DOMINIKA 14 - TAU NOA - B

TAIORAA MATAMUA
« No te mea e utuafare faaooo ratou ! E e ite ratou e, e peropheta te i ropu ia ratou ra ! »
A taio tatou i te puta a Ezekiela peropheta                                                                                 2, 2b-5
I taua mau mahana ra, ua tae mai te varua i roto ia’u, e ua faatia mai oia ia’u ra i nia i to’u ra pue avae ; e ua faaroo au iana i te parauraa mai ia’u, i te naôraa mai e : E te tamaiti a te taata e, te tono nei au ia oe i te mau tamarii a Iseraela, i te feia apotata, tei faarue ia’u ; ratou e to ratou mau metua ua faahapa anae ïa i ta’u faufaa e tae roa aenei i teienei mahana. E te mau tamarii ta’u e tono atu nei ia oe, e mata etaeta e te mafatu vi ore to ratou ; e parau oe ia ratou : Teie te parau a te Fatu te Atua. Peneiae te faaroo mai ratou, peneiae te faaea ra ratou, no te mea e utuafare faaooo ratou ; e e ite ratou e, e peropheta te i ropu ia ratou ra.

     - O te Parau ïa a te Atua.

SALAMO                                             122, 1-2ab, 2cdef, 3-4
R/ Oia’toa to matou mata i te hioraa i te Fatu,
e ia aroha roa mai oia ia tatou nei.

Ua nânâ vau i ta’u pue mata ia oe,
o tei tia i nia i te rai ;
Inaha, teie mai nei, mai te pue mata o te mau titi
tei hio i te rima o to ratou ra fatu.

Mai te pue mata o te hoè tavini vahine
tei hio i te rima o tona ra fatu vahine
oia’toa to matou mata i te hioraa i te Fatu, to tatou Atua,
e ia aroha roa mai oia ia tatou nei.

A aroha mai ia matou, e te Fatu e, a aroha mai ia matou,
ua faaî maite hia matou i te parau-vahavaha.
Ua faaî roa ino hia matou i te mau tahitohito raa a te feia maha roara,
e te vahavaha a te feia teoteo ra !

TAIORAA PITI
                                                                      « Vau e teoteo ai i t?’u paruparu, ia vai maite ? te puai o te Kirito i nia ia’u »
A taio tatou i te epitore piti a Paulo peata i to Korinetia     12, 7-10
E au mau taeae e, ia ore t?’u manao ia teitei rahi roa i te rahi o taua mau heheuraa ra, ua tuu mai te Atua i te hoe tara i roto i t?’u nei tino, e melahi na Satane i faataahia ei moto mai i t?’u mata, eiaha t?’u manao ia teitei rahi roa. E toru ?’u pureraa i te Fatu i taua mea ra, ia faaatea-’?-hia ai’u. Ua parau mai r? te Fatu : « Ua ravai noa oe i t?’u karatia : ei roto i te paruparu t?’u puai e rahi roa ai. » No reira vau e teoteo ai i t?’u paruparu, ia vai maite ? te puai o te Kirito i nia ia’u. ’E i teienei, te oaoa nei au i t?’u paruparu, i te mau faainoinoraa, i te mau ati, i te mau hamani-ino-raa ’e i te mau ahoaho no te Kirito. Ia paruparu hoi au, ei reira ïa vau e puai ai.

      - O te Parau ïa a te Atua.

ALLELUIA
Alleluia. Alleluia.
Tei nia i’au te Varua o te Fatu :                      Luk 4, 18ac
ei faaite haere i te parau oaoa i te feia veve.
Alleluia.

EVANELIA
                                                      « Eita te peropheta e ore i te faaturahia, maori ra i t?na iho fenua »
† A taio tatou i te Evanelia a Mareko peata     6, 1-6
I taua anotau ra, faarue ihora Iesu i taua vahi ra, haere atura i t?na iho oire. Ua pee atura tana mau pipi na muri iana. ’E, sabati a’era, ua haapii atura oia i te taata i roto i te sunago. Maere ihora te taata e rave rahi e faaroo mai ra iana ra, na ? a’era : « Nohea mai teie mau mea nana ra ? E aha teie paari i horoahia mai iana ra, i ti’a ai iana ia rave i teie mau semeio ? E ere anei teie i te tamuta, te tamaiti a Maria, te taeae o Iakobo ’e o Iose ’e o Iuda ’e o Simona ? E ere anei e, tei io tatou nei tana mau tuahine. Maheaitu ihora ratou iana. » Ua parau atura Iesu ia ratou : « Eita te peropheta e ore i te faaturahia, maori ra i t?na iho fenua ’e i roto i t?na iho mau fetii ’e t?na iho utuafare. » Aita atura i ti’a iana ia rave i te semeio i reira, maori ra te tahi mau ma’i, o tei faaorahia e ana i te tuuraa i tana rima i nia iho ia ratou. ’E ua maere ihora oia i to ratou faaroo ore. Haere atura oia na te mau oire rii e ati noa a’e i te haapii haereraa i te taata.

- Haapopou tatou i te Parau a te Atua.