28 no Atopa - Simona raua o Iuda peata

28 no ATOPA

SIMONA PEATA raua o IUDA PEATA
e apotoro

Oro’a

TAIORAA MATAMUA

« Ua patuhia outou i nia iho i te niu ’e taua niu ra o te mau apotoro ïa »

A taio tatou i te epitore a Paulo peata i to Ephesia 2, 19-22

E au mau taeae e, e ere atura outou i te taata ’e’? ’e te purutia, ua riro r? outou ei huiraatira hoe ’e te feia mo’a atoa ra, ’e tei roto atoa outou i te fetii o te Atua. Ua patuhia outou i nia iho i te niu, ’e taua niu ra o te mau apotoro ïa ’e te mau peropheta, ’e te ofai tihi o te Kirito ïa. Nona te fare atoa e ati-maite-hia ai, a riro atu ai ei hiero haamo’ahia e te Fatu ra. ’E na roto i to outou atiraa iana, ua patu-atoa-hia outou, ia riro outou ei nohoraa no te Atua na roto i te Varua.

- O te Parau ïa a te Atua.

SALAMO 19, 2-3, 4-5

R/ Ua parare atura to ratou mau reni na te ao nei.

Te faaite hua nei te mau rai i te hanahana o te Atua,
e te parau nei te reva i te ohipa a tona ra rima.
Te haapii nei te tahi ao i te tahi i taua parau nei,
e te faaite nei te tahi rui i te tahi i taua ite ra.

E ere teie i te faatiaraa-parau, e ere i te tuuraa-reo,
e ere i te reo o te tia ia faaroo hia ;
ua parare atura to ratou mau reni na te ao nei,
e ta ratou mau parau i te hopea mai o te ao nei.

ALLELUIA

Alleluia. Alleluia.
Ei ia oe, e te Atua e, ta matou arue !
Te umere atu nei matou ia oe.
O oe tei faahanahanahia e te mau Apotoro.
Alleluia.

EVANELIA

« ’E ua maiti ihora oia i na taata tino ahuru ’e ma piti, t?na i mairi i te i’oa, e apotoro »

Evanelia o Iesu-Kirito a Luka peata 6, 12-19

I taua mau mahana ra, haere atura Iesu i nia i te mou’a e pure, ’e ua ao roa a’era iana te p? i te pureraa i te Atua. ’E ao a’era, ua parau atura oia i t?na mau pipi e haere mai iana ra, ’e ua maiti ihora oia, i roto ia ratou, i na taata tino ahuru ’e ma piti, t?na i mairi i te i’oa, e apotoro : O Simona, t?na i topa i te i’oa Petero, ’e tana taeae ra o Anederea, o Iakobo ’e o Ioane, o Philipa ’e o Barotolomeo, o Mataio ’e o Toma, o Iakobo a Alephaia ra o Iuda a Iakobo ’e o Iuda Isakariota, o tei riro ei haavare ra. Ua pou maira Iesu i raro ’e o ratou atoa, ’e ua faaea ihora i te hoe vahi papu. Tei reira t?na mau pipi e rave rahi ’e te hoe tiaa rahi taata no Iudea, no Ierusalema, ’e no te pae tahatai i Turia ’e i Sidonia. I haere mai ratou e faaroo ia Iesu ’e ia faaorahia to ratou mau ma’i. Te faaorahia ra te feia e haapeapeahia e te varua viivii. Te tamata ra te taata atoa e fa’ati’a’ia mai ia Iesu, te pup? atu ra hoi te hoe mana no roto atu iana ra, ’e te faaora ra ia ratou atoa.

- Haapopou tatou i te Parau a te Atua.