25 no Mati - Te faaiteraahia i te fanauraa o Ietu

25 no MATI

TE FAAITERAA I TE FANAURAA O IESU

Oro’a hanahana

TAIORAA MATAMUA

« Inaha e tô te Paretenia »

A taio tatou i te puta a Isaïa peropheta 7, 10-14 ; 8, 10

I taua anotau ra, ua tamau te Fatu i te parau ia Akaza, i te naôraa e : a ani oe i te tahi tapao i te Fatu to Atua, i raro roa i te po, e aore ra i nia roa i te rai. Ua parau atura Akaza : e ore au e ani, e ore au e ââ i te Fatu. Naô atura Isaia : e faaroo mai, e te utuafare o Davida e, e mea iti anei ia outou ia faahaumani i te taata, e faahaumani atoa mai ai i ta’u Atua ? No reira na te Fatu iho e horoa i te hoe tapao no outou. Inaha e tô te paretenia, e e fanau i te tamaiti, e e mairi hia tona ioa o Emmanuela, oia hoi : te ia matou te Atua.

- O te Parau ïa a te Atua.

SALAMO 39, 7-8a, 8b-9, 10, 11

R/ Inaha, te haere mai nei au, e te Fatu e,
ia haapao a vau i ta oe mau hinaaro ra.

Aore oe i hinaaro i te tutia ta-auahi e te pupuraa,
ua amaha mai râ to’u nei taria ia oe na ;
aore oe i titau mai i te tutia-ta-auahi, e ore atoa hoi te pupuraa,
ua parau atura vau : inaha, te haere mai nei au.

I roto i te otaro no te puta, ua faaue hia mai au e
ia haapao a vau i ta oe mau hinaaro ra.
E ta’u Atua e, ua popou roa to’u mafatu
i to oe na Ture.

Ua faaite hua atu vau i to te Fatu ra parautia
i roto i te amuiraa rahi ; 
Inaha, e ore roa to’u nei pue utu i mamu,
ua ite ïa oe i te reira.

Aore au i huna i to oe na parautia i roto i hohonuraa o to’u mafatu ;
ua faaite râ vau i to oe haapao maitairaa, i to oe faaoraraa,
Aore au i huna i ta oe here-maitai e ta oe parau-mau
i te amuiraa rahi.

TAIORAA PITI

« Teie au, no’u hoi te parau i papaihia i roto i te otaro o te puta ra te haere mai nei au, e te Atua e, e faatia i to oe na hinaaro »

A taio tatou i te epitore i te mau Hebera 10, 4-10

E au mau taeae e, e ore hoi e ti’a i te toto puaatoro ’e i te toto puaaniho ia hopoi ’? atu i te hara. No reira, i t?na tomoraa mai i te ao nei, ua na ? atura te Kirito : Aita a’enei i ti’a ia oe te tutia’e te p?p?raa, ua faanahonaho mai r? oe i te hoe tino no’u. Aita oe i mauruuru i te tutia taauahi     ’e te tutia taraehara. Na ? atura vau : teie au, no’u hoi te parau i papaihia i roto i te otaro o te puta ra, te haere mai nei au, e te Atua e, e faatia i to oe na hinaaro. » Ua parau na oia : Aita a’enei i ti’a ia oe te tutia, te p?p?raa, te tutia taauahi, ’e te tutia taraehara ; aita oe i mauruuru i te reira, p?p?-noa-hia atu ai te reira ia au i te ture ra. ’E, i muri mai, ua na ? atura oia : Inaha, te haere mai nei au e faatia i to oe hinaaro. Te faaore nei ïa oia i tei mutaa iho ra haapaoraa, ’e te faatia nei oia i te piti. No te mana o taua hinaaro ra i haamo’ahia ai tatou nei, na roto i te p?p?raa hoe roa i te tino o Iesu-Kirito.

- O te Parau ïa a te Atua.

ALLELUIA

Ei hanahana e ia aruehia oe, e te Fatu e Iesu e !
(I te Tau pakate : Alleluia. Alleluia !)
Ua riro te Parau ei taata,                              Ioa 1, 14ab
’e ua puhapa mai io tatou nei.
’E ua ite tatou i tôna hanahana.
Ei hanahana e ia aruehia oe, e te Fatu e Iesu e !

EVANELIA

« Inaha, e t? oe, ’e e fanau mai i te hoe tamaiti »

Evanelia o Iesu-Kirito a Luka peata 1, 26b-38

I teie tau ra, ua tono maira te Atua i te melahi ra, ia Gaberiela, i te hoe oire i Galilea, o Nazareta te i’oa. I te hoe paretenia i m?mo’ahia i te hoe taata no te utuafare o Davida ra, o Iosepha t?na i’oa ; o Maria te i’oa o taua paretenia ra. I t?na tomoraa mai, ua parau maira te melahi iana : « Ia ora na, e tei faa?hia e te Atua i te karatia, tei ia oe na te Fatu. » I te faarooraa oia i taua parau ra, horiri roa atura Maria ; te feruri noa ra oia i te auraa o taua aroharaa ra. Ua parau maira te melahi iana : « Eiaha oe e mata’u, e Maria e, ua ti’ahia mai hoi oe e te Atua. Inaha, e t? oe, ’e e fanau mai i te hoe tamaiti, ’e e mairi oe iana i te i’oa Iesu. E rahi oia, ’e e parauhia oia i te Tamaiti a te Atua teitei rahi. ’E na te Fatu ra, na te Atua, e horoa mai nona i te terono o t?na metua o Davida ra. E hau oia i nia i te utuafare o Iakoba e a muri noa atu, ’e e ore t?na basileia e mure. » Ua parau atura Maria i te melahi : « E nafea e tupu ai, aore hoi au e ite i te taata. » Ua pahono maira te melahi iana : « E pou mai te Varua-Maitai i nia ia oe, ’e na te mana o te Atua teitei rahi e tamaru mai ia oe ; ’e no reira te tamaiti e fanauhia mai e oe, e mo’a ïa ’e e parauhia oia e, o te Tamaiti a te Atua. ’E inaha t? taeae, o Elisabeta, ua t? atoa ïa i te hoe tamaiti i t?na nei ruhiruhiaraa, ’e o te ono teie o te marama, o oia hoi i parauhia e, e ?’i. Aore roa hoi e mea e ore e ti’a i te Atua. » Ua parau atura Maria : « Inaha ei tavini au no te Fatu, ia na reirahia mai au mai ta oe i parau mai na. » Reva ’? atura taua melahi ra.

- Haapopou tatou i te Parau a te Atua.