DOMINIKA 11 - TAU NOA - B

TAIORAA MATAMUA
                                                                             « Na’u i haamarô i te raau ota »
A taio tatou i te puta a Ezekiela peropheta   17, 22-24
Teie te parau a te Fatu, te Atua : e e rave au i te puo o te arezi teitei, e na’u e tuu : e tâpu au no nia mai i te auru o tona mau amaa i te hoe amaa maru, a tanu atu ai i nia i te hoe moua teitei hau è. I nia i te moua teitei o Iseraela e tanu ai au i te reira ; e tupu te amaa, e e hotu mai i te maâ ; e e riro ei arezi rahi, e e parahi i raro iana te mau manu atoa, e e ofaa ïa i raro ae i te maru o tona mau amaa te mau huru manu atoa ra. E e ite te mau raau atoa o te reira fenua e, na’u, na te Fatu i faahaehaa i te arezi teitei ; e na’u i faateitei i te raau haehaa ; na’u i haamarô i te raau ota, e na’u i faaruperupe i te raau marô. Na’u, na te Fatu i parau, e na’u i rave.

     - O te Parau ïa a te Atua.

SALAMO                                     91 (92.), 2-3, 13-14, 15-16
R/ E mea tia te haamaitai i te Fatu !

E mea tia te haamaitai i te Fatu,
e te himene i to oe na io’a, e tei Teitei e,
te faaite i to hamani maitai i te poipoi,
e te paru mau na oe i te rui ra.

E ruperupe te taata parautia mai te tamara ra,
e tupu oia mai te arezi i Libano ra.
O tei tanu hia i roto i te fare o te Fatu ra,
e ruperupe ïa i roto i te aumoâ o te fare o to tatou Atua.

E hotu â ïa i te paariraa ra,
e vai noa tona huru api e te hotu rahi
ei faaite e : e parautia ta te Fatu, oia ta’u haapuraa,
e aore roa e parautia ore i roto iana ra.

TAIORAA PITI
                                                           « Tei roto vau i ta’u tino, te reira ïa, ’e tei rapae, tei reira ïa ia mauruuru r? te Fatu ia’u »
A taio tatou i te epitore piti a Paulo peata i to Korinetia     5, 6-10
E au mau taeae e, i itoito tuutuu ore ai au. Ua ite au e, i to tatou nei parahiraa i roto i teie tino, tei te atea ’? ïa tatou i te Fatu ra. Te haere nei hoi tatou ma te faaroo, e ere r? ma te ite mata. Te itoito nei au, ’e e mea au a’e na’u e faarue i teie nei tino, a parahi atu ai i pihai iho i te Fatu. Teie r? t?’u hinaaro - tei roto vau i ta’u tino, te reira ïa, ’e tei rapae, tei reira ïa - ia mauruuru r? te Fatu ia’u. Ia tae paatoa hoi tatou i mua i te haavaraa a te Kirito e ti’a ai, ia faaitehia to tatou huru, ’e ia faautuahia mai tatou i te utua e au i te mau mea i ravehia e tatou a parahi noa ai tatou i roto i teie nei tino, te maitai ’e te ino.

     - O te Parau ïa a te Atua.

ALLELUIA
Alleluia. Alleluia.
Te huero, o te parau ïa a te Atua ;
o te Kirito te ueue huero ;
ia itea oia i te hoe taata ra, e tia i taua taata i te vai-maite-raa e a muri noa atu.
Alleluia.

EVANELIA
                                                       « O te iti roa ïa i te mau huero atoa i te ao nei, ’e e rahi roa a’e i te mau raau m?a tupu atoa »
† A taio tatou i te Evanelia a Mareko peata     4, 26-34
I taua anotau ra, ua parau atura Iesu i te tiaa rahi taata : « E au te Basileia o te Atua i te hoe taata i ueue i te huero i raro i te repo. Ia taoto oia ’e ia ara, i te p? ’e te ao, e oteo mai te huero, ’e e tupu mai, eita e taa iana e mea nafea te tupuraa. Na te repo iho hoi e faatupu noa i te raau rii na mua, ’e i muri mai, i te maa sitona, ’e i muri roa, te m?a paari ra. ’E, paari anae te sitona, e ootihia ïa, ua tae hoi i te tau ootiraa ra ».Ua parau atura oia : « E faaau tatou i te Basileia o te Atua i te aha ? ’E e aha te parabole ta tatou e rave ei faahohoaraa ? E au i te hoe huero sinapi. Ia tuuhia i raro i te repo, o te iti roa ïa i te mau huero atoa i te ao nei. Ia oti r? taua huero i te tanuhia ra, e tupu ïa, ’e e rahi roa a’e i te mau raau m?a tupu atoa ; toro atura t?na mau amaa, ’e ti’a atura i te mau manu o te reva i te ofaa i raro a’e i t?na maru. »
E haapii oia ia ratou na roto i te parabole e rave rahi, mai te reira te huru, ia au i tei ti’a ia ratou ia faaroo. ’E e ore oia e haapii ia ratou, maori ra na roto i te parabole. Ia ataa mai r? oia ’e tana mau pipi anae ra, e tatara oia ia ratou i te mau parau atoa ra.

- Haapopou tatou i te Parau a te Atua.