Dominika 12 - Tau noa B

DOMINIKA 12 - TAU NOA - B

TAIORAA MATAMUA
« E iô nei oe e ofati ai i to oe mau mataare fetoitoi ! »
A taio tatou i te puta no Ioba 38, 1.8-11
Te pahono maira te Fatu ia Ioba na roto i te puahiohio, naô maira :
« Na vai i opani i te mau uputa o te moana, a manii mai ai mai te i na roto i te opu ra, ia’u i tuu i te ata ei ahu tapoi nona ra, e a vehi ai au iana i te reira i te poiri, mai te vehiraa ahu i te aruaru ? Ua haaati au i te reira i to’u ra mau otia, e ua tuu au i te tea e te opani. Ua parau hoi au : “e tae mai oe iô nei, eiaha roa oe e haere roa’tu ; e iô nei oe e ofati ai i to oe mau mataare fetoitoi.” »

- O te Parau ïa a te Atua.

SALAMO 106, 21a.22a.24, 25-26a.27b, 28-29, 30-31
R/ E haamaitai i te Fatu, e maitai Ona,
e mea etereno hoi tona ra here.

E aore râ : Alleluia !

Ia haamaitai ratou i te Fatu i tona ra aroha,
ia faatutia ratou i te tutia haamaitai,
ua ite anae ratou i te ohipa a te Fatu,
e tana mau ohipa taa è i te moana uriuri ra.

Ua parau aera Oia, ua tupu mai ra te matai e te vero,
e ua teitei roa aera iana te mau are miti ;
teitei noa maira i nia i te rai, e ua pou faahou i raro i te hohonu,
mou roa’aera to ratou paari ra.

Ua tiaoro ihora ratou i te Fatu i to ratou ra ahoahoraa,
e ua faaora Oia ia ratou i to ratou ra mau ati,
ua faariro Oia i te vero ei mania
e te mau are ra, ua haamamu hia ïa.

Ua ite anae ratou e, e ua mania, oâoâ aera ratou
e ua aratai Oia ia ratou i ta ratou tipaeraa i hinaaro.
Ia haamaitai ratou i te Fatu i tona ra aroha,
e i tana ra ohipa faahiahia i te tamarii a te taata nei.

TAIORAA PITI
« ’E inaha, ua faaapihia te mau mea atoa »
A taio tatou i te epitore piti a Paulo peata i to Korinetia 5, 14-17
E au mau taeae e, te umehia nei hoi au e te here i te Atua, ia manao vau e, ua pohe te hoe no te taata atoa, ’e no reira, ua pohe paatoa ratou. ’E ua pohe oia no te taata atoa, ia ore te feia e ora nei ia ora faahou no ratou iho, nona r?, no tei pohe ’e tei tiafaahou no ratou. No reira, e ore au e haapao faahou i te taata i te haapaoraa i te tino nei. I te matamua, ua haapao vau i te Kirito i te haapaoraa i te tino nei, i teienei r?, e ore au e haapao faahou iana mai te reira. No reira, tei roto anae te tahi taata i te Kirito ra, ua riro ïa oia ei poieteraa api. Ua ore te mau mea tahito, ’e inaha, ua faaapihia te mau mea atoa.

- O te Parau ïa a te Atua.

ALLELUIA
Alleluia. Alleluia.
E peropheta rahi tei ti’a mai nei i rotopu ia tatou : Luk 7, 16
’e ua haere mai te Atua i t?na nei nunaa.
Alleluia.

EVANELIA
« O vai r? teie , e faaroo hoi te mata’i ’e te miti iana ? »
† A taio tatou i te Evanelia a Mareko peata 4, 35-41
I te taato’araa o te mahana, ua parau parapole noa Iesu i te naho’a rahi taata. ’E ahiahi atura taua mahana ra, na ? atura Iesu i tana mau pipi : « E fano tatou i tera mai pae. » Faarue atura ratou i te tiaa rahi taata, ’e ua haere maira i nia i te poti tei reira o Iesu, ’e ua fano atura ’e te tahi atu ? tau poti. Tupu maira te hoe ma’a mata’i rahi, fati maira te ’are i nia i te poti, ’e ? roa a’era te poti i te miti. Te taoto ra Iesu i te rei muri, i nia i te turua. Faaara maira ratou iana, na ? maira : « E te orometua, eita oe e peapea i te mea e, te pohe nei matou ? » Ara a’era oia, ’avau atura i te mata’i, ’e ua parau atura i te miti : « A m?m?, ia mania oe ! » Pohe ihora te mata’i ’e mania roa atura. Ua parau atura oia ia ratou : « E aha outou i mata’u ai ? Aore anei ? to outou e faaroo ? » Rahi roa atura to ratou mata’u, ’e ua na ? a’era ratou ratou iho : « O vai r? teie ; e faaroo hoi te mata’i ’e te miti iana ? »

- Haapopou tatou i te Parau a te Atua.