DOMINIKA 4 i te tau AVENETE

TAIORAA MATAMUA

« Inaha te tô te paretenia »

A taio tatou i te puta a Isaïa peropheta 7, 10-16

I te mau mahana ra, ua tamau te Fatu i te parau ia Akaza, i te naôraa e : « A ani oe i te tahi tapao i te Fatu to Atua, i raro roa i te po, e aore ra i nia roa i te rai. » Ua parau atura Akaza : « E ore au e ani, e ore au e ââi te Fatu. » Naô atura Isaïa : « E faaroo mai, e te utuafare o Davida e, e mea iti anei ia outou ia faahaumani i te taata, e faahaumani atoa mai ai i ta’u Atua ? No reira na te Fatu iho e horoa i te hoe tapao no outou. Inaha e tô te paretenia, e e fanau i te tamaiti, e e mairi hia tona ioa o EMANUELA. E amu oia i te pata e te meri, ia ite anae oia i te haapae i te ino, e te maiti i te maitai. E ore hoi teienei tamaiti e ite i te haapae i te ino, e te maiti i te maitai, e faarue hia’i taua fenua nei ta oe i riri na, no taua na arii too piti ra. »

- O te Parau ïa a te Atua.

SALAMO 23, 1-2, 3-4ab, 5-6

R/ Ia haere mai te Fatu :
O oia te arii hanahana

Ei te Fatu te fenua e te taatoaraa o te mau mea i nia iho iana,
te ao atoa nei e tona’toa ra mau nunaa.
Nana te fenua i faatumu i nia i te moana ;
nana’toa i haamau iana i nia i te mau anavai ra.

O vai te paiuma i te moua a te Fatu ?
E o vai te tia i tona ra vahi mo’a ?
O te taata rima hara ore ïa e te mafatu mâ,
o tei ore e faateitei noa ra i tona varua.

Ei iana te haamaitairaa a te Fatu,
e te parautia a te Atua tona ra faaora.
O te ui teie i imi atu iana, o tei imi i to mata,
e te Atua o Iakoba e !

TAIORAA PITI

Iesu Kirito no roto mai i te huaai o Davida e o te Tamaiti a te Atua

A taio tatou i te epitore a Paulo peata i to Roma 1, 1-7

Paulo, e tavini no Iesu-Kirito, i nominohia ei apotoro, ’e i faataahia no te Evanelia a te Atua, i te feia atoa i herehia e te Atua i Roma na. Ua parau fafau te Atua i taua Evanelia nei i mutaa iho ra, i roto i te mau papairaa mo’a, na roto i t?na mau peropheta. ’E taua Evanelia nei, o te parau ïa o t?na Tamaiti, to tatou Fatu o Iesu-Kirito. I te pae o t?na tino, e huaai oia no Davida ra ; O te Tamaiti r? oia a te Atua, mai tei faaite-hua-hia e te mana o te Varua-Maitai, o tei faatiafaahou iana mai roto mai i tei pohe ra. Nana i horoa mai ia’u i te karatia apotoro ’e te toroa apotoro, ia arataihia te mau nunaa etene ra i te auraro o te faaroo ’e i te hanahana o t?na i’oa. Tei roto atoa hoi outou i taua mau nuna ra, outou i nominohia e Iesu-Kirito. I te taata atoa i nominohia, ia riro ratou ei feia mo’a, ei ia outou na te karatia ’e te hau no ? mai te Atua, to tatou Metua, ’e no ? mai i te Fatu ra o Iesu-Kirito.

- O te Parau ïa a te Atua.

ALLELUIA

Alleluia. Alleluia.
Inaha e hapu te paretenia       Mat 1, 23
’e e fanau mai i te hoe tamaiti,
o te mairihia i te i’oa o Emanuela « Te Atua io tatou nei ».
Alleluia.

EVANELIA

E fanauhia Iesu e Maria, o tei momo’ahia ia Iosepha e tamaiti na Davida

Evanelia o Iesu-Kirito a Mataio peata 1, 18-24

Teie te huru o te fanauraa o Iesu, te Kirito. Ua m?mo’ahia t?na metua vahine o Maria ia Iosepha. ’E aore ?  raua i parahi, hapu ihora Maria i te Varua-Maitai. E taata parautia o Iosepha, t?na hoa faaipoipo ; aore oia i hinaaro e faaino i te roo o Maria, i opua ai oia e haapae huna noa iana. Te feruri noa ra oia i taua opuaraa ra, e inaha, ua f? maira te hoe melahi a te Fatu iana ra i roto i te moemoea, na ? maira : « E Iotepha, tamaiti na Davida ra, eiaha e mata’u i te aratai i t? hoa faaipoipo, ia Maria, i to oe na fare ; no te Varua-Maitai hoi i hapu ai oia. E fanau mai oia i te hoe tamaiti ’e e mairi oe i t?na i’oa o Iesu : nana hoi e faaora i t?na nunaa i ta ratou mau hara. » Ua na reirahia taua mau mea atoa ra ia ti’a tei parauhia mai e te Fatu, na roto i te peropheta ra, i te na ?raa e : Inaha e hapu te paretenia ’e e fanau mai i te hoe tamaiti, o te mairihia i te i’oa o Emanuela, oia hoi,        ia iritihia ra : « Te Atua io tatou nei ». ’E, ara a’era Iosepha, haapao atura oia i tei parauhia mai et te melahi a te Fatu : aratai maira oia i t?na hoa faaipoipo iona ra.

- Haapopou tatou i te Parau a te Atua.