25 no tiurai - IAKOBO peata

25 no TIURAI

IAKOBO PEATA
e apotoro

Oro’a

TAIORAA MATAMUA
« Te hopoi haere nei au i te haapoheraahia o Iesu »
A taio tatou i te epitore piti a Paulo peata i to Korinetia 4, 7-15
E au mau taeae e, ua faarii r? vau i taua taoa nei i roto i te farii araea, ia vai noa taua mana hau a’e ra ei mana no ? mai i te Atua, eiaha no ? nei ia’u nei. Ua nene’ihia vau i te mau vahi atoa, aita r? vau i faahu’ahu’ahia ; aore i taa faahou ia’u e nafea, aita r? vau i ere i te tiaturiraa ; ua hamani-ino-hia vau, aita r? vau i faarue-roa-hia ; ua hurihia vau i raro, aita r? vau i pohe. Te hopoi haere nei au i te haapoheraahia o Iesu i roto i t?’u nei tino ma te tuutuu ore, ia faaitehia te ora o Iesu i roto i t?’u tino. Tatou hoi e ora nei, te tuu-haere-noa-hia nei ? ïa i te pohe, no Iesu ; ia faaite-atoa-hia te ora o Iesu i roto i to tatou mau tino pohe noa. ’E teienei, te ohipa nei te pohe i roto ia’u, ’e te ohipa na te ora i roto ia outou. Tei roto atoa r? ia’u taua varua faaroo ra, o tei papaihia ra e : ua faaroo vau, no reira vau i parau ai ; ’e te faaroo nei, ’e no reira, te parau atoa nei au : ua ite hoi au e, na tei faatiafaahou ia Iesu e faatiafaahou atoa mai ia’u, mai iana atoa ra, a tuu atu ai ia’u, ’e ia outou hoi, i pihai iho ia Iesu. ’E te mau mea atoa t?’u e faaoroma’i, no outou ïa, ia rahi atu te karatia, ’e ia faarahi taua karatia ra i te taata e haamaitai i te Atua, a rahi atu ai te hanahana o te Atua.

- O te Parau ïa a te Atua.

SALAMO 125, 1-2ab, 2cd-3, 4-5, 6-7
R/ O tei ueue ma te roimata ra
e ooti ïa ma te himene oâoâ.

I te faahoiraa te Fatu i te mau titi o Siona
ua au ïa tatou i te feia i moemoea hia ;
i aera to tatou vaha i te ata i reira,
e to tatou utu i te himene oâoâ.

E i reira to te etene parau raa e :
« E ohipa faahiahia ta te Fatu i rave no ratou ! »
E ohipa faahiahia ta te Fatu i rave no tatou nei ;
i oâoâ’i tatou.

A faahoi mai, e te Fatu, i to matou mau titi
mai ta oe i faahoi i te vai pue i Negeba ra !
O tei ueue ma te roimata ra,
e ooti ïa ma te himene oâoâ.

Ua haere ratou, ua haere oia ma te oto,
ua ueue i te huero,
ua hoi mai ratou, e ua hoi mai ma te himene
e ua hopoi mai i te mau ruru sitona.

ALLELUIA
Alleluia. Alleluia.
O vau rä tei maiti ia outou ’e tei faataa ia outou cf Ioa 15, 16
ia haere outou, ’e ia hotu mai i te mäa
’e ia vai maite to outou hotu, te na ô maira te Fatu.
Alleluia.

EVANELIA
« E inu mau ? orua i t?’u au’a »
† Evanelia o Iesu-Kirito a Mataio peata 20, 20-28
I teie tau ra, haere maira te metua vahine o na tamarii a Zebedaio iana ra ’e tana nau tamarii atoa ra. Ua tahopu ihora oia i raro, ’e ua faaite mai i te hoe aniraa. Ua parau atura Iesu : « E aha to oe hinaaro ? » Ua pahono maira oia : « A faaue na ia parahi ta’u pu’e tamarii nei, te hoe i to oe rima atau, ’e te tahi i to oe rima aui, i roto i to oe ra Basileia. » Ua parau atura Iesu : « Aita orua i ite i ta orua i ani mai nei. E ti’a anei ia orua ia inu i te au’a e inuhia e au ? » Ua pahono maira raua : « E ti’a ia maua. » Ua parau atura oia ia raua : « E inu mau ? orua i t?’u au’a ; area te parahi i ta’u rima atau ’e i ta’u rima aui, eita e ti’a ia’u ia horoa atu. E horoahia hoi i te feia no ratou te reira i faaineinehia e ta’u Metua. » ’E, faaroo a’era te tino ahuru ra, inoino roa a’era ratou i na taeae nei. Ua pii atura r? Iesu ia ratou, ’e ua parau atura : « Ua ite outou e, te feia i parauhia e, hui mana io te etene ra, e faahepo ïa ia ratou, ’e te faatere etaeta nei te feia rarahi ia ratou. Eita r? e ti’a ia na reira io outou na ; o tei hinaaro ra e, ia rahi oia i rotopu ia outou na, e riro ïa ei tavini no outou. ’E o tei hinaaro e, ei matamua oia i rotopu ia outou na, ia riro ïa oia ei tavini no outou atoa. Aita hoi te Tamaiti a te taata nei i haere mai ia tavinihia mai oia, ia tavini atu r?, ’e ia horoa i t?na ora ei utua no na taata e rave rahi. »

- Haapopou tatou i te Parau a te Atua.