1 no Novema - Te mau Peata atoa

1 no NOVEMA

TE MAU PEATA ATOA
Oro’a hanahana

TAIORAA MATAMUA

« Inaha te hoe tiaa rahi taata e ore roa e hope ia taio, no te mau nunaa atoa, no te mau opu atoa, no te mau nunaa atoa, e no te mau reo atoa »

A taio tatou i te Apokalupo a Ioane peata 7, 2-4.9-14

O vau nei, o Ioane, ’e ua ite atura vau i te tahi melahi i te ’a’eraa i nia, i te hitia-o-te-r? ; tei iana te titiro a te Atua ora ra, ua pii hua a’era t?na reo i na melahi toomaha i horoahia ia ratou te mana e hamani ino i te fenua nei ’e te tai, na ? a’era : « Eiaha outou e hamani ino i te fenua ’e te tai ’e te mau tumu raau e ia hope te mau tavini o to tatou Atua i te tapaohia e matou to ratou rae. » ’E ua faaroo atura vau i te rahiraa o te feia i tapaohia i te titiro : hoe hanere e maha ahuru ma maha i te tauatini i tapaohia no te mau opu atoa o te tamarii a Iseraela. ’E i muri a’e i te reira, hio atura vau, ’e inaha e tiaa rahi taata e ore roa e hope ia taio, no te mau nunaa atoa, no te mau opu atoa, no te mau fenua atoa ’e no te mau reo atoa, i te ti’a-noa-raa i mua i te terono ’e i mua i te Arenio, ma te ahu teatea i te ahuraa, e amaa tamara tei to ratou rima. Te poro ra ratouma te reo rahi i te na öraa e : « Te ora, tei to tatou ïa Atua, o tei parahi, i nia iho i te terono ’e tei te Arenio ra. » ’E te ti’a ra te mau melahi e ati noa a’e te terono ’e te feia paari ’e na animala e maha ra, ’e ua tipapa ihora ratou i mua i te terono ra, ’e ua haamori atura i te Atua. Na ö atura : « Amene ! Ei to tatou Atua te arue, te hanahana, te paari, te haamatai, te tura, te mana ’e te puai e a tau a hiti noa atu. Amene ! » Ua parau maira te hoe o te mau taata paari ra, na ? maira : « O vai teie nei feia i ahu i te ahu teatea nei, ’e mai hea mai ratou ? » Ua pahono atura vau iana : « E ta’u fatu, o oe tei ite. » Ua na ? maira oia : « Ua haere mai ratou mai roto mai i te ati rahi ra. Ua horoi ratou i to ratou ahu, ’e ua faateatea i te toto o te Arenio ra. »

- O te Parau ïa a te Atua.

SALAMO 23, 1-2, 3-4ab, 5-6

R/ O te ui teie i imi atu iana, o tei imi i to mata, e te Fatu e.

Ei te Fatu te fenua e te taatoaraa o te mau mea i nia iho iana,
te ao atoa nei e tona’toa ra mau nunaa.
Nana te fenua i faatumu i nia i te moana ;
nana’toa i haamau iana i nia i te mau anavai ra.

O vai te paiuma i te moua a te Fatu ?
E o vai te tia i tona ra vahi mo’a ?
O te taata rima hara ore ïa e te mafatu mâ,
o tei ore e faateitei noa ra i tona varua.

Ei iana te haamaitairaa a te Fatu,
e te parautia a te Atua tona ra faaora.
O te ui teie i imi atu iana, o tei imi i to mata,
e te Atua o Iakoba e !

TAIORAA PITI

« No te mea e ite ïa tatou te Atua i t?na huru mau »

A taio tatou i te Epitore matamua a Ioane peata 3, 1-3

E au mau here e, a hio na i te rahi o to te Metua here ia tatou nei, i parauhia ai tatou e, e tamaraii na te Atua ; ’e oia mau, e tamarii iho ? tatou nana ra. Teie te tumu i ore ai to te ao nei i ite ia tatou : aita to te ao nei i ite i te Atua. E au mau here e, e tamarii tatou na te Atua i teienei, aita ? r? to tatou huru a muri atu i faaitehia mai. Ua ite r? tatou e, ia f? mai oia ra, e riro tatou mai iana ra te huru, no te mea e ite ïa tatou i t?na huru mau. ’E te taata hoi tei roto iana taua tiaturiraa nei, te tam? nei ïa iana iho, ia riro oia mai ia Iesu ra i te m?.

- O te Parau ïa a te Atua.

ALLELUIA

Alleluia. Alleluia.
Haere mai ia’u nei,                                                  Mat 11, 28
outou atoa tei rohirohi ’e tei teiaha i te hopoia,
te na ô maira te Fatu,
’e na’u outou e haamämä.
Alleluia.

EVANELIA

« Ia popou ïa outou ’e ia ou’au’a i te oaoa : e utua rahi hoi ta outou i nia i te ra’i ! »

Evanelia o Iesu-Kirito a Mataio peata 5, 1-12a

I taua anotau ra, ’e, hio a’era oia i te tiaa rahi taata, ua haere atura Iesu i nia i te mou’a. Ua parahi ihora oia i raro, ’e ua haere maira tana mau pipi iana ra. H?mama a’era tana vaha, haapii atura oia ia ratou, na ? atura : « E ao to tei veve te mafatu : no ratou hoi te Basielia o te ra’i. E ao to tei oto : e tamahanahanahia hoi ratou. E ao to tei mar? : e noaa hoi te fenua ia ratou. E ao to tei poia ’e tei poiha i te parautia : e faa?hia hoi ratou. E ao to te feia aau aroha : e arohahia mai hoi ratou. E ao to tei m? te mafatu : e ite hoi ratou i te Atua. E ao to te faatupu i te hau ra : e parauhia hoi ratou e, e tamarii na te Atua. E ao to te hamani-ino-hia no te parautia ra : no ratou hoi te Basileia o te ra’i. E ao to outou ia faaino mai te taata ia outou, ’e ia hamani ino mai ’e ia pari haavare mai i te mau huru ino atoa no’u nei. Ia popou ïa outou ’e ia ou’au’a i te oaoa : e utua rahi hoi ta outou i nia i te ra’i. »

- Haapopou tatou i te Parau a te Atua.