DOMINIKA 1 - AVENETE - B

TAIORAA MATAMUA
                                                      « Ahiri oe i hahae mai i te rai, e i pou mai ! »
A taio tatou i te puta a Isaia Peropheta         63, 16b-17 ; 64, 1.3b-8
O oe te Fatu, to matou metua, to matou faaora ; mai tahito mai â to oe ra ioa. E aha ra oe, e te Fatu e, i tuu noa mai ai ia matou, ia haapae noa na matou i to oe mau êâ ; i faaetaeta mai ai hoi oe i to matou mafatu, e i ore matou i mataû ai ia oe ? A fariu mai no to mau tavini ra, te mau opu o ta oe tuhaa. Ahiri oe i hahae mai i te rai, e i pou mai, e tahe noa ïa te mau moua i raro i mua ia oe. Ua pou mai oe i raro, e ua tahe te mau moua i mua ia oe nei. Mai te matamua mai â, aore i faaroo hia, aore i farii hia e te taria, aore te mata i ite, maori ra e o oe anae te Atua, i ta oe i faanahonaho no ratou no tei tiai ia oe. Ua horo oe e farerei iana i tei oâoâ, e tei rave i te parautia, e haamanao ratou ia oe i to oe ra mau êâ ; inaha ua riri oe, ua hara hoi matou, ua tamau ïa matou i te reira, e faaora hia râ matou. Ua riro hoi tatou atoa nei mai te taata viivii ra, e mai te ahu viivii ta tatou mau parautia atoa ra ; ua mairi anae tatou i raro mai te rau aupara ra, e ua afai è anae ta tatou mau hara ia tatou mai te matai ra. Aore roa e taata e tiaoro i to ioa, aore atoa te tia i nia, e te mau ia oe ; ua haamoe oe i to mata ia matou : ua haaparuparu oe ia matou i te rima o to matou mau ino. E teienei, e te Fatu, o oe to matou metua, e araea matou ; e na matou oe i hamani, e ohipa anae matou paatoa na to rima.

      - O te Parau ïa a te Atua.

SALAMO                                                79 (80), 2ab-3bc, 15-16, 18-19
R/ A faahoi mai ia matou, e te Fatu e,
ia anaana mai to mata, e e ora ia matou !

E faaroo mai, e te tiai ia Iseraela e,
o oe te parahi i nia i na kerubi ra, a anaana mai.
A faaara i to puai ra,
a haere mai e a faaora ia matou !.

A hoi mai, e te Fatu, te Atua no te mau nuu,
a hio mai mai te rai mai, ia ite,
a mataitai i teienei ô vine :
a paruru oe iana, oia i tanu hia e to rima atau !

E i nia to rima i te taata o to rima atau na,
e i nia i te tamaiti a Adamu i haapapu hia na oe ihora !
E ore roa matou e taiva ia oe ;
na oe matou e faaanaanaea, ia taû atu â matou i to oe na io’a.

TAIORAA PITI
                                         Tatou e tiai na i te f?raa mai o to tatou Fatu o Iesu-Kirito
A taio tatou i te epitore matamua a Paulo peata i to Korinetia      1, 3-9
E au mau taeae e, ei ia outou na te karatia ’e te hau no ? mai i te Atua, to tatou Metua, ’e no ? mai hoi i te Fatu ra ia Iesu-Kirito. Te haamaitai tuutuu ore nei au i te Atua no outou, no te karatia ta te Atua i horoa mai ia outou, na roto ia Iesu-Kirito. Inaha hoi, ua taoahia outou na roto iana i te mau faufaa atoa, to te parau ’e to te ite. Ua haamau-roa-hia te faaiteraa i te Kirito i roto ia outou, ’e no reira, aita atura outou i ere i te hoe a’e ?, outou e tiai na i te f?raa mai o to tatou Fatu o Iesu-Kirito. ’E nana atoa e haapapu mai ia outou e tae noa atu i te hopea ; e feia hapa ore ïa outou, ia tae i te mahana o to tatou Fatu o Iesu-Kirito. E parau mau ta te Atua i nomino mai ia outou, ia taati atu outou i tana Tamaiti ia Iesu, i to tatou Fatu ra.

     - O te Parau ïa a te Atua.

ALLELUIA

Alleluia. Alleluia.
Faaite mai ia matou, e te Fatu e, i to oe aroha :
ia itea ia matou te mahana o te ora.
Alleluia.

EVANELIA
                                                    «  E ara maoti outou, aita hoi outou i ite i te hora e tae mai ai te fatu fare »
† A taio tatou i te Evanelia a Mareko peata          13, 33-37
Te parau r? Iesu i t?na mau pipi no t?na hoira mai,’e ua na? atura : « E haapao maitai, e ara, aita hoi outou i ite i taua taime ra. E au ïa i te hoe taata e tere i te fenua roa. E vaiiho oia i t?na fare, e poroi i t?na mau tavini e haapao i te mau ohipa atoa, ’e e faaue i te tiai uputa e ara. E ara maoti outou, aita hoi outou i ite i te hora e tae mai ai te fatu fare, ei te ahiahi anei ? Ei te maororaa p? ? Ei te ’a’aoaraa moa ? ’E aore r?, ei te poipoi roa ? E ara ’o te pu’?’oi noa mai oia, e roohia mai, ua taoto outou. ’E o t?’u e parau atu ia outou na, o t?’u ïa e parau i te taata atoa : e ara. »

     - Haapopou tatou i te Parau a te Atua.