite au ia ratou ’e e pee mai ratou ia’u.
Alleluia.

EVANELIA
                                                                        « E au hoi ratou i te mamoe tiai ore »
† A taio tatou i te Evanelia a Mareko peata       6, 30-34
I taua anotau ra, i muri mai i to ratou tere mitinare matamua, ua putuputu maira te mau apotoro i pihai iho ia Iesu, ’e ua faatia maira i ta ratou atoa i rave ’e i haapii. Ua parau atura oia ia ratou : « A haere mai, outou anae iho, i te hoe vahi mo’emo’e, a faafaaea rii ai. » E mea rahi hoi te taata i te haereraa mai ’e i te hoiraa atu, ’e aita atura to ratou e ma’a taime iti na te tam?a. Reva atura ratou na nia i te poti, ’e ua tere atura i te hoe vahi mo’emo’e. Ua ite te taata ia ratou i te revaraa ’e ua taa i na taata e rave rahi e, o ratou tera e reva atu ra. Horo atura te taata na uta, mai roto atu i te mau oire atoa, ’e ua na mua atura i te tae i taua vahi ra. Tei te tapaeraa atu Iesu, ite atura oia i te hoe tiaa rahi taata. Aroha atura oia ia ratou : e au hoi ratou i te mamoe tiai ore. ’E ua haapii atura oia ia ratou i te parau e rave rahi.

      - Haapopou tatou i te Parau a te Atua.