1 no Atopa - Teretia Peata

1 no ATOPA

TERETIA PEATA NO IESU TAMAITI
e paretenia e te orometua na te Etaretia,
paterono no te pae mitinare

Oro’a i te Ariiepikoporaa nei

TAIORAA MATAMUA

E tia ia maite hoe taioraa i roto i na taioraa e piti i raro nei :

1. « Mai te metua vahine e tauahi i tona aiu ra »

A taio tatou i te puta a Isaia peropheta 66, 10-14c

E oâoâ outou, e to Ierusalema ’toa ra, e e popou noa ïa i roto iana, outou atoa tei here iana ; e a rahi roa outou, e oia’toa outou atoa o tei oto iana ; ia ote outou, e ïa î outou i te û o tona mahanahana, ia noaa mai ia outou te û, e ia î outou i te mauruuru o tona mau huru hanahana. No te mea teie te parau a te Fatu : inaha, te faatahe nei au i nia iana mai te anavai o te hau ra, e mai te pape pue i te hanahana o te mau etene, ta outou e ote, e e afai hia outou i te û, e i nia i te turi e hii ai ratou ia outou. Mai te metua vahine e tauahi i tona aiu ra, mai te reira vau i te tamahanahanaraa’tu ia outou na, e i Ierusalema outou e mahanahana’i. E ite outou, e e oâoâ to outou mafatu, e e tupu faahou to outou mau ivi mai te raau rii api ra ; e itea hia te rima o te Fatu e tona mau tavini.

- O te Parau ïa a te Atua.

E aore râ :

2. « E Varua faatamarii r? tei horohia mai ia outou ’e nona tatou e tiaoro ai e : « Aba ! », e te Metua e ! »

A taio tatou i te epitore a Paulo peata i to Roma 8, 14-17

E au mau taeae e, no te mea, te feia e arataihia e te Varua o te Atua, e tamarii ïa ratou na te Atua. E ere hoi te Varua i horoahia mai ia outou i te Varua faat?t?, a mata’u faahou ai outou ; e Varua faatamarii r? tei horohia mai ia outou, ’e nona tatou e tiaoro ai e : « Aba, e te Metua e. » Na taua hoi Varua ra, e faaite mai i to tatou varua e : e tamarii tatou na te Atua. E tamarii na te Atua ra, e feia tufaa atoa ïa tatou, e feia tufaa i te Atua, e feia tufaa ’e te Kirito atoa ra ; te amo nei hoi tatou i te mauiui ’e oia atoa ra, ia faahanahanahia tatou ’e oia atoa ra.

- O te Parau ïa a te Atua.

SALAMO 130, 1, 2

R/ A tapea mai ta’u varua i roto i te hau
i pihai iho ia oe e te Fatu e.

E aore ta’u mafatu i faateitei iana iho,
e aore hoi ta’u pue mata i tiatonu tia’atu i nia.
Aore hoi au i haere na te èà o te mau toroa teitei
e te mau ohipa maere i hau ae ia’u nei.

Aita, te tapea nei au i ta’u varua ma te hau,
e ma te parau ore ra,
mai te aiu i faatopa hia te u ra,
mai te reira’toa o to’u varua i roto ia’u.

Te tiaturi nai à Iseraela i te Fatu
mai teie atu nei e a muri noa’tu.

ALLELUIA

Alleluia. Alleluia.
Te arue atu nei au ia oe, e te Metua e, cf. Mat 11, 25
te Fatu o te ra’i ’e o te fenua nei,
’e ua heheu mai i te feia rii
te mau parau moe o te Basileia !
Alleluia.

EVANELIA

« Ia ore outou ia faahuru-’?-hia, ’e ia ore outou ia riro mai te tamarii rii ra, e ore atoa ïa outou e ? i roto i te Basileia o te ra’i »

Evanelia o Iesu-Kirito a Mataio peata 18, 1-5

I taua hora ra, ua haere maira te mau pipi ia Iesu ra, na ? maira : « O vai te hau i te rahi i roto i te Basileia o te ra’i ? » Ua pii atura oia i te hoe tamaiti iti, ua tuu atura iana i ropu ia ratou. ’E ua na ? atura : « Oia mau, te faaite atu nei au ia outou, ia ore outou ia faahuru-’?-hia, ’e ia ore outou ia riro mai te tamarii rii ra, e ore atoa ïa outou e ? i roto i te Basileia o te ra’i. ’E teienei, o te faahaehaa iana iho, mai teie nei tamaiti iti, o oia te hau i te rahi i roto i te Basileia o te ra’i. ’E o tei ite i te hoe tamaiti iti, mai teie nei, no t?’u nei ioa, ua ite mai oia ia’u. »

- Haapopou tatou i te Parau a te Atua.