21 no Setepa - Mataio peata

21 no SETEPA

MATAIO PEATA
e apotoro e te papai Evanelia

Oro’a

TAIORAA MATAMUA

« ’E ua horoa mai oia, ’e ua horoa mai oia ’e i te tahi pae ei poro Evanelia »

A taio tatou i te epitore a Paulo peata i to Ephesia 4, 1b-7.11-13

E au mau taeae e, o vau nei hoi te taata tapeahia o te Fatu, ia au to outou oraraa i te nominoraa i nominohia ai outou. A faaoroma’i outou te tahi i te tahi ma te manao haehaa, ma te mar? ’e te ha’amahura’a roa i roto i te here. E ara maite outou ia tapea i te autahoeraa a te Varua ma te taati ia outou i te hau. Hoe roa tino e vai nei ’e hoe hoi Varua, mai ia outou atoa na i nominohia i te tiaturiraa hoe. Hoe Fatu, hoe faaroo, hoe papetitoraa, hoe Atua, te Metua o te mau taata atoa ra, o te ti’a ra i nia i te mau taata atoa ra, o te ohipa na roto i te mau taata atoa, ’e tei roto oia ia tatou atoa nei. Ua horohia mai te karatia ia tatou atoa, mai te au r? i te faito i faataahia e te Kirito i te taata tataitahi. ’E ua horoa mai oia i e tahi pae ei apotoro, ’e i te tahi pae ei peropheta, ’e i te tahi pae ei poro Evanelia, ’e i te tahi pae ei tiai ’e ei orometua. Ia faanahonahohia te feia mo’a no to ratou taviniraa, ia faatiahia te tino o te Kirito. ’E, ia oti te tino i te faatiahia, ua riro ïa tatou ei hoe i roto i te faaroo ’e te ite i te Tamaiti a te Atua, ua riro ia tatou ei taata paari, ’e ua rae’a ia tatou te faito o te ? o te Kirito.

- O te Parau ïa a te Atua.

SALAMO 19, 2-3, 4-5

R/ Ua parare atura to ratou mau reni na te ao nei.

Te faaite hua nei te mau rai i te hanahana o te Atua,
e te parau nei te reva i te ohipa a tona ra rima.
Te haapii nei te tahi ao i te tahi i taua parau nei,
e te faaite nei te tahi rui i te tahi i taua ite ra.

E ere teie i te faatiaraa-parau, e ere i te tuuraa-reo,
e ere i te reo o te tia ia faaroo hia ;
ua parare atura to ratou mau reni na te ao nei,
e ta ratou mau parau i te hopea mai o te ao nei.

ALLELUIA

Alleluia. Alleluia.
E ia oe na ta matou arueraa,
e te Fatu e to matou Atua.
O oe hoi ta te mau Apotoro e faahanahana !
Alleluia.

EVANELIA

« A pee mai ia’u. Ti’a a’era taua taata ra i nia, pee atura ia Iesu »

Evanelia o Iesu-Kirito a Mataio peata 9, 9-13

I taua anotau ra, ’e, te haere maira Iesu mai reira mai no Kaparena, ite atura oia i te hoe taata, o Mataio te i’oa, i te parahiraa i roto i te fare e titauhia ai te mau tute. Ua parau atura oia iana : « A pee mai ia’u. » Ti’a a’era taua taata ra i nia, pee atura ia Iesu. ’E, tei nia Iesu i te amuraa m?a, i roto i te fare o Mataio, e rave rahi te telona ’e te feia rave hara i amui mai ia Iesu ’e i tana mau pipi i nia i te amuraa m?a. ’E, ite a’era te mau pharisea, ua parau atura ratou i tana mau pipi : « E aha ta outou orometua e tam?a ai ’e te mau telona ’e te feia rave hara ra ? » Ua faaroo atura Iesu i ta ratou parau, ua na ? atura oia : « E ere i to te feia ora te taote, no te feia ma’i r?. A haere na outou a haapii i te auraa o teie parau : o te aroha t?’u e hinaaro, eiaha te tutia ; aore hoi au i haere mai e parau i te feia parautia, i te feia hara r?. »

- Haapopou tatou i te Parau a te Atua.