DOMINIKA 1 i te tau AVENETE

TAIORAA MATAMUA

E haaputuputu te Fatu i te mau nunaa atoa i roto i te hau mure ore o te Basileia o te Atua

A taio tatou i te puta a Isaia peropheta 62, 1-5

E parau i faaite hia mai ia Isaia, te tamaiti a Amosa, i nia ia Iuda e ia Ierusalema. I te mau mahana hopea ra, e riro te moua i faatia hia te fare o te Fatu, i nia i te tupuai moua ra, i te faateitei hia i nia i te mau aivi, e e tairuru ai te mau nunaa’toa ra i reira. E e raverahi te mau nuna e haere mai ma te parau e : « E haere mai ! E tauma tatou i nia i te moua o te Fatu, i te fare o te Atua o Iakoba ; e nana e haapii mai i tana mau êâ, e e haere tatou na nia i tana aratia. » No te mea na Siona mai hoi te ture i te haereraa’tu, e te parau a te Fatu na Ierusalema’tu ïa. Nana e haava i te mau etene, e e aô i te mau nunaa e raverahi ; e e faariro ratou i ta ratou mau ôè ei auri arote, e ta ratou mau mahae ei tipi fefe ; e e ore te hoe nunaa e afai i te ôê e tamai i te tahi è atu nunaa ; e e ore ratou e haapii faahou i te tamai. E te utuafare o Iakoba nei, e haere mai outou, na te maramarama o te Fatu tatou i te haere.

- O te Parau ïa a te Atua.

SALAMO 121, 1-2, 3-4ab, 4cd-5, 6-7, 8-9

R/ I roto i te oâoâ, mai haere tatou i te fare o te Fatu.

Aue te oaoa i te parauraahia mai au e :
« Tatou e haere i te fare o te Fatu ! »
I teienei, te tia nei to matou mau avae i mua
i tô mau uputa, e Ierusalema e.

Ua patuhia Ierusalema mai te hoe oire,
ua atiati-maitai-hia te mau fare ei tino hoe.
Ei reira te mau opu e ruru ai,
te mau opu a te Fatu,

ia haere i nia e haamaitai
i te i’oa o te Fatu.
I reira i haamauhia ai te terono no te parautia,
te terono o te utuafare o Davida.

A tiaoro outou i te hau i nia ia Iseraela :
« Ei hau i nia i to oe na mau tiahapa !
Ei hau to roto i te mau patu,
ei hau i to mau aorai-hui-arii ! »

No te here i to’u mau taeae, e i to’u mau hoa,
faatia mai ia’u ia parau e : « Ei hau i nia ia oe ! »
No te here i te fare o te Fatu, to tatou Atua,
te pure nei au, ia poupou oe.

TAIORAA PITI

« Ia ara outou i to outou taoto e ti’a ai »

A taio tatou i te epitore a Paulo peata i to Roma 13, 11-14a

E au maau taeae e, e na reira hoi outou i te mea e, ua ite outou i te tau ta tatou e ora nei : ua tae i te hora, ia ara outou i to outou taoto e ti’a ai. Ua fatata a’e hoi to tatou ora i teienei i te tau i haamata ai tatou i te faaroo. Ua mairi ’? na te tuiraa p?, ua fatata roa te ao. No reira, e haapae atu tatou i te mau ohipa o te pouri, ’e e rave tatou i te mau mauhaa tama’i o te maramarama. Ei haerea nehenehe to tatou, mai te haerea e au i te ao ra, eiaha te hori, eiaha te inu ’ava, eiaha te faaturi ’e te taiata, eiaha te m?r? ’e te feii. E ahu r? outou i te Fatu ia Iesu-Kirito.

- O te Parau ïa a te Atua.

ALLELUIA

Alleluia. Alleluia.
A faaite mai, e te Fatu e, i to oe na aroha ia matou, Sal 84 (85.), 8
e a ho mai i te ora na oe na ia matou nei !
Alleluia.

EVANELIA

« E ara maoti outou »

Evanelia o Iesu-Kirito a Mataio peata 24, 37-44

I taua anotau ra, te parau ra Iesu i t?na mau pipi no t?na hoira mai,’e ua na? atura : « ’E mai tei te mau mahana ia noa ra, oia atoa te haereraa mai o te Tamaiti a te taata. I taua mau mahana ra hoi, na mua a’e i te diluvi, te amu ra ratou ’e te inu ra, te faaipoipo ra ratou ’e te horoahia e faaipoipo e tae roa a’era i te mahana i tomo ai o Noa i roto i te araka. ’E aita ratou i ite i te hoe a’e mea e roohia-noa-hia ihora ratou e te diluvi e a?-anae-hia atura ratou. Oia atoa te haereraa mai o te Tamaiti a te taata. Tei roto toopiti tau taata i te aua hoe ra, e ravehia te hoe, ’e e vaiihohia te tahi. ’E te taviri ra toopiti vahine i te ofai oro ra, e ravehia te hoe, ’e e vaiihohia te tahi. E ara maoti outou, aita hoi outou i ite i te mahana e tae mai ai to outou Fatu. Ua ite outou, ahiri te fatu fare i ite i te hora e tae mai ai te eia, e riro oia i te ara, ’e e ore oia e tuu i t?na fare ia vavahi-noa-hia ana. Ia vai ineine atoa outou, no te mea, ei te hora manao-ore-hia e outou te Tamaiti a te taata e tae mai ai.

- Haapopou tatou i te Parau a te Atua.