DOMINIKA 15 - TAU NOA - B

TAIORAA MATAMUA
                                                               « A haere oe, a tohu ta’u nunaa ra »
A taio tatou i te puta a Amosa peropheta   7, 12-15
I taua mau mahana ra, e ua naô maira o Amasia, te tahua o Betela, ia Amosa : O oe tei hio, a haere è, a horo i te fenua o Iuda, e a amu i te maâ i reira, e e tohu oe i reira. Eiaha oe e tohu faahou i Betela ; no te mea o te vahi moâ ïa o te arii, e te parahiraa o te hau. E ua pahono mai o Amosa, e ua naô maira ia Amasia : E ere au i te peropheta, e ere atoa i te tamaiti a te peropheta ; e faaamu puaatoro au, o te pahae i te sukamino. E ua rave mai te Fatu ia’u nei, a pee haere ai au i te nana, e ua naô maira te Fatu ia’u nei : A haere oe, a tohu ta’u nunaa ra ia Iseraela.

      - O te Parau ïa a te Atua.

SALAMO                                           84 (85.), 9ab.10, 11-12, 13-14
R/ A faaite mai, e te fatu e, i to oe na aroha ia matou,
e a ho mai i te ora na oe na ia matou nei.

E faaroo vau ! E aha ta te Fatu ra parau ?
O te hau hoi tana e faaite mai i tona ra nunaa, e tona ra feia moâ.
Te fatata maira tona ora i te feia e mataû iana ra,
e e tupu â te Hanahana i to tatou nei fenua.

O te aroha e te parau mau,
ua farerei ïa raua, o te Parautia e te Hau ua hohoi ïa ;
e tupu mai te Parau mau no roto i te fenua, e,
e hio mai te Parautia mai te rai mai.

Na te Fatu hoi e horoa mai i gte maitai,
e e hotu mai â to tatou nei fenua i te maâ ;
e haere â te Parautia na mua iana,
e e haere hoi te Hau na muri iana.

TAIORAA PITI
                                                                      « Ua maiti oia ia tatou, i roto ia Iesu-Kirito, hou te faatumu-raa-hia o teie nei ao »
A taio tatou i te epitore piti a Paulo peata i to Ephesia     1, 3-14 (Taioraa haapotohia : 1, 3-10)
Ia haamaitaihia te Atua, te Metua o to tatou Fatu ra o Iesu-Kirito, oia i haamaitai mai ia tatou i te mau maitai varua atoa i roto ia Iesu-Kirito i te ra’i ra. Ua maiti oia ia tatou hou te faatumu-raa-hia o teie nei ao, ia riro tatou, na roto i to tatou atiraa ia Iesu-Kirito, ei feia mo’a ’e te hapa ore i roto i te aroha i mua i t?na ra aro. ’E ua haapao atea mai oia ia tatou, ia riro ei tamarii tavai nana, na roto ia Iesu-Kirito ra. No t?na hamani maitai i na reira ai oia, ia aruehia t?na hanahana ’e te karatia hoi t?na i horoa noa mai ia tatou i roto i t?na Tamaiti here rahi. I roto i taua Tamaiti ra, no t?na toto, ua noaa ia tatou te taraehara ’e te matararaa o ta tatou mau hara, mai te au i te faufaa rahi o t?na karatia, t?na i faarahi mai i roto ia tatou, ia paari tatou ’e ia maramarama. Ua faaite mai oia ia tatou i te parau ’aro o t?na hinaaro, t?na ra manao hamani maitai t?na i opua ’? na i roto iana iho, oia hoi, ia hope roa te tau i faataahia ra, e amui i te mau mea atoa ra, to te ra’i ’e to te fenua nei, i raro a’e i te mana o te Kirito.
[E faaea te taioraa haapotohia i onei.]
I roto atoa iana, ua faataahia tatou ei tuhaa nana : mai te au i te opuaraa nana, na tei rave i te mau mea atoa ia au i t?na hinaaro, ua haapao-atea-hia tatou, ia riro tatou ei feia i tiaturi atea i te Kirito, ia aruehia t?na ra hanahana. I roto iana, ua faaroo atoa outou i te parau mau, i te Evanelia e faaorahia ai outou. I roto iana, no te mea ua faaroo outou i taua Evanelia ra, ua tapaohia outou e te Varua i parau-fafau-hia mai ra, oia hoi te Varua-Maitai. O taua Varua-Maitai ra te piri taoa o ta tatou tuhaa ’?i’a ’e nana e faaineine nei i te taraehara o te nunaa i hoohia ra e te Atua ia aruehia t?na ra hanahana.

      - O te Parau ïa a te Atua.

ALLELUIA
Alleluia. Alleluia.
Ia faaaraara mai te Metua o to tatou Fatu o Iesu-Kirito                 cf. Ep 1, 17-18
i te mata o to tatou mafatu i tona ra maramarama ;
ia ite matou i te tiaturi ta tana nominoraa e faatupu.
Alleluia.

EVANELIA
                                                            « ’E ua haamata ihora »
† A taio tatou i te Evanelia a Mareko peata     6, 7-13
I taua anotau ra, ua titau atura oia Iesu i te tino ahuru ma piti, ’e ua haamata ihora i te tono tataipiti atu ia ratou ma te p?p? ia ratou i te mana i nia i te mau varua viivii. Ua faaue atura oia ia ratou : eiaha ei taoa e afaihia i taua tere no ratou ra, auaa ra te hoe turu tootoo ; eiaha ei faraoa, eiaha ei pute, eiaha ei moni rii i roto i te hatua. Ei t?ma’a r? to outou, ’e eiaha ia taipiti te ahu. Ua parau atura oia ia ratou : « Ua tae anae outou i te vahi vahi, ’e ua tomo atura i roto i te hoe fare, e parahi outou i roto i taua fare ra e reva noa atu ai outou. Ia ore te tahi oire e ite mai ia outou, ’e aita atura outou i faaroohia i reira, e ueue ïa outou i te repo o to outou avae, ia reva ’? outou i taua oire ra ; e riro te reira ei faaiteraa na ratou. » Reva atira ratou, ’e ua a’o haere atura i te taata ia tatarahapa. Ua tiavaru ratou i te demoni e rave rahi, ’e ua faatahinu i te ma’i e rave rahi, ’e ua ora taua mau ma’i ra.

- Haapopou tatou i te Parau a te Atua.