Dom 3 Avenete - A

DOMINIKA 3 i te tau AVENETE

TAIORAA MATAMUA

« Te Atua iho te haere hua mai e faaora ia outou »

A taio tatou i te puta a Isaia peropheta 35, 1-6a.10

I te reira mahana, e arearea te medebara, e te vahi haere ore hia ; e oâoâ te fenua moemoe, e e uaa mai te lili. E ruperupe rahi roa ïa,   e e ou anoa ma te oâoâ e te himene ; ua horoa hia iana te unauna o Libano ; te nehenehe o Karamela e no Sarona ; e ite ratou i te hanahana o te Fatu, e te hinuhinu o to tatou Atua. A faaetaeta na outou i te mau rima paruparu, e a turu i te mau turi turorirori. E parau outou i tei taia e : « Ia itoito outou, eiaha e mataû ; inaha hoi to outou Atua, te tahoo maira ïa, ma te faahoiraa i te ino ; te Atua iho te haere hua mai e faaora ia outou. » I reira e faaaraara hia’i te mata o te matapo, e amaha te taria o te feia turi. I reira e oua noa’i te pirioi mai te aili, e e matara te arero o te vava ra. O tei hoo hia e te Fatu, te hoi mai, e e haere mai ratou i Siona ma te umere, e faakorona hia to ratou upoo i te oâoâ mure ore, e noaa ia ratou te arearea e te oâoâ ; te oto ra e te mihi e maue è atu ïa.

- O te Parau ïa a te Atua.

SALAMO 145, 7, 8.8c, 9.10a

R/ A haere mai, e te Fatu e, a faaora mai ia matou !
e aore râ : Alleluia !

Na’na e faatiama mai i tei hamani ino hia,
nana e horoa i te pane na tei poia,
e tatara te Fatu i tei taamu hia i te fifi.

E faaaraara te Fatu i te mata o tei matapo hia,
e faatia te Fatu i tei haapio hia i raro,
e au te Fatu i te taata parau tia.

E paruru te Fatu i te taata ee,
e tauturu oia i te otare e i te vahine ivi,
E vai Arii â te Fatu i te mau anotau atoa.

TAIORAA PITI

« Ei aau etaeta to outou mafatu ua fatata mai hoi te haerea mai o te Fatu ra »

A taio tatou i te epitore a Iakobo peata 5, 7-10

No reira, e au mau taeae e, e faaoroma’i outou e ia tae noa mai te Fatu ra. A hio na i te taata faaapu ra, e tiai maite oia i te m?a faufaa rahi o te fenua nei ma te faaoroma’i e ia mairi noa mai te ua matamua ’e te ua hopea ra. Oia atoa outou na, e faaoroma’i outou, ei aau etaeta to outou, ua fatata mai hoi te haerea mai o te Fatu ra. E te mau taeae e, eiaha outou e ohumu te tahi i te tahi, ia ore outou ia haavahia. Inaha hoi, tei te uputa mai nei te haava. E au mau taeae e, ei hioraa i te ha’amahura’a i te ino ’e i te faaoroma’i, e rave outou i te mau peropheta i parau mai ma te i’oa o te Fatu ra.

- O te Parau ïa a te Atua.

ALLELUIA

Alleluia. Alleluia.
Te i nia ia’u te Varua o te Fatu ra,   cf. Is 61, 1
ua tono mai oia ia’u ia faaite i tana parau i te feia maru.
Alleluia.

EVANELIA

« O oe anei te tae mai, ’e e tiai atu matou ia vetahi ’e ? »

Evanelia o Iesu-Kirito a Mataio peata 11, 2-11

I taua anotau ra, ’e, faaroo a’era Ioane, i roto i t?na tapearaa, i te mau ohipa a te Kirito, ua tono maira oia i te pipi nana e ui ia Iesu e : « O oe anei te tae mai, ’e e tiai atu matou ia vetahi ’? ? » Ua pahono atura Iesu, na ? atura : « A haere, a faaite atu ia Ioane i ta orua e faaroo nei ’e i ta orua hoi e ite nei : Te ite faahou nei te matap?, te haere nei te pirioi,  te tam?hia nei te lepera, te faaroo nei te taria turi, te tiafaahou nei te taata pohe ’e te porohia nei te Evanelia i te feia veve. ’E e ao t?na, to te ore e turori ia’u ! » Tei te revaraa raua, ua haamata atura Iesu i te parau atu no Ioane i te tiaa rahi taata : « E aha ta outou i haere e hio i te medebara ? e aeho ueuehia e te mata’i ? E aha ïa ta outou i haere e hio ? e taata e ahu noa ana i te ahu nehenehe ? Area te feia e ahu i te ahu unauna ra, tei roto ïa i te aorai o te hui arii. E aha ïa ta outou i haere e hio ? E peropheta ? Oia ïa ; te parau atu nei r? vau ia outou, e rahi a’e oia i te peropheta. Nona hoi i parauhia ai teie parau : Inaha te tono nei au i ta’u ve’a na mua ia oe ; nana e faaineine i t? ea i mua ia oe. Te faaite atu nei hoi au ia outou : I ta te vahine i fanau ra, aita hoe a’e i hau ia Ioane-Papetito. O tei iti r?, i roto i te Basileia o te ra’i ra, e rahi a’e ïa iana. »

- Haapopou tatou i te Parau a te Atua.