27 no titema - IOANE peata

27 no TITEMA
IOANE PEATA

e apotoro e te papai Evanelia
Oro’a

TAIORAA MATAMUA
                                  « O ta matou i ite a’enei ’e o ta matou i faaroo a’enei, ’e te faaite atu nei matou ia outou »
A taio tatou i te epitore matamua a Ioane peata         1, 1-4
E au mau here e, te Parau o te Ora, o tei vai na mai te matamua mai ä, ’e o ta matou i faaroo a’enei, o ta matou i ite a’enei i to matou nei mata, o ta matou i hio maite a’enei, o ta matou i fäfä a’enei i to matou rima. Ua faaitehia mai hoi te Ora, ’e ua hio matou, ’e te ti’a nei matou ei ite no taua Ora nei, ’e te faaite atu nei matou ia outou i te Ora mure ore, o tei vai na i pihai iho i te Metua, ’e o tei faaithia mai ia matou nei. O ta matou i hio a’enei, ’e o ta matou i faaroo a’enei, o ta matou atoa ïa e faaite atu nei ia outou na, ia ati mai outou ia matou nei. ’E to tatou atiraa,’e atiraa ïa i te Metua ’e i täna Tamaiti, ia Iesu-Kirito. ’E te papai atu nei matou i taua parau nei ia outou na, ia ï roa matou i te oaoa.

     - O te Parau ïa a te Atua.

SALAMO 96                         (97.), 1-2, 5-6, 11-12
R/ A oâoâ i te Fatu,
e te feia parautia e !

Te i te Fatu te hau ! Ia rearea te fenua nei,
e ia oâoâ te mau motu e raverahi !
Te haaati hia nei oia e te pouri e te ata,
o te parautia e te parau au o te tumu ïa o tona ra terono.

Te tarape nei te mau moua, mai te ota meri ra,
i te aro o te Fatu o te fenua’toa nei ;
Te faaite mai te mau rai i te parautia nana,
e ua ite te taata’toa i tona hanahana.

Ua hiti mai te maramarama i te feia parautia ra,
e te oâoâ i te feia i tia te mafatu ra.
A oâoâ i te Fatu, e te feia parautia e,
a haamaitai i te manaoraa i tona ra moâraa.

ALLELUIA
Alleluia. Alleluia.
Ei ia oe, e te Atua e, ta matou arue !
O oe tei faahanahanahia e te mau Apotoro,
te umere atu nei matou ia oe, o oe te Fatu !
Alleluia.

EVANELIA
                                            « ’E hemo ihora Petero i taua pipi ra, o tei tae atu na i te menema »
† Evanelia o Iesu-Kirito a Ioane peata       20, 2-8
I te mahana matamua o te hebedoma, horo atura oia o Maria Magadalena, ’e ua haere atura ia Simona Petero ’e te pipi here a Iesu ’e ua parau atura ia raua : « Ua hopoi’ë ratou i te Fatu i te menema, ’e aita hoi matou i ite hea oia i te vaiihoraahia e ratou. » Haere atura Petero ’e te tahi pipi i te menema ra. Ua hohoro atura raua, ’e hemo ihora Petero i taua pipi ra, o tei tae atu na i te menema. ’E, ia pi’o ihora i raro, ite atura oia i te ahu ua parahurahu, aita rä oia i tomo i roto. Ua haere maira Simona Petero i muri iho iana, ’e ua tomo atura oia i roto i te menema, ’e ua ite atura i te mau ahu ua parahurahu. Area te horoi i vai na i nia i te upoo ra, aita ïa i parahurahu mai te mau ahu, ua vai omenemene rä i te vairaa i mua ra. I reira ra, ua tomo atura te tahi pipi i roto, oia i tae atu na i te menema, ’e ua ite atura oia, ’e ua faaroo atura.

     - Haapopou tatou i te Parau a te Atua.