28 no titema - TE MAU TAMARII HARA-ORE

28 no TITEMA

TE MAU TAMARII HARA-ORE

e Maratiri

Oro'a

TAIORAA MATAMUA
« ’E te tamä nei te toto o täna Tamaiti, o Iesu, ia tatou i te mau hoi täna ’e te ti’a »
A taio tatou i te epitore matamua a Ioane peata 1, 5 – 2, 2
E au mau here e, ’e teie ta matou parau i faaroo iana ra, ’e ta matou hoi e faaite atu nei ia outou : E maramarama te Atua, e aore roa e pouri o toto iana ra. Ia parau tatou e : « Te ati nei tatou iana ra », haere noa ai ä tatou na te pouri, te haavare nei ïa tatou ’e aita tatou e rave nei i te parau mau. Ia haere rä tatou na te maramarama, mai iana atoa ra e ti’a i te maramarama ra, ua ati ïa tatou tatou iho, ’e te tamä nei te toto o täna Tamaiti, o Iesu, ia tatou i te mau hara atoa. Ia parau tatou e : aore a tatou a hara, te haavare nei ïa tatou iho, ’e aore te parau mau i roto ia tatou. Ia fä’i rä tatou i ta tatou mau hara, e faaore mai ïa oia i ta tatou mau hara, ’e e tamä mai oia ia tatou i te mau mea iino atoa, e parau mau hoi täna ’e te ti’a. Ia parau tatou e : « Aita tatou i rave i te hara », te faariro nei ïa tatou iana ei haavare, ’e aita täna parau i roto ia tatou. E au mau tamarii rii e, te papai atu nei au i taua parau nei ia outou, ia ore outou ia rave i te hara. Ia rave noa atu rä te tahi taata i te hara, e paruru to tatou ia te Metua ra, o te taata parautia ra, o Iesu-Kirito. O oia te tapena i püpühia ei taraehara i ta tatou nei mau hara, eiaha rä i ta tatou anae ra, i ta to te ao atoa nei rä.

- O te Parau ïa a te Atua.

SALAMO 123 (124), 2-3, 4-5, 6a.7cd-8
R/ Mai te manu, i ora
i te marei a te imi-manu ra.

Ahiri te Fatu e ere no tatou,
a tia mai ai te taata e rave ia tatou,
e horomii-oraora hia tatou e ratou
na roto i te auahi o to tatou riri.

I reira ua nina roa hia tatou e te mau pape
na nia ia tatou te vai-pue i te tahe ;
i reira ua na nia iho i to tatou varua
mai te pape uhauha ra.

Ia haamaitai hia te Fatu !
Ua motu te marei e ua ora tatou.
O te i'oa o te Fatu to tatou tauturu,
nana i hamani i te ra'i e te fenua nei.

ALLELUIA
Alleluia. Alleluia.
Ei ia oe, e te Atua e, ta matou arue !
Ua riro te mau maratiri ei ite no oe,
te umere atu nei matou ia oe : O oe te Fatu !
Alleluia.

EVANELIA
                                                « Ua tono atura oia Herode i te taata e taparahi i te mau tamarii tamaroa atoa i Betelehema »
† A taio tatou i te Evanelia a Mataio peata     2, 13-18
I muri a’e te haereraa mai o te mau m?goi, ua fä maira te hoe melahi a te Fatu ia Iosepha i roto i te moemoea, ’e ua na ö maira : « A ti’a i nia, a rave i te tamaiti ’e tana metua vahine, a ma’ue atu i Aiphiti, ei reira oe parahi ai e ia parau noa atu vau ia oe ra ; e riro hoi Heroda i te imi i te tamaiti no te taparahi iana. » Ti’a a’era oia i nia, rave atura i te tamaiti ’e töna metua vahine i te ru’i, ’e reva atura i Aiphiti. Parahi atura oia i reira e pohe noa atura o Heroda, ia tupu te parau i ta’ohia mai e te Fatu, na roto i te peropheta ra : Ua pii au i ta’u tamaiti e hoi mai mai Aiphiti mai.
’E, ite a’era Heroda e, ua faahemahia oia e te m?goi, riri roa a’era oia. Ua tono atura oia i te taata e taparahi i te mau tamarii tamaroa atoa i Betelehema ’e i te mau vahi fatata, mai te piti matahiti e raro iho, mai te au i tei haapapuhia mai iana e te mau m?goi. Ti’a mau atura i reira te parau a te peropheta ra o Ieremia : E reo tei faaroohia i Rama, e oto’e te auë rahi ; o Rahera ïa i te heara’a i tana mau tamarii ; aore roa oia i hinaaro i te tamahananhanaraa, no te mea aita nei ratou.

- Haapopou tatou i te Parau a te Atua.