2 no Febuare Te pupuraahia...

2 no FEBUARE

TE PUPURAAHIA O TE FATU I TE HIERO
(Mahana no te Oraraa Euhe i te ao nei)

Oro’a

Ia tano teie oroa i te dominika, e ravehia te mau taioraa i faataahia no te dominika

TAIORAA MATAMUA

E tia ia maite hoe taioraa i roto i na taioraa e maha i raro nei :

1. « E tae oioi mai i tona ra hiero te Fatu ta outou i imi nei »

A taio tatou i te puta a Malakia peropheta 3, 1-4

Teie te parau a te Fatu, te Atua : Inaha, te tono nei au i ta’u merahi, e nana e faanehenehe i te èâ i mua i ta’u aro. E tae oioi mai i tona ra hiero te Fatu ta outou i imi nei, e te merahi a te faufaa, ta outou i hinaaro maira. Inaha, te haere mai nei ; te na reira maira te Fatu o te mau nuu. E o vai te tia ia manao i te mahana o tona taeraa mai, e o vai te tia ia hio iana ? E au hoi oia i te auahi faatahe, e i te aretu o te taata tamâ ahu. E parahi oia mai te faatahe e te tamâ i te ario ; e e tamâ oia i te mau tamarii a Levi, e e tamâ oia ia ratou mai te auro ra e te ario ; e e pupu ratou i te tutia i te Fatu ma te parautia. E e au i te Fatu te tutia a Iuda e a Ierusalema, mai te i te mau mahana i mairi aenei ; e mai te i te mau matahiti i tahito ra.

- O te Parau ïa a te Atua.

E aore râ :

2. « Ia faaau oia iana iho i t?na mau taea »

A taio tatou i te epitore i te mau Hebera 2, 14-18

’E teienei, e toto to te mau tamarii atoa ’e te tino hoi, ei toto atoa ïa t?na e ti’a ai ’e te tino. No te mea, na roto i t?na pohe oia e faaere ai i te diabolo i t?na mana i nia i te pohe, ’e e faatiama ai i te feia ta te mata’u i te pohe i faariro ei t?t? e hope roa a’e to ratou oraraa nei. Aita oia i haere mai e tauturu i te melahi, i te huaai r? o Aberahama. No reira, ia faaau oia iana iho i t?na mau taea e i te mau vahi atoa e ti’a ai, ia riro oia ei tahu’a rahi aau aroha ’e te haapao maitai, ’e ei taraehara no te mau hara a te nunaa. I te mea hoi e, ua tamatahia oia i te mauiui, e ti’a atoa iana ia tauturu i te feia i roohia e te ati.

- O te Parau ïa a te Atua.

SALAMO 23, 7, 8, 9, 10

R/ Oia te Fatu no te mau nuu ; oia te arii hanahana.

A faateitei na outou ia outou, e te mau uputa e !
A faateitei na outou, e te mau uputa etereno e !
E ia tomo mai te arii hanahana i roto !

O vai teienei arii hanahana ?
O Iehova ïa, te puai e te mana,
te Fatu mana rahi i te aroraa.

A faateitei na outou ia outou, e te mau uputa e.
A faateitei na outou, e te mau uputa etereno e !
Ia tomo mai te arii hanahana i roto !

O vai teienei arii hanahana ?
Oia te Fatu no te mau nuu,
oia te arii hanahana !

ALLELUIA

Alleluia. Alleluia.
O te tiarama ïa e heheuhia ai oe ite mau nunaa etene ra,        Luk 2, 32
’e o te hanahana hoi no to oe nunaa o Iseraela.
Alleluia.

EVANELIA

« Ite ta’u mata i te ora na oe »

Evanelia o Iesu-Kirito a Luka peata 2, 22-40 (Taioraa haapotohia : 22-32)

E tae a’era i te mahana e tam?hia ai raua, mai tei au i tei faauehia mai e te ture a Mose ra, hopoi atura Maria raua o Iosepha i te tamaiti iti i Ierusalema no te p?p? iana i mua i te aro o te Fatu. Ua papaihia hoi, i roto i te ture a te Fatu : « Te mau tamaroa matahiapo atoa, ua mo’a ïa i te Fatu. » ’E no te hopoi atoa i e piti uupa, e aroe r?, e piti fanaua ’?’?’aira’o ei tutia, mai tei parauhia i roto i te ture a te Fatu. ’E inaha, tei Ierusalema te hoe taata, o Simeona te i’oa ; e taata parautia oia ’e te paieti hoi, te tiai ra oia i te haamahanahanaraa no Iseraela ’e tei nia iana te Varua-Maitai. Ua heheu mai te Varua-Maitai iana e, e ore oia e pohe hou a ite ai i te Kirito a te Fatu ra. Ua arataihia maira oia e te Varua-Maitai i te hiero. Ia hopoi mai na metua i te tamaiti, ia Iesu, e rave i tei titauhia nona e te ture ra, ua rave ihora Simeona i te tamaiti iti, tapea a’era i roto i tana rima, ’e ua haamaitai atura i te Atua, i te na ?raa e : « I teienei, e te Fatu e, e tuu noa oe i t? tavini nei, ia reva ma te hau ; inaha hoi, mai ta oe parau fafau mai ra, ua ite ta’u mata i te ora na oe, o ta oe i faaineine i mua i te mata o te mau nunaa atoa. ’e o te hanahana hoi no to oe nunaa o Iseraela. » E faaea te taioraa haapotohia i onei.

Maere ihora te metua tane ’e te metua vahine o te tamaiti i tei parauhia n?na. Ua haamaitai atura Simeona ia ratou ’e ua parau atura i t?na metua vahine ia Maria : « Ua haapaohia teie tamaiti iti ei hi’araa no to Iseraela e rave rahi ’e ei tia-faahou-raa-hoi no to Iseraela e rave rahi. E riro oia ei tapao e m?r?hia e te taata. O oe r?, e putap? to oe varua i te ’o’e. ’E e na reira e iethia ai te mau manao huna o na mafatu e rave rahi. » Te vai atoa ra te hoe peropheta vahine, o Ana, e tamahine na Phanuela, no te opu o Asera. Ua paari roa oia. E hitu ?na matahiti i te parahiraa i te tane t?na i faaipoipo i t?na vai-api-raa, i te poheraa t?na tane, ua parahi vahine ’ivi noa oia ’e ua rae’a iana te va’u ahuru ma maha o te matahiti. E ore oia e faarue i te hiero, e haamori noa r? oia i te Atua, ma te pure ’e te neseteia, i te p? ’e te ao. Tae maira oia, i reira ra, haamaitai atura i te Fatu, ’e ua haamata ihora i te ta’o i te parau no taua tamaiti iti ra      i te feia atoa e tiai i te faaoraraahia o Ierusalema. Hope a’era ia raua te mau mea atoa i faauehia mai e te ture a te Fatu ra, h?ho’i atura raua i Galilea i to raua iho oire mau, i Nazareta. Tupu a’era taua tamaiti ra, itoito atura ; ua ? oia i te paari ’e tei nia iana te here o te Atua.

- Haapopou tatou i te Parau a te Atua.