14 no setepa - TE TATAURO HANAHANA

14 no SETEPA

TE TATAURO HANAHANA

Oro’a

Ia tano teie oroa i te dominika, e ravehia te mau taioraa i faataahia no te dominika

TAIORAA MATAMUA
E tia ia maite hoe taioraa i roto i na taioraa e piti i raro nei :
1. « E te mau taata’toa i puta, e tei hio i te reira, ua ora ïa ! »
A taio tatou i te puta Numera 21, 4b -9
I taua mau mahana ra, taia noa aera te aâu o te taata i te eâ e te rohirohi. Ua parau ino te taata i te Atua e ia Mose, ua naô aera : E aha oe i aratai mai ia matou mai Aiphiti mai, ia pohe matou i roto i teienei medebara ? Aita hoi e pane, aita hoi e pape ; ua manuanu matou i taua maâ mama ra. No reira tuu maira te Fatu i te ophi veavea i roto i te mau taata, i rahi ai te taata i puta e tei pohe. Ua haere maira te taata ia Mose ra, e ua naô maira : Ua hara matou, o matou tei parau ino i te Fatu e ia oe ; a taû atu na oe ia hopoi è oia i teienei mau ophi ia matou. Pure ihora Mose no te mau taata. Ua parau maira te Fatu iana : E hamani oe i te ophi veo, e tuu na i te reira ei tapao ; e te taata’toa i puta ra, ia hio i te reira, e ora ïa. Hamani ihora Mose i te ophi veo, e ua tuu atu i te reira ei tapao, e te mau taata’toa i puta, e tei hio i te reira, ua ora ïa.

- O te Parau ïa a te Atua.

E aore râ :
2. « Ua faahaehaa roa oia : i faateitei roa atu ai te Atua iana »
A taio tatou i te epitore a Paulo peata i to Philipi 2, 6-11
Te Kirito ra ia Iesu, e natura Atua t?na, aita r? oia i nounou noa a’e i te huru e faito ai oia i te Atua. Ua faaere roa oia iana iho i te faariiraa i te huru o te tavini ’e i te faaiteraa iana iho mai te taata ra te huru, ’e ua au mau ? t?na oraraa i to te taata nei. Ua faahaehaa roa oia iana iho i te auraro-maite-raa i te Atua e tae noa atura i te pohe, i te pohe tatauro ra. I faateitei roa atu ai te Atua iana, ’e ua horoa iana i te i’oa i hau ’? roa i te mau i’oa atoa, ia tuu te mau turi atoa i raro i mua i te i’oa o Iesu : to te ra’i, to te fenua nei ’e to raro a’e i te fenua nei, ’e ia f?’i te mau vaha atoa e, o Iesu-Kirito te Fatu, no te hanahana o te Atua, te Metua.

- O te Parau ïa a te Atua.

SALAMO 77 (78.), 3-4a.c, 34-35, 36-37, 38ab.39
R/ E eiaha e haamoe i te mau ohipa taa è a te Atua !

Ua faaroo e ua ite tatou i te reira,
ta to tatou huimetua i faaite mai ia tatou nei ;
e ore te reira e huna hia i ta ratou mau tamarii,
e tona mana, e tana mau ohipa taa è mai tei rave hia e ana ra.

Ia tairi oia ia ratou ra, ua imi ihora ïa iana,
e ua fariu mai iana e ua hoi oioi mai.
Ua haamanao aera ratou e : o te Atua to ratou haapura,
e o te Atua Teitei to ratou ïa Faaora !

Ua faî ratou iana ma to ratou vaha,
e ua haavare atu ma to ratou ra arero,
aita râ to ratou mafatu i tia i mua iana,
e aore hoi ratou i haapao i tana ra parau faaau.

E aroha râ tona, ua faaore aera oia i ta ratou hara,
e ore aera i rave pohe roa ia ratou.

Ua haamanao hoi oia e : e taata ratou,
e aho e pee noa e e ore e hoi mai.

ALLELUIA
Alleluia. Alleluia.
Te haamori 'e te haamaitai nei matou ia oe, e te Kirito e,
no te mea na oe i faaora i tô teienei ao nei i tô tatauro mo'a.
Alleluia.

EVANELIA
« Oia atoa te Tamaiti a te taata, ia faateitei-atoa-hia oia e ti’a ai »
† Evanelia o Iesu-Kirito a Ioane peata 3, 13-17
I taua anotau ra, ua parau atura Iesu i Nikodemo : Aore roa e taata i ’a’e i nia i te ra’i, maori ra oia tei pou mai mai te ra’i mai, o te Tamaiti ïa a te taata. Mai ia Mose i faateitei i te ophi i te medebara ra, oia atoa te Tamaiti a te taata, ia faateitei-atoa-hia oia e ti’a ai, ia roaa te ore mure, na roto iana, i te taata atoa e faaroo ra. I here mai hoi te Atua i to te ao nei e tae roa atu i te horoa mai i tana Tamaiti fanau tahi, ia ore ia pohe te hoe a’e taata e faaroo iana, ia roaa r? iana te ora mure ore. Aore hoi te Atua i tono mai i tana Tamaiti i te ao nei ei faahapa mai i to te ao nei, ia faaorahia mai r? to te ao nei na roto iana ra.

- Haapopou tatou i te Parau a te Atua.