Dom 20 i te tau noa - A

DOMINIKA 20 i te tau noa

TAIORAA MATAMUA

« E te mau tamarii èè, e aratai au ia ratou i nia i ta’u moua moâ ra »

A taio tatou i te puta a Isaia peropheta 56, 1.6-7

Te naô maira te Fatu : a tamau i te parau au, a rave i te parautia, no te mea ua fatata ta’u faaora, te tae mai nei ïa, e ta’u parautia e faaite hia mai ïa. E te mau tamarii èè, o tei ati i te Fatu ra, ei haamori iana e ei here i tona ioa, ia riro ratou ei tavini nona ; te feia atoa tei haapao i te tapati, e aore i haaviivii atu, e tei haapao tamau maite i ta’u ra faufaa ; e aratai au ia ratou i nia i ta’u moua moâ ra, e e faaoâoâ vau ia ratou i roto i ta’u farepureraa, e e au hia mai ta ratou mau tutia taauahi e ta ratou mau tutia atoa i nia i ta’u fata, no te mea e parau hia ta’u fare e, e farepureraa no te mau nunaa’toa ra.

- O te Parau ïa a te Atua.

SALAMO 66, 2-3, 5, 7-8

R/ Que les peuples, Dieu, te rendent grâce ;
qu’ils te rendent grâce tous ensemble !

Ia aroha mai te Atua ia matou e ia haamaitai oia ia matou,
ma te faaanaana i tona mata i nia ia matou.
e itea ta oe éà e ati noa ar teie nei ao,
e te ora na oe na roto i te mau nunaa etene.

Ia himene te mau nunaa i to ratou oaoa,
e haava hoi oe i te ao ma te parautia.
E haava oe i te etene ma te au maitai.
Na oe e haava i te mau nunaa i te ao nei.

Ua hotu mai ra te fenua i tona maa,
te haamaitai mai nei te Atua ia tatou, o to tatou iho ïa Atua.
Ia haamaitai hia tatou e te Atua, e ia matau te taata ia’na
e tae noa’tu i te mau hopea atoa o te fenua nei.

TAIORAA PITI

« No te mea aita te Atua i tatarahapa i täna mau ö ’e täna hoi nominoraa »

A taio tatou i te epitore a Paulo peata i to Roma 11, 13-15.29-32

E au mau taeae e, no reira vau e parau atu ai ia outou i te etene na : a vai noa ai au ei apotoro na te etene, e faateitei au i teie toroa no’u nei. Penei a’e ’o te fa’atïpaupau vau i to tö’u nunaa, a ora atu ai te tahi pae. Ua riro to ratou haapaeraahia ei fa’afäitera’a i to tea o nei, a tae ai hoi i to ratou faarii-faahou-raa-hia, e riro te reira mai te tiafaahouraa mai te pohe mai. No te mea aita te Atua i tatarahapa i täna mau ö ’e täna hoi nominoraa. Aore outou i faaroo i te parau a te Atua i mutaa iho ra, i teienei rä, no to ratou faaroo ore, ua arohahia mai outou. Oia atoa ratou i teienei, ua ore a’enei ua faaroo, ia aroha-atoa-hia ratou no te aroha i faaitehia mai ia outou. Ua opani hoi te Atua i te taata atoa i roto i te faaroo ore, ia faaite oia i töna aroha i te taata atoa.

- O te Parau ïa a te Atua.

ALLELUIA

Alleluia. Alleluia.
Haere atura Iesu i te pororaa i te Evanelia o te Basileia,    cf. Mat 4, 23
’e i te faaoraraa i te mau ma’i i roto i te nunaa.
Alleluia.

EVANELIA

« E teie nei vahine, e faaroo rahi to oe ! »

Evanelia o Iesu-Kirito a Mataio peata 15, 21-28

I taua anotau ra, reva atura Iesu, haapa’i atura i te fenua o Suria ’e o Sidonia. ’E inaha, ua pii maira te hoe vahine Ati-Kanaana no reira  iho, na ö maira : « E te Fatu, e te Tamaiti a Davida e, aroha mai oe ia’u, e hamani-ino-noa-hia hoi tä’u tamahine e te hoe demoni. » Aita Iesu i pahono noa atu iana. Ua faafatata maira tana mau pipi, ’e ua parau maitai maira : « Aroha oe iana, te pii noa maira hoi oia na muri iho ia tatou ! » Ua pahono atura Iesu : « Aita vau i tonohia mai, maori ra i te mau mamoe i mo’e i te utuafare o Iseraela. » Ua haere maira rä taua vahine ra, ’e ua tahopu maira i mua iana, na ö maira : « E te Fatu, a tauturu mai ia’u ! » Ua pahono atura oia : « E ere i te mea ti’a ia rave i te faraoa a te mau tamarii, a titiri atu ai na te mau uri rii. » Ua parau maira oia : « Oia mau, e te Fatu e ! Teie rä, e amu atoa te mau uri rii i te mau hu’ahu’a rii i te mau hu’ahu’a rii faraoa e topa, mai nia mai i te amuraa mäa a to ratou fatu. » Ua pahono atura Iesu : « E teie nei vahine, e faaroo rahi to oe ; i ta oe e hinaaro na, ia na reirahia oe. » Ora atura täna tamahine i taua hora ra.

- Haapopou tatou i te Parau a te Atua.