Te Toru-Tahi Mo'a - A

I te dominika i muri mai i te Penetekote.

TE TORUTAHI MO’A

Oro’a hanahana

TAIORAA MATAMUA

« E te Manahope, e te Fatu, te Atua e, e te aroha, e te maru, e te faaoromai »

A taio tatou i te puta Exodo 34, 4b-6.8-9

I taua mau mahana ra, ua tia aerea Mose i te aaahiata, e haere atura i nia iho i te moua ra o Sinai, mai ta te Fatu i faaue maira mai te afai i na.papa ofai ra. Ua pou mai te Fatu na roto i te ata, Ua tia aera o Mose e oia’toa ra, e ua taû atu i te ioa o te Fatu ra. Haere ihora te Fatu na mua iana, ua naô maira o Mose : E te Manahope, e te Fatu, te Atua e, e te aroha, e te maru, e te faaoromai, e te maitai rahi, e te parau mau e. Ua tipapa ihora Mose i raro, haamori atura. Ua naô atura : i itea aroha hia mai au e oe ra, e te Fatu e, te ani atu nei au ia oe ia haere atoa oe e o matou (e nunaa upoo ataeta rahi ratou) e ia faaore i ta matou parautia ore, e ta matou mau hara, e e rave mai oe ia matou no oe iho.

- O te Parau ïa a te Atua.

HIMENE Dan 3, 52, 53, 54, 55, 56

R/ Te au ra hoi ia oe te arue e te faateitei e a muri noa’tu !

Ia haamaitai hia oe, e te Fatu, e te Atua o to matou hui metua :
R/ Te au ra hoi ia oe te arue e te faateitei e a muri noa’tu !

Ia haamaitai hia te ioa moâ o to oe na hanahana :
R/ Te au ra hoi ia oe te arue e te faateitei e a muri noa’tu !

Ia haamaitai hia oe i te nao moâ o to oe na hanahana :
R/ Te au ra hoi ia oe te arue e te faateitei e a muri noa’tu !

Ia haamaitai hia oe te hio i te mau vahi hohonu :
R/ Te au ra hoi ia oe te arue e te faateitei e a muri noa’tu !

Ia haamaitai hia oe i nia i te terono o to oe na basileia :
R/ Te au ra hoi ia oe te arue e te faateitei e a muri noa’tu !

E o te parahi i nia i na kerubi ra :
R/ Te au ra hoi ia oe te arue e te faateitei e a muri noa’tu !

Ia haamaitai hia oe i roto i te reva o te rai ra :
R/ Te au ra hoi ia oe te arue e te faateitei e a muri noa’tu !

TAIORAA PITI

« Te karatia a Iesu Kirito ’e te here o te Atua ’e te tahoeraa a te Varua-Maitai »

A taio tatou i te epitore piti a Paulo peata i to Korinetia 13, 11-13

E au mau taeae e, ia oaoa outou, a tautoo atu, ia maitai roa outou, a faaitoito outou te tahi i te tahi, ia rötahi to outou manao ; a parahi i roto i te hau, ei reira ïa te Atua nona te hau ’e te aroha e parahi mai ai i rotopu ia outou. E aroha outou ia outou iho i te ho’i mo’a. Te aroha nei te feia mo’a atoa ia outou. Ei ia outou atoa na te karatia a te Fatu, ’e te here o te Atua ’e te tahoeraa a te Varua-Maitai.

- O te Parau ïa a te Atua.

ALLELUIA

Alleluia. Alleluia.
Ia haamaitaihia te Metua, e te Tamaiti, e te Varua-Maitai : cf. Ap 1, 8
te Atua e vai nei, tei vai na e, o te haere mai nei !
Alleluia.

EVANELIA

« Te Atua i tono mai i tana Tamaiti, ia faaorahia mai rä to te ao nei na roto iana ra »

Evanelia o Iesu-Kirito a Ioane peata 3, 16-18

I here mai hoi te Atua i to te ao nei e tae roa atu i te horoa mai i tana Tamaiti fanau tahi, ia ore ia pohe te hoe a’e taata e faaroo iana, ia roaa rä iana te ora mure ore. Aore hoi te Atua i tono mai i tana Tamaiti i te ao nei ei faahapa mai i to te ao nei, ia faaorahia mai rä to te ao nei na roto iana ra. O tei faaroo iana ra, e ore ïa e faahapahia, o tei ore i faaroo, ua faahapa-’ë-hia na ïa, oia aore i faaroo i te i’oa o te Tamaiti fanau tahi a te Atua.

- Haapopou tatou i te Parau a te Atua.