DOMINIKA 4 i te tau MAHA AHURURAA

TAIORAA MATAMUA

Ua faatahinuhia Davida ei arii no Iseraela

A taio tatou i te puta hoe no te mau Arii 16, 1b.6-7.10-13a

I te mau mahana ra, ua parau maira te Fatu ia Samuela : « A faaî na oe i to tara i te olive, e a haere mai! ia tono vau ia oe na ia Isai no Betelehema, ua fatata hoi au i te hoe arii na’u i roto i tana ra mau tamarii. » E ia tae maira, hio atura oia ia Eliaba, e ua naô atura : « O te i mua i te Fatu anei te au ia faatahinu hia ! » E ua parau maira te Fatu ia Samuela : « Eiaha oe e hio i tona mata e tona huru teitei, aore oia i tia hia e au, aore hoi au e haava mai te au i te hioraa o te taata : e hio noa hoi te taata i te huru rapae, e hio râ te Fatu i te mafatu. » Ua aratai maira o Isai i tana mau tamarii too hitu atoa i mua ia Samuela, e ua parau o Samuela ia Isai : « Aita te Fatu i maiti i to roto ia ratou nei. » E ua parau atura Samuela ia Isai : « Ua hope roa mai anei te mau tamarii ? » Ua pahono maira oia : « Te toe nei te tamaiti nainai, e tiai ra ïa i te mau mamoe. » E ua parau atura o Samuela ia Isai : « A tii, e aratai mai iana ; eita hoi e parahi tatou i raro e amu e ia tae noa mai oia ra iô nei. » Ua tono atura oia, e ua aratai maira iana. E tamaiti ehu, e te nehenehe ia hio e te mata maitai, e ua parau maira te Fatu ia Samuela : « A tia na oe, a faatahinu iana, oia iho hoi tena ! » Ua rave ihora Samuela i te tara olive, e ua faatahinu iana i rotopu atoa i tona ra mau tuaana ; e mai taua mahana ra i tae mai ai te Varua o te Atua i nia ia Davida e a muri noa’tu.

- O te Parau ïa a te Atua.

SALAMO 22 (2), 1-2ab, 2c-3, 4, 5, 6-7a

R/ O te Fatu to’u tiai, e e ore roa vau e ere.

O te Fatu to’u tiai,
e e ore roa vau e ere.
I roto i te mau vahi matie api
oia i aua mai ai ia’u.

Ua aratai mai ia’u i te pape e maha ai to’u rohirohi.
Ua faaapi faahou mai oia i to’u varua.
Ua aratai oia ia’u na te êâ o te parautia,
no te here i tona ra ioa.

E ia hahaere noa vau na ropu i te maru pohe ra,
e ore â vau e mataû i te ino ;
Tei pihaiiho hoi ia’u to raau
e to turutootoo ei haamahanahana mai ia’u.

Ua faanahonaho oe i te tahi amuraa maa i mua ia’u,
i mua i te aro o to’u mau enemi ;
ua faanoanoa mai oe i to’u nei upoo i te hoe faatahinuraa,
manii noa aera ta’u aua i rapae.

Oia mau, e haati mai te karatia
e te oâoâ i mahana’toa o tou nei oraraa ;
E ia parahi au i roto i te fare o te Fatu,
e maoro noa’tu te mahana.

TAIORAA PITI

« A tia mai i nia mai roto i tei pohe ra, l’e na te Kirito e haamaramarama ia oe »

A taio tatou i te epitore piti a Paulo peata i to Ephesia 5, 8-14

E au mau taeae e, i pouri na hoi outou i mutaa iho ra, i teienei r?, ua riro outou ei maramarama i roto i te Fatu ra ; ia au to outou haerea i to te tamarii o te maramarama. Te hotu o te maramarama, o te mau huru atoa ïa o te maitai, o te parautia ’e o te parau mau. A imi i te mau mea e mauruuru ai te Fatu. Eiaha roa e apiti i te feia e rave i te mau ohipa faufaa ore o te pouri, e faahapa atu r?. Te mau ohipa hoi ta taua feia ra e rave hun anoa, e mea haama ïa ia parau noa atu. Ia afaihia r? taua mau mea ra i te maramarama, ei reira ïa te huru mau o taua mau mea ra e itehia ai. Te mau mea hoi e faaite-hua-hia, e riro ïa ei maramarama. No reira i parauhia ai e : A ara mai na, e teie nei taata e taoto na. A tia mai i nia mai roto mai i tei pohe ra, ’e na te Kirito e haamaramarama ia oe.

- O te Parau ïa a te Atua.

IRAVA I MUA I TE EVANELIA                                                                

Ei hanahana e ia aruehia oe, e te Fatu e Iesu e !
Teie te parau a te Fatu : O vau te maramarama o te ao nei.      Ioa 8, 12
O te pee mai ia’u, e roaa r? iana te maramarama e ora ai.
Ei hanahana e ia aruehia oe, e te Fatu e Iesu e !

EVANELIA

« Haere atura taua taata ra, horoi ihora i tana mata, ’e ua hoi maira ma te ite »

Evanelia o Iesu-Kirito a Ioane peata 9, 1-41

Taioraa taatoa

I taua anotau ra, ua haere atura Iesu i rapae i te hiero, ite atura oia i te hoe taata matap? mai te fanauraahia mai ?. Ua maira tana mau pipi iana : « E Rabi, o vai tei hara : ?na anei,’e aore r? t?na nau matua, i fanauhia ai oia ma te matap? ? » Ua pahono atura Iesu : « aita oia i hara, aita atoa t?na nau metua, e riro r? teie ati ei faaiteraa i te ohipa a te Atua i roto iana. Ia rave tatou i te ohipa a te Atua, tei tono mai ia’u, oi vai a’e te ao e ti’a ai. Te fatata mai nei hoi te p?, aore e taata e ti’a ia rave i te ohipa i reira. A vai noa ai au i te ao nei, o vau te maramarama o teie nei ao. » ’E, oti a’era taua mau parau ra, ua tutuha ihora Iesu i raro i te repo, ’e ua oi ihora i te huara ’e te repo ’e ua parai atura i nia iho i te mata o taua matap? ra. ’E ua parau atura oia iana : « A haere, a horoi i t? mata i te ’auraa pape i Siloe ». (oia hoi tonohia, ia iritihia). Haere atura taua taata ra, horoi ihora i tana mata, ’e ua hoi maira ma te ite. Ua parau ihora to reira iho’e te feia atoa i m?tau i te ite iana mutaa iho ra i te taparuraa i te moni : « E ere anei teie i te taata e parahi noa ra i te aniraa i te moni ? » Ua parau maira te tahi pae : « ?na iho ?. » Ua na ? maira vetahi : « E ere. E taata ’?, mai iana mau ? r? te huru. » Area te matap?, ua haapapu maira ïa : « O vau iho ?. » Ua ui atura ratou iana : « Ua nafea to oe mata i te faaoraraahia ? » Ua pahono maira oia : « Ua oi ihora te taata i parauhia ra e Iesu i te huare ’e te repo, ua parai maira i nia iho i ta’u mata, ’e ua parau maira : “a haere i Siloe a horoi i t? mata.” Haere atura vau, ’e horoi ihora i ta’u mata, ’e inaha, te ite nei au. » Ua ui atura ratou iana : « Tei hea taua taata ra ? » Ua pahono maira oia : « Aita vau i ite. » Aratai atura ratou i te taata i matap? na i te mau pharisea. E sabati te mahana i oi ai Iesu i te huare ’e te repo, ’e i faaora ai iana. Ua ui faahou maira te mau pharisea iana : « E aha oe e ite ai i teienei ? » Ua parau atura oia ia ratou : « Ua parai maira oia i te huare i anoihia i te repo i nia i ta’u mata, ’e ite atura vau. » Ua parau a’era te tahi pae o te mau pharisea : « E ere taua taata ra i to te Atua, aita hoi oia i haapao i te sabati. » Ua na ? a’era te tahi pae : « E aha e ti’a ai i te hoe taata hara ia rave i te tapao mai teie ? » Amaha ihora ratou. Ua ui faahou maira ratou i taua matap? ra : « E aha ta oe parau nona, no tei faaora mai nei i to oe mata ? » Ua parau atura oia : « E peropheta oia. » Aita r? te Ati-Iuda i tiaturi e, i matap? na oia, ’e ua faaorahia a’enei, e tii-noa-hia atu ai na metua e ratou. Ua ui atura ratou ia raua, na ? atura : « O teie mau anei ta orua tamaiti, ta orua e parau na e, ua fanauhia ma te matap? ? E aha hoi oia e ite ai i teienei ? » Ua pahono maira t?na nau metua, na ? maira : « Ua ite maua e tamaiti teie na maua, ’e e matap? oia, mai te fanauraahia mai ?. E aha r? oia e ite ai i teienei ? Na vai i fa’ara’ara i tana mata ? Aita ïa maua i ite i te reira. Na outou e ui iana, ua paari hoi oia. Nana e parau nona iho. » Ua na reira t?na nau metua i te parau no te mata’u i te Ati-Iuda. Ua faaau na hoi te Ati-Iuda e tuuhia i rapae i te sunago te taata e f?’i e, o Iesu te Kirito. O te tumu ïa i parau ai na metua nona : « Ua paari oia, na outou e ui iana ! » Tii faahou atura ratou te taata i matap? na, o te pitiraa ïa, ’e ua parau atura iana :  « A haamaitai i te Atua ! Ua ite hoi matou e, e taata hara taua taata ra. » Ua pahono maira oia :  « E taata hara anei oia ? Aita vau i ite. Teie r? t?’u i ite : i matap? na vau, ’e te ite nei au i teienei. » Ua ui atura ratou iana : « I aha mai oia ia oe ? I nafea mai oia i te faaoraraa i t? mata na ? » Ua pahono maira oia ia ratou : « I faaite atu na vau ia outou, ’e aita outou i haapao mai i t?’u parau. E aha outou e hinaaro ai i te faaroo faahou i taua parau ra ? E hinaaro anei to outou i te riro atoa ei pipi nana ? » Ua faaino atura ratou iana, na ? atura : « E pipi oe na tena taata ; o matou r?, e pipi ïa na Mose. Ua ite matou e : ua parau te Atua ia Mose, area tena taata, aita matou i ite nofea mai oia. » Ua pahono maita taua taata ra ia ratou : « O te reira hoi te mea maere : aita outou i ite nofea mai oia, ’e ua fa’ara’ara mai oia i ta’u mata. Ua ite hoi tatou e, eita te Atua e faaroo i te feia hara ; ia haamori r? te tahi taata i te Atua ’e ia haapao oia i t?na hinaaro, e faaroo ïa te Atua iana. Aita ? i itehia a’enei te hoe taata matap? mai t?na fanauraahia mai ?, i te faaoraraahia e te hoe taata. Ahiri taua taata ra e ere i to te Atua, aita ïa hoe a’e ohipa e oti iana. » Ua pahono atura ratou, na ? atura : « E taata hara  oe mai to oe fanauraahia mai ?, ’e te hinaaro nei oe e haapii mai ia matou ? » ’E ua tuu atura ratou iana i rapae. Faaroo a’era Iesu e, ua tuuhia oia i rapae, ’e farerei a’era hoi oia  iana, ua na ? atura iana : « Te faaroo na anei oe i te Tamaiti a te taata ? » Ua pahono maira oia : « E te Fatu e, o vai oia, Ia faaroo vau iana ? » Ua parau atura Iesu iana : « Te hio mai nei oe iana, ’e te taata e parau atu nei ia oe, ?na ïa. » Ua parau maira taua taata ra : « E te Fatu e, te faaroo nei au ! », ’e ua tahopu maira oia i mua i t?na aro. Ua parau atura Iesu : « Ua haere mai au i te ao nei no te hoe haavaraa : ia ite te feia aore e ite nei, ’e ia riro te feia e ite nei ei matap?. » Ua faaroo maira e toofanu pu’e pharisea i haere mai na muri ia Iesu, ’e ua parau maira : « E matap? atoa nei matou ? » Ua parau atura Iesu ia ratou : « Ahiri outou e matap?, aita ïa ta outou e hara ; te parau nei r? outou e : “Te ite nei matou !” No reira, te vai noa nei ? ta outou hara. »

- Haapopou tatou i te Parau a te Atua.

E aore râ, taioraa haapotohia :

Evanelia o Iesu-Kirito a Ioane peata 9, 1.6-9.13-17.34-38

I taua anotau ra, ua haere atura Iesu i rapae i te hiero, ite atura oia i te hoe taata matap? mai te fanauraahia mai ?. Ua tutuha ihora Iesu i raro i te repo, ’e ua oi ihora i te huara ’e te repo ’e ua parai atura i nia iho i te mata o taua matap? ra. ’E ua parau atura oia iana : « A haere, a horoi i t? mata i te ’auraa pape i Siloe ». (oia hoi tonohia, ia iritihia). Haere atura taua taata ra, horoi ihora i tana mata, ’e ua hoi maira ma te ite. Ua parau ihora to reira iho’e te feia atoa i m?tau i te ite iana mutaa iho ra i te taparuraa i te moni : « E ere anei teie i te taata e parahi noa ra i te aniraa i te moni ? » Ua parau maira te tahi pae : « ?na iho ?. » Ua na ? maira vetahi : « E ere. E taata ’?, mai iana mau ? r? te huru. » Area te matap?, ua haapapu maira ïa : « O vau iho ?. » Aratai atura ratou i te taata i matap? na i te mau pharisea. E sabati te mahana i oi ai Iesu i te huare ’e te repo, ’e i faaora ai iana. Ua ui faahou maira te mau pharisea iana : « E aha oe e ite ai i teienei ? » Ua parau atura oia ia ratou : « Ua parai maira oia i te huare i anoihia i te repo i nia i ta’u mata, ’e ite atura vau. » Ua parau a’era te tahi pae o te mau pharisea : « E ere taua taata ra i to te Atua, aita hoi oia i haapao i te sabati. » Ua na ? a’era te tahi pae : « E aha e ti’a ai i te hoe taata hara ia rave i te tapao mai teie ? » Amaha ihora ratou. Ua ui faahou maira ratou i taua matap? ra : « E aha ta oe parau nona, no tei faaora mai nei i to oe mata ? » Ua parau atura oia : « E peropheta oia. » Ua pahono atura ratou, na ? atura : « E taata hara oe mai to oe fanauraahia mai ?, ’e te hinaaro nei oe e haapii mai ia matou ? » ’E ua tuu atura ratou iana i rapae. Faaroo a’era Iesu e, ua tuuhia oia i rapae, ’e farerei a’era hoi oia  iana, ua na ? atura iana : « Te faaroo na anei oe i te Tamaiti a te taata ? » Ua pahono maira oia : « E te Fatu e, o vai oia, ia faaroo vau iana ? » Ua parau atura Iesu iana : « Te hio mai nei oe iana, ’e te taata e parau atu nei ia oe, ?na ïa. » Ua parau maira taua taata ra : « E te Fatu e, te faaroo nei au ! », ’e ua tahopu maira oia i mua i t?na aro.

- Haapopou tatou i te Parau a te Atua.